დააკავეს

მოლდოვის პარლამენტის სპიკერი აცხადებს, რომ საბაჟოზე საბრძოლო მასალის კონტრაბანდის საქმემ შესაძლოა, გარკვეული პირების თანამდებობიდან გადადგომა გამოიწვიოს

მოლდოვის პარლამენტის სპიკერი იგორ გროსუ ამტკიცებს, რომ საბაჟოზე საბრძოლო მასალის კონტრაბანდის საქმემ შესაძლოა, გარკვეული ადამიანების თანამდებობებიდან გადადგომა გამოიწვიოს.გროსუს თქმით, გადაწყვეტილებები კომისიისა და საგამოძიებო ორგანოების დასკვნების საფუძველზე იქნება მიღებული.მოლდოვის მოქალაქის მიერ მართული საბრძოლო მასალის გადამტანი სატვირთო მანქანა 20 ნოემბერს რუმინეთში შესვლისას გააჩერეს. მოლდოვაში აღნიშნულ საქმეზე ოთხი ადამიანი დააკავეს. სატვირთო ავტომობილის მძღოლი, რომელიც მეხუთე ეჭვმიტანილია, რუმინეთში დააკავეს.მოლდოვის გენერალური პროკურატურის ცნობით, მატერიალურ მტკიცებულებებად იქნა აღიარებული შემდეგი ნივთები: საბრძოლო მასალის 18 კომპონენტი, საბრძოლო მასალის რვა სრული ელემენტი, მიწა-ჰაერი ტიპის გამშვები და „გერან 2“-ის ტიპის დრონი.გამომძიებლების თქმით, საბრძოლო მასალა რამდენიმე პარტიით გადაიტანეს უცნობმა პირებმა უკრაინაში არსებული უცნობი საწყობიდან. ისრაელისთვის განკუთვნილი „ლითონის პროდუქტებისთვის“ გაიცა ექსპორტის საბაჟო დოკუმენტები. ექსპორტის საბაჟო დოკუმენტაციაზე პასუხისმგებელი პირები, ექსპორტიორი, საბაჟო ბროკერი და გადამზიდავი დაკავებულები არიან.რუსეთის საგარეო საქმეთა სამინისტროს წარმომადგენელმა, მარია ზახაროვამ განაცხადა, რომ კიშინეუმ „შესაძლოა რუმინეთ-მოლდოვას საზღვარზე აღმოჩენილი იარაღი რუსეთის წინააღმდეგ პროვოკაციებისთვის გამოიყენოს“. ზახაროვას მტკიცებით, მედიაში გამოქვეყნებულ ფოტოებზე ასახულია „იგლას“ ტიპის სისტემები.

შემთხვევა • 1764316796

ჰონგ-კონგში საცხოვრებელ კომპლექსში ხანძრის შედეგად დაღუპულთა რაოდენობამ 128-ს გადააჭარბა

ბოლო მონაცემებით, ჰონგ-კონგში საცხოვრებელ კომპლექს „ვან ფუკ კორტში“ ძლიერი ხანძრის შედეგად დაღუპულთა რიცხვი 128-მდე გაიზარდა, 79 ადამიანი კი დაშავებულია. ათობით ადამიანი კვლავ დაკარგულად ითვლება.ხანძარი საცხოვრებელ კომპლექსში 26 ნოემბერს, ადგილობრივი დროით 14:50 საათზე დაიწყო და კომპლექსის 8 კორპუსიდან 7-ზე გავრცელდა. მეხანძრეებმა ცეცხლის სრულად ჩაქრობა მხოლოდ რამდენიმე საათის წინ მოახერხეს.მომხდართან დაკავშირებით, განზრახ მკვლელობის ბრალდებით სამშენებლო კომპანიის 3 თანამშრომელი დააკავეს. გამომძიებლები ეჭვობენ, რომ მათ ადვილად აალებადი მასალა გამოიყენეს, რამაც ცეცხლის სწრაფად გავრცელებას შეუწყო ხელი. ხანძრის გამომწვევი მიზანი ამ დრომდე უცნობია.

