მსოფლიო • 1788677811

უიტკოფი პუტინთან შეხვედრაზე: „ეს პენსიაზე გასვლის შემდეგაც მემახსოვრება“

რუსული მედიის ცნობით, რუსეთის პრეზიდენტის, ვლადიმერ პუტინის შეხვედრა დონალდ ტრამპის მომლაპარაკებლებთან სტივ უიტკოფსა და ჯარედ კუშნერთან ერთ საათზე მეტხანს გაგრძელდა.მათივე ცნობით, შეხვედრისას პუტინმა განაცხადა, რომ მოსკოვი კიევთან ცეცხლის სრულად შეწყვეტას ამ ეტაპზე არ განიხილავს.„უკრაინის ხელისუფლებამ უფრო ფართო სამდღიანი ცეცხლის შეწყვეტისკენ მოგვიწოდა, თუმცა ჩვენ ამაზე მათთან არასდროს შევთანხმებულვართ“, – განაცხადა რუსეთის პრეზიდენტმა.ამასთან, რუსული მედიის ცნობით, სტივ უიტკოფმა აღნიშნა, რომ ვლადიმერ პუტინთან მისი საუბარი საინტერესო იყო და ის პენსიაზე გასვლის შემდეგაც ემახსოვრება.„მადლობას გიხდით, ბატონო პრეზიდენტო, დღეს აქ მასპინძლობისთვის. ჩვენ მოუთმენლად ველოდებოდით ამ შეხვედრას. ჩვენ ჯარედ კუშნერთან, კირილ დმიტრიევთან ერთად ვსხედვართ, შემდეგ იური უშაკოვი შემოგვიერთდა და ყველამ ვისაუბრეთ იმაზე, თუ როგორ გვექნება პენსიაზე გასვლისას ეს შესანიშნავი ისტორიები და მოგონებები. ჩვენი საუბრები თქვენთან ერთ-ერთი ყველაზე დასამახსოვრებელი იქნება“, – განაცხადა უიტკოფმა.ამასთან, რუსული მედიის ინფორმაციით, სტივ უიტკოფმა პუტინს მადლობა გადაუხადა აშშ-ის საზღვაო ქვეითის, რობერტ გილმანის გათავისუფლებისთვის, რომელიც რუსეთში 2022 წელს დააკავეს.„გილმანის ოჯახი წარმოუდგენლად მადლიერია თქვენი დახმარებისა და მისი სამშობლოში დაბრუნებისთვის“, – განაცხადა სტივ უიტკოფმა.

მსოფლიო • 1788630192

ქურდებმა 235 ათას დოლარიანი ბრილიანტი ყალბით შეცვალეს - როგორ გაირკვა სიმართლე

სინგაპურში ორმა მამაკაცმა საიუველირო მაღაზიიდან 235 ათას დოლარზე მეტი ღირებულების ბრილიანტის მოპარვა სცადა, თუმცა მათი გეგმა მალევე ჩავარდა - პოლიციამ ორივე მათგანი შემთხვევიდან სულ რაღაც სამ საათში დააკავა.30 და 42 წლის მამაკაცები მაღაზიაში შევიდნენ და ძვირად ღირებული ბრილიანტის შეძენით დაინტერესდნენ.მათ ქვის დათვალიერება და შემოწმება დაიწყეს. სწორედ ამ დროს, პოლიციის ინფორმაციით, მამაკაცებმა მოხერხებულად შეცვალეს ნამდვილი ბრილიანტი წინასწარ მომზადებული ყალბი ქვით.ორივემ მაღაზია ისე დატოვა, რომ არაფერი შეუძენია. თუმცა, მათი საქციელი თანამშრომელს საეჭვოდ მოეჩვენა. შემოწმების შემდეგ მან აღმოაჩინა, რომ ნამდვილი ბრილიანტი აღარ იყო ადგილზე და მისი ადგილი ყალბ ქვას დაეკავებინა.მაღაზიის თანამშრომელმა პოლიციას დაუყოვნებლივ მიმართა. სამართალდამცველებმა გამოძიება დაიწყეს და ეჭვმიტანილების იდენტიფიცირება სათვალთვალო კამერებისა და პოლიციის კამერების ჩანაწერების დახმარებით შეძლეს.საბოლოოდ, ორივე მამაკაცი აეროპორტში, შემთხვევიდან სამ საათზე ნაკლებ დროში დააკავეს. პოლიციამ მათგან მოპარული ნამდვილი ბრილიანტიც ამოიღო.მამაკაცებს ბრალი წაუყენეს ქურდობაში თანამზრახველთან ერთად. სინგაპურის კანონმდებლობით, აღნიშნული დანაშაული შვიდ წლამდე თავისუფლების აღკვეთითა და ჯარიმით ისჯება.

