კაცს, რომელმაც კახეთში მომხდარი ავარის დროს, 5 წლის ბიჭი იმსხვერპლა 4 წელი მიუსაჯეს

კაცი, რომელმაც დედოფლისწყაროს მუნიციპალიტეტის სოფელ ზემო ქედში მომხდარი ავარის დროს, 5 წლის ბიჭი იმსხვერპლა, 4 წლიან სასჯელს მოიხდის.

სიღნაღის რაიონული სასამართლოს გადაწყვეტილებით, 37 წლის ვანო წიკლაური სასჯელის სრული ვადის 2 წელსა და 8 თვეს საპატიმროში გაატარებს, წელიწადი და 4 თვე კი, პირობითი მსჯავრის ქვეშ დარჩება.

ავტოსაგზაო შემთხვევა, სოფელ ზემო ქედში, 4 სექტემბერს მოხდა.

არასრულწლოვანი ბიჭი, სოფელ ზემო ქედში, სტუმრად, ლანჩხუთის მუნიციპალიტეტიდან მშობლების თანხლებით ჩავიდა.

თანატოლებთან ერთად გზაზე გადასვლის დროს, მას მსუბუქი ავტომანქანა შეეჯახა.

ძლიერი შეჯახების შედეგად, მოზარდი ადგილზე გარდაიცვალა.

გამოძიება მომხდარ ფაქტზე, სისხლის სამართლის კოდექსის 276-ე მუხლის მე-6-ე ნაწილით მიმდინარეობდა.