სამართალი • 1764315089

სასაზღვრო პოლიციამ სარფში, საზღვრის უკანონოდ, ჯგუფურად გადაკვეთის ფაქტზე საქართველოს 3 მოქალაქე დააკავა, მათ შორის, განზრახ მკვლელობის მცდელობისთვის ძებნილი

სარფში, საზღვრის უკანონოდ, ჯგუფურად გადაკვეთის ფაქტზე საქართველოს 3 მოქალაქე დააკავეს, მათ შორის, განზრახ მკვლელობის მცდელობისთვის ძებნილი. ინფორმაციას სასაზღვრო პოლიცია ავრცელებს.უწყების ცნობით, დანაშაული 5 წლამდე ვადით თავისუფლების აღკვეთას ითვალისწინებს.„შინაგან საქმეთა სამინისტროს სასაზღვრო პოლიციის თანამშრომლებმა, ბათუმის სამმართველოს სასაზღვრო სექტორ "სარფის" დასაცავ მონაკვეთზე ჩატარებული ოპერატიული ღონისძიებებისა და საგამოძიებო მოქმედებების შედეგად, საქართველოს სახელმწიფო საზღვრის უკანონოდ, ჯგუფურად გადაკვეთის ფაქტზე საქართველოს 3 მოქალაქე დააკავეს: 2007 წელს დაბადებული ლ.შ. და 1993 წელს დაბადებული თ.ჟ., ასევე, მძიმე დანაშაულის ჩადენისთვის - განზრახ მკვლელობის მცდელობისთვის ძებნილი, 1982 წელს დაბადებული მ.შ.გამოძიებამ დაადგინა, რომ ბრალდებულებმა, სასაზღვრო-საკონტროლო გამტარი პუნქტის გვერდის ავლით, თურქეთის რესპუბლიკიდან საქართველოს მიმართულებით ჯგუფურად, უკანონოდ გადაკვეთეს საქართველოს სახელმწიფო საზღვარი.გამოძიება საქართველოს სისხლის სამართლის კოდექსის 344-ე მუხლის მეორე ნაწილით მიმდინარეობს, რაც საქართველოს სახელმწიფო საზღვრის ჯგუფურად, უკანონოდ გადაკვეთას გულისხმობს“,- ნათქვამია განცხადებაში.

სამართალი • 1764312000

პოლიციამ ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვის ბრალდებით ერთი პირი დააკავა

შინაგან საქმეთა სამინისტროს თბილისის პოლიციის დეპარტამენტის თანამშრომლებმა ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვის ბრალდებით 1966 წელს დაბადებული გ.ჯ. დააკავეს.სამართალდამცველებმა ბრალდებულის საცხოვრებელი სახლის ჩხრეკისას, ცეცხლსასროლი იარაღი, მჭიდი და 7 ვაზნა ნივთმტკიცებად ამოიღეს. დანაშაული 6 წლამდე ვადით თავისუფლების აღკვეთას ითვალისწინებს.გამოძიება სისხლის სამართლის კოდექსის 236-ე მუხლის მე-3 ნაწილით მიმდინარეობს.

სამართალი • 1764311751

მიგრაციის დეპარტამენტის თანამშრომლებმა უცხო ქვეყნის 33 მოქალაქე დააკავეს

უკანონო მიგრაციის წინააღმდეგ ბრძოლის ფარგლებში, შინაგან საქმეთა სამინისტროს მიგრაციის დეპარტამენტის თანამშრომლებმა, სპეციალური საიმიგრაციო კონტროლის ღონისძიება ჩაატარეს.მოპოვებული ინფორმაციის საფუძველზე, ღონისძიების ფარგლებში დეპარტამენტის თანამშრომლების მიერ გადამოწმდა კონკრეტული ლოკაციები, რაც მიზნად ისახავდა საქართველოში კანონიერი საფუძვლის გარეშე მყოფ უცხო ქვეყნის მოქალაქეთა გამოვლენას.კომპლექსური ღონისძიების შედეგად დაკავებულია უცხო ქვეყნის 33 მოქალაქე. მათ შორის არიან – ინდოეთის, განას, ნიგერიის, პაკისტანის, ირანის, კენიის, ტუნისის, იემენის, ეგვიპტის, თურქეთის, ჩინეთის, მაროკოს და ბანგლადეშის მოქალაქეები.დადგინდა, რომ ისინი ქვეყანაში იმყოფებოდნენ „უცხოელთა და მოქალაქეობის არმქონე პირთა სამართლებრივი მდგომარეობის შესახებ“ საქართველოს კანონით დადგენილ მოთხოვნათა დარღვევით.ამჟამად, აღნიშნული პირები მოთავსებული არიან მიგრაციის დეპარტამენტის დროებითი განთავსების ცენტრში. მიმდინარეობს შესაბამისი პროცედურები მათი ქვეყნიდან გაძევების მიზნით.მიგრაციის დეპარტამენტი სპეციალურ საიმიგრაციო კონტროლს რეგულარულად ახორციელებს, რათა უზრუნველყოს „უცხოელთა და მოქალაქეობის არმქონე პირთა სამართლებრივი მდგომარეობის შესახებ“ საქართველოს კანონის ეფექტიანი აღსრულება.

