პოლიტიკა • 1793030015

პენიტენციური სამსახურის ახალ უფროსად რამაზ თათარაშვილი დაინიშნა

სპეციალური პენიტენციური სამსახურის ახალ უფროსად რამაზ თათარაშვილი დაინიშნა. ინფორმაციას სპეციალურ პენიტენციურ სამსახურში ადასტურებენ. მანამდე, ცოტა ხნის წინ ცნობილი გახდა, რომ გიორგი პატარიძემ პენიტენციური სამსახურის უფროსის თანამდებობა დატოვა. მან იუსტიციის მინისტრს წერილობით მიმართა.პროკურატურამ იუსტიციის სამინისტროს სპეციალური პენიტენციური სამსახურის გენერალური დირექტორის, გიორგი პატარიძისთვის უფლებამოსილების შეჩერების რეკომენდაციით მიმართა.

სამართალი • 1793025340

სპეციალური პენიტენციური სამსახურის უფროსმა გიორგი პატარიძემ თანამდებობა დატოვა

სპეციალური პენიტენციური სამსახურის უფროსმა თანამდებობა დატოვა. გიორგი პატარიძემ იუსტიციის მინისტრს წერილობით უკვე მიმართა. მანამდე კი პროკურატურამ იუსტიციის სამინისტროს სპეციალური პენიტენციური სამსახურის გენერალური დირექტორის, გიორგი პატარიძისთვის უფლებამოსილების შეჩერების რეკომენდაციით მიმართა.ინფორმაციას პროკურატურაში ადასტურებენ.უწყება განმარტავს, რომ დავით ფეიქრიშვილთან დაკავშირებულ ინფორმაციაზე დაწყებული სისხლის სამართლის საქმე, იუსტიციის სამინისტროს გენერალური ინსპექციიდან გამოსაძიებლად გენერალური პროკურატურის საგამოძიებო ნაწილს გადაეცა.