მსოფლიო • 1788627912

მამაკაცი მაღაზიაში ღამით დარჩა და დილამდე ნივთებს იპარავდა

ჩიკაგოში 53 წლის მამაკაცი დააკავეს, რომელიც ქალაქის ცენტრში მდებარე Macy’s-ის მაღაზიაში ღამის განმავლობაში დარჩა და იქიდან ტანსაცმელი და საკვები მოიპარა. ამის შესახებ უცხოური მედია წერს.სამართალდამცველების ინფორმაციით, მამაკაცი მაღაზიაში სამუშაო საათების დასრულების შემდეგ დარჩა. ღამის განმავლობაში მან რამდენიმე ტანსაცმელი აიღო, ჩაიცვა და მაღაზიის კვების ობიექტებიდან საკვებიც წაიღო.დაახლოებით ღამის 3:25 საათზე მამაკაცმა მაღაზია დატოვა. თუმცა მისი ისტორია ამით არ დასრულებულა.რამდენიმე კვირის შემდეგ, Macy’s-ის თანამშრომლებმა ქუჩაში შეამჩნიეს პირი, რომელიც აღწერით იმ ადამიანს ჰგავდა, ვინც ივნისში მაღაზიაში იმყოფებოდა. თანამშრომლების ყურადღება განსაკუთრებით იმან მიიქცია, რომ მას იგივე ფეხსაცმელი და ზურგჩანთა ჰქონდა, რაც შემთხვევის დროს დაფიქსირებულ პირს.პოლიციამ მამაკაცი დააკავა. მას ბრალი შენობაში უკანონოდ შეღწევასა და მძიმე კატეგორიის საცალო ქურდობაში წაუყენეს.

სამართალი • 1788612300

დააკავეს არასრულწლოვანი, რომელმაც თბილისში ტაქსის მძღოლი დააყაჩაღა - რა ინფორმაციას ავრცელებს შსს

შინაგან საქმეთა სამინისტროს თბილისის პოლიციის დეპარტამენტის ისანი-სამგორის მთავარი სამმართველოს თანამშრომლებმა, ჯგუფურად ჩადენილი ყაჩაღობის ბრალდებით არასრულწლოვანი დააკავეს, ხოლო კიდევ ერთი არასრულწლოვანი ამხილეს.სამართალდამცველების მიერ ჩატარებული გამოძიებით დადგინდა, რომ არასრულწლოვნები, ცივი იარაღით თბილისში თავს დაესხნენ ტაქსის მძღოლს, რომელსაც სიცოცხლის მოსპობის მუქარით თანხა გასტაცეს და შემთხვევის ადგილიდან მიიმალნენ.პოლიციამ ცხელ კვალზე ჩატარებული ოპერატიული ღონისძიებებისა და საგამოძიებო მოქმედებების შედეგად დანაშაულის ჩამდენი ერთ-ერთი არასრულწლოვანი ბრალდებულის სახით დააკავა, ხოლო მეორე არასრულწლოვნის მიმართ კანონით განსაზღვრული ღონისძიებები ტარდება.გამოძიება სისხლის სამართლის კოდექსის 179-ე მუხლით მიმდინარეობს, რაც 9 წლამდე ვადით თავისუფლების აღკვეთას ითვალისწინებს.

სამართალი • 1788592348

სამართალდამცველებმა თბილისში მომხდარი ყაჩაღობის ფაქტი ცხელ კვალზე გახსნეს - დაკავებულია არასრულწლოვანი

შინაგან საქმეთა სამინისტროს თბილისის პოლიციის დეპარტამენტის ისანი-სამგორის მთავარი სამმართველოს თანამშრომლებმა, ჯგუფურად ჩადენილი ყაჩაღობის ბრალდებით არასრულწლოვანი დააკავეს, ხოლო კიდევ ერთიარასრულწლოვანი ამხილეს.სამართალდამცველების მიერ ჩატარებული გამოძიებით დადგინდა, რომ არასრულწლოვნები, ცივი იარაღით თბილისში თავს დაესხნენ ტაქსის მძღოლს, რომელსაც სიცოცხლის მოსპობის მუქარით თანხა გასტაცეს და შემთხვევის ადგილიდან მიიმალნენ.პოლიციამ ცხელ კვალზე ჩატარებული ოპერატიული ღონისძიებებისა და საგამოძიებო მოქმედებების შედეგად დანაშაულის ჩამდენი ერთ-ერთი არასრულწლოვანი ბრალდებულის სახით დააკავა, ხოლო მეორე არასრულწლოვნის მიმართ კანონით განსაზღვრული ღონისძიებები ტარდება.გამოძიება სისხლის სამართლის კოდექსის 179-ე მუხლით მიმდინარეობს, რაც 9 წლამდე ვადით თავისუფლების აღკვეთას ითვალისწინებს.