სამართალი • 1764311624

აჭარაში განსაკუთრებით დიდი ოდენობით ფსიქოტროპული ნივთიერების საქართველოში უკანონოდ შემოტანის ფაქტზე უცხო ქვეყნის მოქალაქე დააკავეს

შინაგან საქმეთა სამინისტროს აჭარის პოლიციის დეპარტამენტის ბათუმის საქალაქო სამმართველოსა და ფინანსთა სამინისტროს შემოსავლების სამსახურის საბაჟო დეპარტამენტის თანამშრომლებმა, თურქეთის რესპუბლიკის მოქალაქე - 2001 წელს დაბადებული მ.ტ. განსაკუთრებით დიდი ოდენობით ფსიქოტროპული ნივთიერების უკანონო შეძენა - შენახვისა და საქართველოში უკანონოდ შემოტანის ბრალდებით დააკავეს. ინფორმაციას შსს ავრცელებს.დანაშაული 13 წლამდე ვადით თავისუფლების აღკვეთას ითვალისწინებს.სამართალდამცველებმა ბათუმის საერთაშორისო აეროპორტში, ბრალდებულის ხელბარგის შემოწმების შედეგად, განსაკუთრებით დიდი ოდენობით ფსიქოტროპული ნივთიერება „პრეგებალინის“ შემცველი 212 აბი ნივთმტკიცებად ამოიღეს.პოლიციამ მ.ტ. ბრალდებულის სახით დააკავა.განსაკუთრებით დიდი ოდენობით ფსიქოტროპული ნივთიერების უკანონო შეძენა - შენახვისა და საქართველოში უკანონოდ შემოტანის ფაქტზე გამოძება სისხლის სამართლის კოდექსის 261-ე და 263-ე მუხლებით მიმდინარეობს.

სამართალი • 1764269819

შსს განცხადებას ავრცელებს

დაკავებულია რუსეთის ორი მოქალაქე - ვლადიმირ დუბოვსკი და ალინა საველიევა, რომლებსაც ბრალად ედებათ საქართველოს სახელმწიფო საზღვრის უკანონოდ, ჯგუფურად გადმოკვეთა, - ამის შესახებ განცხადებას შინაგან საქმეთა სამინისტრო ავრცელებს. „შინაგან საქმეთა სამინისტროს სასაზღვრო პოლიციის დეპარტამენტის წარმოებაშია ათეულობით სისხლის სამართლის საქმე, რომელიც ბოლო წლების განმავლობაში საქართველოს ტერიტორიაზე სხვა ქვეყნის მოქალაქეების უკანონო გზით მიგრაციას ეხება.შს სამინისტრომ პრიორიტეტად დაისახა დანაშაულებრივი მიგრაციის წინააღმდეგ ბრძოლა. ხორციელდება შესაბამისი ოპერატიული და საგამოძიებო მოქმედებები.აღნიშნული ღონისძიებების ფარგლებში, მოსამართლის განჩინების საფუძველზე, დაკავებულია რუსეთის ორი მოქალაქე - ვლადიმირ დუბოვსკი და ალინა საველიევა, რომლებსაც ბრალად ედებათ საქართველოს სახელმწიფო საზღვრის უკანონოდ, ჯგუფურად გადმოკვეთა.გამოძიებით დადგინდა, რომ ბრალდებულები სასაზღვრო კონტროლის გვერდის ავლით, უკანონოდ შემოვიდნენ და ბოლო სამი წლის განმავლობაში უკანონოდ იმყოფებოდნენ საქართველოს ტერიტორიაზე.გარდა ამისა, ვლადიმირ დუბოვსკიმ და ალინა საველიევამ თავშესაფრის მოთხოვნით, არაერთხელ მიმართეს შინაგან სამინისტროს მიგრაციის დეპარტამენტს, რაზეც მათ უარი ეთქვათ, ვინაიდან ისინი ვერ აკმაყოფილებდნენ, თავშესაფრის მაძიებელთათვის არსებულ კრიტერიუმებს.აღნიშნულ პირებთან დაკავშირებით, მიგრაციის დეპარტამენტის მიერ მიღებული გადაწყვეტილება, მათ მიერ გასაჩივრდა 2 ინსტანციის სასამართლოში, თუმცა ორივე ინსტანციამ გადაწყვეტილება ძალაში დატოვა.საბოლოოდ, მიმდინარე წლის 12 ნოემბერს სასამართლომ ორივე მათგანის მიმართ გამოსცა დაკავების განჩინება, რის საფუძველზეც სამართალდამცველებმა ვლადიმირ დუბოვსკი და ალინა საველიევა ბრალდებულის სახით დააკავეს.დაკავებულები ამ დროისთვის გადაყვანილი არიან, წინასწარი დაკავების იზოლატორში. გამოძიება სისხლის სამართლის კოდექსის 344-ე მუხლის მე-2 ნაწილით მიმდინარეობს“, - ნათქვამია განცხადებაში.