პოლიტიკა • 1793025190

ბექა მიქაუტაძემ 2025-2026 წლებში გაწეული საქმიანობის შესახებ ანგარიში წარადგინა

თბილისის მუნიციპალიტეტის საკრებულოს VIII მოწვევის საკრებულოს უმრავლესობის წევრმა, საბურთალოს რაიონის (ვეძისი, ვაჟა-ფშაველა, ყაზბეგი, გოთუა) მაჟორიტარმა ბექა მიქაუტაძემ 2025-2026 წლებში გაწეული საქმიანობის შესახებ ანგარიში წარადგინა. ანგარიშში ასევე ვრცელი ადგილი საკრებულოს წევრის სამაჟორიტარო ოლქში წლის განმავლობაში განხორციელებულ საქმიანობას დაეთმო.საკრებულოს ჯანმრთელობის დაცვისა და სოციალურ საკითხთა კომისიის თავმჯდომარემ, ფრაქციის „ქართული ოცნება - დემოკრატიული საქართველო“ და ქონების მართვისა და საფინანსო-საბიუჯეტო კომისიის წევრმა ბექა მიქაუტაძემ ანგარიშის წარდგენისას თბილისის საკრებულოში გაწეული საქმიანობის შესახებ დეტალურად ისაუბრა და საკრებულოს კომისიებსა და ფრაქციაში საკუთარი აქტივობა დაწვრილებით მიმოიხილა.ანგარიშის წარდგენისას ბექა მიქაუტაძემ ჯანდაცვისა და სოციალური მიმართულებით დედაქალაქის მუნიციპალიტეტის მიერ დაფინანსებულ 39 პროგრამა-ქვეპროგრამაზე დეტალურად ისაუბრა და აღნიშნა, რომ პროგრამა-ქვეპროგრამების დაფინანსებისთვის 195 819 800 ლარი არის გამოყოფილი.საკრებულოს ჯანმრთელობის დაცვისა და სოციალურ საკითხთა კომისიის თავმჯდომარემ პრეზენტაციაზე შეკრებილ საზოგადოებას თბილისის საკრებულოს რეგლამენტის შესაბამისად ჯანმრთელობის დაცვისა და სოციალურ საკითხთა კომისიის მიერ ორგანიზებულ სხდომებსა და განხილულ საკითხებზე ინფორმაცია მიაწოდა, რომლებზეც შესაბამისი ოქმები და დასკვნები მომზადდა.ანგარიშში ცალკე ადგილი დაეთმო საანგარიშო პერიოდში ჩატარებულ კომისიის სხდომებზე მიღებულ დადგენილებებსა და განკარგულებებს.ანგარიშის წარდგენისას ბექა მიქაუტაძემ განსაკუთრებული ყურადღება დაუთმო ჯანმრთელობის დაცვისა და სოციალურ საკითხთა კომისიის ინიციატივით გამართულ არაერთ აქტივობას. მან ღონისძიებები, დაჯილდოებები, ოფიციალური შეხვედრები, უცხოელ სტუმრებსა და დელეგაციებთან ვიზიტები და ურთიერთობა დაწვრილებით მიმოიხილა.საკრებულოს წევრის ანგარიშში საკმაოდ ვრცელი ადგილი საბურთალოს მაჟორიტარულ ოლქში წლის განმავლობაში განხორციელებულ საქმიანობას დაეთმო.ბექა მიქაუტაძემ სამაჟორიტარო რაიონში განხორციელებულ ინფრასტრუქტურულ, მათ შორის საჯარო სკოლების, კეთილმოწყობის, ბინათმესაკუთრეთა ამხანაგობების, ავარიული სახლების ჩანაცვლების და სხვა პროექტებზე დეტალურად ისაუბრა.ანგარიშის თანახმად, წარმომადგენლობა აქტიურად თანამშრომლობს როგორც ცენტრალური ხელისუფლების შესაბამის ორგანოებთან, სხვადასხვა ადგილობრივ და საერთაშორისო ორგანიზაციებთან, ასევე კერძო სამართლის იურიდიულ პირებთან.„საანგარიშო პერიოდში კონსულტაცია გაეწია 150 მოქალაქეს და სამაჟორიტარო რაიონში 2 275 ადამიანის მკურნალობისთვის გამოყოფილია 794 205 ათასი ლარი, 2 150 ადამიანს მედიკამენტები დაუფინანსდა 395 394 ათასი ლარით, 3 381 ადამიანმა მიიღო ერთჯერადი დახმარება 643 500 ათასი ლარი, 212 ადამიანს გადაერიცხა თავშესაფარი / ქირა 1 601 170 ათასი ლარი და სხვა“, - ნათქვამია ანგარიშში.რაც შეეხება სამაჟორიტარო რაიონში განხორციელებულ მსხვილ ინფრასტრუქტურულ პროექტებს, 29 ქუჩაზე დაიგო 19 407 მ² ასფალტის საფარი, 8 100 მ² ფართობზე ჩატარდა 31 სკვერის რეაბილიტაცია, განახლდა და მოეწყო ახალი სპორტული მოედნები და რეკრეაციული სივრცეები.ანგარიშის წარდგენას თბილისის საკრებულოს თავმჯდომარის მოადგილე თინათინ ნიბლოშვილი, საბურთალოს რაიონის გამგებელი გაიოზ ვასაძე, თბილისის საკრებულოს და საქართველოს პარლამენტის წევრები, საბურთალოს მცხოვრებლები და მოწვეული სტუმრები ესწრებოდნენ.ინფორმაციას თბილისის პროკურატურა ავრცელებს.

სამართალი • 1793018640

უვადო პატიმრობა შეეფარდა ორ პირს, რომელმაც დუშეთში მამაკაცი მეუღლის თანდასწრებით მოკლა

პროკურატურის მიერ წარდგენილი მტკიცებულებების საფუძველზე დამამძიმებელ გარემოებებში ჩადენილი განზრახ მკვლელობის ფაქტზე ორ ბრალდებულს უვადო თავისუფლების აღკვეთა მიესაჯა. აღნიშნულთან დაკავშირებით ინფორმაციას საქართველოს გენერალური პროკურატურა ავრცელებს.უწყების ცნობით, ბრალდებულებმა განსაკუთრებული სისასტიკით, მეუღლის თანდასწრებით, დაზარალებულს ცეცხლსასროლი იარაღიდან გასროლით ჭრილობა მიაყენეს და შემთხვევის ადგილიდან მიიმალნენ. მიღებული დაზიანების შედეგად დაზარალებული გარდაიცვალა.„მცხეთის რაიონულმა სასამართლომ სრულად გაიზიარა პროკურატურის მიერ წარდგენილი მტკიცებულებები და დამამძიმებელ გარემოებებში ჩადენილი განზრახ მკვლელობის ფაქტზე ორი ბრალდებული დამნაშავედ ცნო.სასამართლო პროცესზე გამოკვლეული მტკიცებულებებით დადასტურდა, 2026 წლის 10 მარტს, დუშეთის მუნიციპალიტეტის სოფელ ბაგაში, ბრალდებულებმა შურისძიების მოტივით, განსაკუთრებული სისასტიკით, მეუღლის თანდასწრებით, დაზარალებულს ცეცხლსასროლი იარაღიდან გასროლით ჭრილობა მიაყენეს და შემთხვევის ადგილიდან მიიმალნენ. მიღებული დაზიანების შედეგად დაზარალებული გარდაიცვალა. ასევე, ბრალდებულებმა საფრთხე შეუქმნეს შემთხვევის ადგილზე მყოფი გარდაცვლილის მეუღლის სიცოცხლეს და ჯანმრთელობას.სამართალდამცველებმა ბრალდებულები 14 მარტს დააკავეს. მათ ბრალდება საქართველოს სისხლის სამართლის კოდექსის 109-ე მუხლის ,,ბ“, „ი“, „მ“ და „პ“ ქვეპუნქტებით (განზრახ მკვლელობა, ისეთი საშუალებით, რაც საფრთხეს უქმნის სხვის სიცოცხლეს და ჯანმრთელობას, ჯგუფურად, განსაკუთრებული სისასტიკით და არაერთგზის) წარედგინათ.სასამართლომ ორივე ბრალდებული დამნაშავედ ცნო წარდგენილ ბრალდებებში და სასჯელის სახედ და ზომად ორივეს უვადო თავისუფლების აღკვეთა განუსაზღვრა”, - ნათქვამია ინფორმაციაში.

