კაცს ემიგრანტი ქალი სახლში ჰყავდა დატყვევებული და მასზე 3 დღის განმავლობაში ძალადობდა (საბერძნეთი)

საბერძნეთში, ათენის ცენტრში 35 წლის კაცი დააკავეს.

მას ემიგრანტი ქალის გატაცება, მისი სურვილის საწინააღმდეგოდ ბინაში გამოკეტვა, ძალადობა და ქურდობა ედება ბრალად.

CNN-ის ბერძნული სამსახური იუწყება, რომ კაცს 32 წლის ბულგარელი ქალი თავის ბინაში სამი დღის განმავლობაში ჰყავდა გამოკეტილი და წასვლის საშუალებას არ აძლევდა.

მათივე ცნობით, ქალმა გაქცევა მოახერხა და ადგილობრივ განყოფილებაში მივიდა.

პოლიციამ კაცი მალევე დააკავა. იგი პროკურატურაშია გადაყვანილი.