მსოფლიო • 1764265550

FBI-ს დირექტორმა დაადასტურა, რომ პირს, რომელმაც აშშ-ის ეროვნული გვარდიის ორი წევრი დაჭრა, კავშირი ჰქონდა აშშ-ის ძალებთან ავღანეთში

გამოძიების ფედერალური ბიუროს (FBI) დირექტორმა, კეშ პატელმა დაადასტურა, რომ პირს, რომელმაც აშშ-ის ეროვნული გვარდიის ორი წევრი დაჭრა, კავშირი ჰქონდა აშშ-ის ძალებთან ავღანეთში.ეჭვმიტანილს, რაჰმანულა ლაკანვალს „ავღანეთში ჰქონდა ურთიერთობა პარტნიორ ძალებთან“, – განუცხადა პატელმა ჟურნალისტებს.ლაკანვალი შეერთებულ შტატებში 2021 წელს ჩავიდა. მან 2024 წელს მოითხოვა თავშესაფარი და ის მიიღო 2025 წლის აპრილში.პატელის თქმით, მისი კავშირები აშშ-თან ავღანეთში მიმდინარე გამოძიების ნაწილია.„ჩვენ სრულყოფილად ვიძიებთ მისი წარსულის ამ ასპექტსაც, მათ შორის ნებისმიერ ცნობილ თანამზრახველს, რომლებიც იმყოფებიან საზღვარგარეთ ან აქ, ამერიკის შეერთებულ შტატებში“, - დასძინა მან.აშშ-ის ეროვნული გვარდიის ორი მოსამსახურე თეთრ სახლთან ახლოს ცეცხლსასროლი იარაღით დაჭრეს. ვაშინგტონის პოლიციის სამმართველოს ინფორმაციით, სროლა მოხდა მე-17 და 1-ლი ქუჩების კვეთაზე, რის შედეგადაც ეროვნული გვარდიის 2 მოსამსახურე დაიჭრა. ისინი კლინიკაში იმყოფებიან. სამართალდამცველებმა ეჭვმიტანილი დააკავეს. როგორც ტრამპმა განაცხადა, ის მძიმედ არის დაჭრილი. მისი მოტივები უცნობია.

მსოფლიო • 1764255360

CIA-ს დირექტორი: სროლაში ეჭვმიტანილი, რომელმაც ეროვნული გვარდიის ორი წევრი დაჭრა, მანამდე ავღანეთში აშშ-ის მთავრობასთან, მათ შორის CIA-სთან მუშაობდა

სროლაში ეჭვმიტანილი, რომელმაც ეროვნული გვარდიის ორი წევრი დაჭრა, მანამდე ავღანეთში აშშ-ის მთავრობასთან, მათ შორის CIA-სთან მუშაობდა, - ნათქვამია ცენტრალური სადაზვერვო სააგენტოს (CIA) დირექტორის, ჯონ რეტკლიფის განცხადებაში.რეტკლიფმა აღნიშნა, რომ რაჰმანულა ლაკანვალი, რომელმაც ეროვნული გვარდიის ორ წევრს ესროლა, ყანდაარში CIA-ს ავღანელ პარტნიორად მსახურობდა.„ბაიდენის დროს ავღანეთიდან კატასტროფული გასვლის შემდეგ, ბაიდენის ადმინისტრაციამ 2021 წლის სექტემბერში ეჭვმიტანილის შეერთებულ შტატებში ჩამოყვანა იმით გაამართლა, რომ მას მანამდე ნამუშევარი ჰქონდა აშშ-ის მთავრობასთან“, - აღნიშნა CIA-ს დირექტორმა.აშშ-ის ეროვნული გვარდიის ორი მოსამსახურე თეთრ სახლთან ახლოს ცეცხლსასროლი იარაღით დაჭრეს. ვაშინგტონის პოლიციის სამმართველოს ინფორმაციით, სროლა მოხდა მე-17 და 1-ლი ქუჩების კვეთაზე, რის შედეგადაც ეროვნული გვარდიის 2 მოსამსახურე დაიჭრა. ისინი კლინიკაში იმყოფებიან. სამართალდამცველებმა ეჭვმიტანილი დააკავეს. როგორც ტრამპმა განაცხადა, ის მძიმედ არის დაჭრილი. მისი მოტივები უცნობია.

