კლუბთან ჩხუბის გამო პოლიცია გამოიძახეს, რა დროსაც სამართალდამცველი დაიჭრა - რა მოხდა კოტე აფხაზის ქუჩაზე

თბილისში, წუხელ გვიან ღამით, კოტე აფხაზის ქუჩაზე სამსახურებრივი მოვალეობის შესრულების დროს პოლიციელი დაჭრეს. „პრაიმტაიმისთვის“ ცნობილი გახდა, რომ დაჭრამდე ერთ-ერთ კლუბთან ჩხუბი იყო, რა დროსაც ადგილზე მისული პოლიციელი დაჭრეს. სამართალდამცველის სიცოცხლეს საფრთხე არ ემუქრება, ის კლინიკაშია გადაყვანილი.

შინაგან საქმეთა სამინისტრომ გამოძიება სისხლის სამართლის კოდექსის 117-ე მუხლით დაიწყო, რაც სხეულის განზრახ მძიმე დაზიანებას გულისხმობს.