სამართალი • 1788592056

პოლიციამ თბილისში განსაკუთრებით დიდი ოდენობით ნარკოტიკი ამოიღო - დაკავებულია უცხო ქვეყნის 3 მოქალაქე

შინაგან საქმეთა სამინისტროს თბილისის პოლიციის დეპარტამენტის გლდანი-ნაძალადევისა და დიდუბე-ჩუღურეთის მთავარი სამმართველოების თანამშრომლებმა, განსაკუთრებით დიდი ოდენობით ნარკოტიკული საშუალების უკანონო შეძენა-შენახვისა და რეალიზაციის ხელშეწყობის ბრალდებით, სხვადასხვა დროს უცხო ქვეყნის სამი მოქალაქე დააკავეს.სამართალდამცველებმა თბილისში, ბრალდებულების პირადი და დროებითი საცხოვრებლების ჩხრეკისას, ასევე, მითითებული ლოკაციიდან, ნივთმტკიცებად ამოიღეს განსაკუთრებით დიდი ოდენობით ნარკოტიკი, მათ შორის 92 შეკვრა სარეალიზაციოდ დაფასოებული „მეთადონი“.პოლიციის მიერ, ასევე, ამოღებულია ნარკოტიკების დაფასოებისთვის საჭირო მასალები.გამოძიება სისხლის სამართლის კოდექსის 260-ე და 260-ე კვარტა მუხლებით მიმდინარეობს, რაც 20 წლამდე ან უვადო თავისუფლების აღკვეთას ითვალისწინებს.

სამართალი • 1788591797

პოლიციამ აჭარაში ინტერპოლის წითელი ცირკულარით ძებნილი პირი დააკავა

შინაგან საქმეთა სამინისტროს საპატრულო პოლიციის დეპარტამენტის თანამშრომლებმა, ინტერპოლის წითელი ცირკულარით ძებნილი უცხო ქვეყნის მოქალაქე დააკავეს.დაკავებული, საბერძნეთის სამართალდამცავი ორგანოების მოთხოვნის საფუძველზე, განსაკუთრებით დიდი ოდენობით თანხის თაღლითურად დაუფლების ბრალდებით იძებნებოდა.სამართალდამცველებმა ძებნილი პირი ბათუმში დააკავეს.ამჟამად, დაკავებულის მიმართ კანონით გათვალისწინებული საექსტრადიციო პროცედურები მიმდინარეობს.

მსოფლიო • 1788523440

დააკავეს ქალი, რომელიც გაცნობის აპლიკაციით მამაკაცებს ხვდებოდა და მათ სასმელში წამალს ურევდა (უცხოეთი)