შემთხვევა • 1764230868

ბოლო ცნობები ტრაგედიის ადგილიდან - ჰონგ-კონგში საცხოვრებელ კომპლექსში დაღუპულთა რიცხვი გაიზარდა

ჰონგ-კონგში, საცხოვრებელ კომპლექს „ვან ფუკ კორტში“ ძლიერი ხანძრის შედეგად დაღუპულთა რიცხვი 55-მდე გაიზარდა. 270-ზე მეტი ადამიანი კვლავ დაკარგულად ითვლება. ერთ-ერთი დაღუპული 29 წლის მეხანძრეა. მანამდე ვრცელდებოდა ინფორმაცია 44 დაღუპულის შესახებ.სამაშველო სამსახურის ცნობით, საცხოვრებელი კომპლექსის 7-დან 4 შენობაში ხანძარი ლოკალიზებულია, მეხანძრეებს იმედი აქვთ, რომ დარჩენილ კერებს დღის ბოლომდე ჩააქრობენ. ხანძარი საცხოვრებელ კომპლექსში 26 ნოემბერს, ადგილობრივი დროით 14:50 საათზე დაიწყო. მომხდართან დაკავშირებით, განზრახ მკვლელობის ბრალდებით სამშენებლო კომპანიის 3 თანამშრომელი დააკავეს. გამომძიებლები ეჭვობენ, რომ მათ ადვილად აალებადი მასალა გამოიყენეს, რამაც ცეცხლის სწრაფად გავრცელებას შეუწყო ხელი.

მსოფლიო • 1764229790

ჰონგ-კონგში საცხოვრებელ კომპლექსში დაღუპულთა რიცხვი გაიზარდა

ჰონგ-კონგში, საცხოვრებელ კომპლექს „ვან ფუკ კორტში“ ძლიერი ხანძრის შედეგად დაღუპულთა რიცხვი 55-მდე გაიზარდა. 270-ზე მეტი ადამიანი კვლავ დაკარგულად ითვლება. ერთ-ერთი დაღუპული 29 წლის მეხანძრეა. მანამდე ვრცელდებოდა ინფორმაცია 44 დაღუპულის შესახებ.სამაშველო სამსახურის ცნობით, საცხოვრებელი კომპლექსის 7-დან 4 შენობაში ხანძარი ლოკალიზებულია, მეხანძრეებს იმედი აქვთ, რომ დარჩენილ კერებს დღის ბოლომდე ჩააქრობენ.ხანძარი საცხოვრებელ კომპლექსში 26 ნოემბერს, ადგილობრივი დროით 14:50 საათზე დაიწყო. მომხდართან დაკავშირებით, განზრახ მკვლელობის ბრალდებით სამშენებლო კომპანიის 3 თანამშრომელი დააკავეს. გამომძიებლები ეჭვობენ, რომ მათ ადვილად აალებადი მასალა გამოიყენეს, რამაც ცეცხლის სწრაფად გავრცელებას შეუწყო ხელი.

სამართალი • 1764225389

კრიმინალური პოლიციის აჭარის მთავარი სამმართველოს თანამშრომლებმა ინტერპოლის წითელი ცირკულარით ძებნილი პირი დააკავეს

ცენტრალური კრიმინალური პოლიციის დეპარტამენტის აჭარის მთავარი სამმართველოსა და გენერალური პროკურატურის თანამშრომლებმა, ინტერპოლის მიერ წითელი ცირკულარით ძებნილი, თურქეთის რესპუბლიკის მოქალაქე – 1991 წელს დაბადებული ე.დ. ქობულეთში დააკავეს.მსჯავრდებული ინტერპოლის წითელი ცირკულარით, 2025 წლის 17 ოქტომბრიდან, თურქეთში ჩადენილი განზრახ მკვლელობისა და სხეულის განზრახ დაზიანების ბრალდებით იძებნებოდა.ამჟამად დაკავებულის მიმართ კანონით გათვალისწინებული, წინასაექსტრადიციო პროცედურები მიმდინარეობს.