ფლორიდაში 39 წლის ქალი დააკავეს, რომელსაც პოლიცია მამაკაცების გაცნობის აპლიკაციებით გაცნობასა და მათი სასმელების ნარკოტიკული ნივთიერებებით მოწამვლაში ადანაშაულებს. გამომძიებლები ვარაუდობენ, რომ შესაძლოა მას სხვა დაზარალებულებიც ჰყავდეს.სკანდალური საქმის მთავარი ფიგურა ორლანდოელი სამანტა ადამსია. მას საჯაროდ „შავი ქვრივი“ უწოდეს. ქალის სავარაუდო მოტივი ფული იყო.გამოძიების ყურადღების ცენტრში 69 წლის მამაკაცი აღმოჩნდა, რომელმაც ადამსი გაცნობის აპლიკაციის საშუალებით გაიცნო. მამაკაცი ქალს „ნალას“ სახელით იცნობდა.გამომძიებლების ინფორმაციით, ერთ-ერთი შეხვედრის დროს ქალი მამაკაცის სახლში იმყოფებოდა. მათ შორის ავტომობილის გამო კამათი მოხდა, რომელიც მამაკაცს მისთვის ჰქონდა ნაყიდი.დაპირისპირების შემდეგ ქალი სამზარეულოში გავიდა, ჩანთით დაბრუნდა და ორი ჭიქა ვისკი მოიტანა. მამაკაცმა სასმელი დალია. მოგვიანებით მას ინტიმური ურთიერთობის დროს მოულოდნელად ცუდად გახდომის ნიშნები დაეწყო.მამაკაცის განცხადებით, ადამსმა მას შემდეგ 1000 დოლარი მოსთხოვა. როდესაც მან თანხის გადახდაზე უარი თქვა, ქალი სახლიდან წავიდა.რამდენიმე საათში მამაკაცი გონზე აღარ იყო და საავადმყოფოში გადაიყვანეს. ექიმებმა მას ბენზოდიაზეპინებით მოწამვლა დაუდგინეს, მიუხედავად იმისა, რომ მას მსგავსი პრეპარატები დანიშნული არ ჰქონდა.ყველაზე შემაშფოთებელი დეტალი ის არის, რომ მამაკაცმა გამომძიებლებს განუცხადა, ადამსთან შეხვედრების შემდეგ მსგავსი რამ მანამდე რამდენჯერმეც დაემართა.მისი თქმით, ერთ შემთხვევაში სასმელის მიღების შემდეგ წონასწორობა დაკარგა და წაიქცა. სხვა დროს კი ავტომობილში გონება დაკარგა, როდესაც ქალის სახლიდან მიდიოდა.კიდევ ერთი შემთხვევა 15 აგვისტოს მოხდა - მამაკაცმა განაცხადა, რომ ადამსის სახლიდან წამოსვლისას იმდენად მოთენთილი იყო, რომ ავტომობილით სხვა მანქანას შეეჯახა.მამაკაცი ამტკიცებს, რომ აღნიშნულ შემთხვევებში მხოლოდ მცირე რაოდენობით ალკოჰოლი ჰქონდა მიღებული.პოლიციის ცნობით, დაკავებისას ქალს ჰქონდა რეცეპტით გასაცემი მედიკამენტების ბოთლი, რომელიც სხვა ადამიანზე იყო გამოწერილი.საქმის ყველაზე დიდი საიდუმლო ახლა ისაა, იყო თუ არა 69 წლის მამაკაცი ერთადერთი დაზარალებული.პოლიციას ამის დამადასტურებელი საბოლოო მტკიცებულება ამ ეტაპზე არ გამოუქვეყნებია, თუმცა გამომძიებლები ვარაუდობენ, რომ შესაძლოა არსებობდნენ სხვა მამაკაცებიც, რომლებსაც ადამსი ინტერნეტით შეხვდა.

სამართალი • 1788521158

პროკურატურამ დიდი ოდენობით თანხის თაღლითურად დაუფლების, ყალბი ოფიციალური დოკუმენტის დამზადების და გამოყენების ფაქტებზე ერთ პირს ბრალდება წარუდგინა

თბილისის პროკურატურის თაღლითობის სისხლის სამართლის საქმეებზე საპროცესო ხელმძღვანელობის სამმართველომ დიდი ოდენობით თანხის თაღლითურად დაუფლების, ყალბი ოფიციალური დოკუმენტის დამზადების და გამოყენების ფაქტებზე ერთ პირს ბრალდება წარუდგინა.შინაგან საქმეთა სამინისტროს მიერ ჩატარებული გამოძიებით დადგინდა, რომ ბრალდებულმა უცხო ქვეყნის მოქალაქეებს თავი ადვოკატად წარუდგინა და თითქოსდა საქართველოში ბინადრობის და მუშაობის უფლების მიღებაში დახმარების სანაცვლოდ 58 000 ლარი გამოართვა მათ, რომელიც სრულად მიისაკუთრა და პირადი მიზნებისთვის გამოიყენა. ხოლო დაზარალებულთა პრეტენზიის შემდეგ საბანკო გადარიცხვის ყალბი დოკუმენტი დაამზადა, რითაც სცადა ისინი დაერწმუნებინა, თითქოსდა თაღლითურად დაუფლებული თანხა უკან დაუბრუნა.სამართალდამცველებმა ბრალდებული მოსამართლის განჩინების საფუძველზე დააკავეს. მას ბრალდება საქართველოს სისხლის სამართლის კოდექსის 362-ე მუხლის მე-2 ნაწილის „ბ“ ქვეპუნქტით (ყალბი დოკუმენტის დამზადება და გამოყენება, რამაც მნიშვნელოვანი ზიანი გამოიწვია) და 180-ე მუხლის მე-3 ნაწილის „ბ“ ქვეპუნქტით (თაღლითობა, ჩადენილი დიდი ოდენობით) წარედგინა, რაც სასჯელის სახედ და ზომად 9 წლამდე თავისუფლების აღკვეთას ითვალისწინებს.პროკურატურის შუამდგომლობის საფუძველზე ბრალდებულს აღკვეთის ღონისძიების სახით პატიმრობა შეეფარდა.

სამართალი • 1788510144

პოლიციამ თბილისში მიკროავტობუსის ქურდობის ბრალდებით ერთი პირი დააკავა

თბილისში სატრანსპორტო საშუალების ქურდობის ბრალდებით წარსულში მრავალჯერ ნასამართლევი და ამჟამად პირობითი მსჯავრის ქვეშ მყოფი პირი დააკავეს.გამოძიებით დადგინდა, რომ ბრალდებული სატრანსპორტო საშუალებას მართლსაწინააღმდეგოდ დაეუფლა და ადგილიდან მიიმალა. სამართალდამცველებმა დანაშაულებრივი გზით დაუფლებულ მიკროავტობუსს იმავე დღეს კახეთის რეგიონის ერთ-ერთ მუნიციპალიტეტში მიაკვლიეს და ნივთმტკიცების სახით ამოიღეს.პოლიციამ ცხელ კვალზე ჩატარებული ოპერატიული ღონისძიებებისა და საგამოძიებო მოქმედებების შედეგად დანაშაულის ჩამდენი პირი ბრალდებულის სახით დააკავა.გამოძიება სისხლის სამართლის კოდექსის 177-ე მუხლის მე-3 ნაწილის ,,დ“ ქვეპუნქტით მიმდინარეობს, რაც 7 წლამდე ვადით თავისუფლების აღკვეთას ითვალისწინებს.  

სამართალი • 1788510090

პოლიციამ თბილისში დიდი ოდენობით თანხის თაღლითურად დაუფლების, ყალბი ოფიციალური დოკუმენტის დამზადებისა და გამოყენების ბრალდებით ერთი პირი დააკავა

თბილისში, დიდი ოდენობით თანხის თაღლითურად დაუფლების, ყალბი ოფიციალური დოკუმენტის დამზადებისა და გამოყენების ბრალდებით, ერთი პირი დააკავეს.სამართალდამცველების მიერ საქმეზე კომპლექსურად ჩატარებული საგამოძიებო მოქმედებების შედეგად დადგინდა, რომ ბრალდებულმა უცხო ქვეყნის მოქალაქეებს თავი ადვოკატად წარუდგინა და მათ საქართველოში ბინადრობისა და მუშაობის უფლების მოსაპოვებლად საბუთების მომზადებაში დახმარების სანაცვლოდ 58 000 ლარი გამოართვა, თუმცა დანაპირები არ შეასრულა და აღნიშნული თანხა თაღლითურად მიისაკუთრა.დაზარალებულთა მხრიდან პრეტენზიის გამოთქმის შემდგომ, ბრალდებულმა დაამზადა საბანკო გადარიცხვის ყალბი დოკუმენტი და აღნიშნული დოკუმენტის გამოყენებით შეეცადა დაზარალებულთა დარწმუნებას, თითქოს მათთვის კუთვნილი თანხა უკან ჰქონდა დაბრუნებული.სამართალდამცველებმა ბრალდებული მოსამართლის განჩინების საფუძველზე დააკავეს.გამოძიება სისხლის სამართლის კოდექსის 180-ე და 362-ე მუხლებით მიმდინარეობს, რაც 9 წლამდე ვადით თავისუფლების აღკვეთას ითვალისწინებს.

მსოფლიო • 1788504000

„ბარგში ბომბი მაქვს“ - კაცმა აეროპორტში იხუმრა, მაგრამ რამდენიმე წუთში დააკავეს

მაიამის საერთაშორისო აეროპორტში 33 წლის მამაკაცის ხუმრობა რეალურ პრობლემად იქცა. მამაკაცი კუბაში მიმავალ რეისზე ასვლას აპირებდა, როდესაც ავიაკომპანიის თანამშრომელმა ბარგში საშიში ნივთების არსებობის შესახებ სტანდარტული კითხვა დაუსვა.მამაკაცმა მოულოდნელად უპასუხა: „არა, მაგრამ ბომბი მაქვს.“მიუხედავად იმისა, რომ მალევე განმარტა, ხუმრობდა, აეროპორტის თანამშრომლებმა პოლიცია გამოიძახეს. მისი ბარგი სპეციალურად გაწვრთნილმა ძაღლმა შეამოწმა, თუმცა ბომბი ან სხვა ასაფეთქებელი ნივთიერება არ აღმოჩნდა.გევარა-კრესპოსი ადგილზე დააკავეს. მას ბომბის არსებობის შესახებ ცრუ ინფორმაციის გავრცელება ედება ბრალად, რაც შტატის კანონმდებლობით მძიმე დანაშაულად ითვლება.მამაკაცი 1 სექტემბერს სასამართლოს წინაშე წარდგა და გირაო 2 500 დოლარით განესაზღვრა.