სამართალი • 1793016060

გიგა ავალიანის საქმიდან გამოყოფილი საქმის პროკურორი: მოწმეებმა მოახდინეს ბრალდებული პირების ვიდეოჩანაწერებში იდენტიფიკაცია

თბილისის საქალაქო სასამართლოში, გიგა ავალიანის სისხლის სამართლის საქმიდან გამოყოფილ საქმეზე, ძალადობით ჯგუფურ მოქმედებაში მონაწილეობის ფაქტებზე დაკავებული ირაკლი სულაბერიძისა და დემეტრე კასრაძის პროცესი გაიმართა.სხდომაზე ბრალდების მხარის მტკიცებულებები გამოიკვლიეს და მოწმეები დაკითხეს. პროკურატურა დაკავებულებს ჯგუფურ ძალადობაში მონაწილეობას ედავება.გამოძიების ინფორმაციით, ისინი, სხვა პირებთან ერთად, ფიზიკურად გაუსწორდნენ წინასწარ შერჩეულ მსხვერპლს და ძალადობის პროცესი მობილური ტელეფონით გადაიღეს.როგორც პროკურორი, ქეთევან სონიძე აღნიშნავს, დაიკითხა 2 მოწმე, რომლებმაც შეძლეს ვიდეოჩანაწერებში აღნიშნული ბრალდებულების იდენტიფიკაცია."დღევანდელ სასამართლო სხდომაზე ბრალდებულების: ირაკლი სულაბერიძისა და დემეტრე კასრაძის მიმართ ბრალდების მხარემ გამოიკვლია ორი მოწმის ჩვენება. კერძოდ, დაიკითხა საქმის ფაქტის თვითმხილველი ორი მოწმე, რომლებმაც მოახდინეს ვიდეოჩანაწერებში აღნიშნული ბრალდებულების იდენტიფიკაცია. ორივე მათგანმა ცალსახად მიუთითა, რომ კადრში ასახული პიროვნებები, რომლებიც ძალადობენ ერთ-ერთ პიროვნებაზე, რომელიც მიწაზეა წაქცეული და თავს ვერ იცავს, იმდენად ინტენსიური თავდასხმა ხორციელდება მასზე. ამ ვიდეოკადრებში ასახული ორი პიროვნება ნამდვილად არის ირაკლი სულაბერიძე და დემეტრე კასრაძე", - აცხადებს ქეთევან სონიძე.

სამართალი • 1793011158

რას ამბობს მამა 14 წლის შვილზე, რომელიც თბილისში, სკოლაზე თავდასხმის ორგანიზების ბრალდებით დააკავეს და რა პოზიცია აქვს პროკურორს

საქართველოს პროკურატურამ სკოლაზე თავდასხმის, რბევისა და ძალადობის ორგანიზების საქმეზე დაკავებულ ორ არასრულწლოვანს ბრალდება წარუდგინა. ერთ-ერთ მათგანს სასამართლომ აღკვეთის ღონისძიების სახით პატიმრობა უკვე შეუფარდა.გამოძიების ინფორმაციით, არასრულწლოვნებმა სოციალურ ქსელში გაიცნეს ერთმანეთი და თბილისში მდებარე კონკრეტულ სკოლაზე თავდასხმა დაგეგმეს. მათი განზრახვით, სკოლის წინ ყალბი ასაფეთქებელი მოწყობილობა უნდა დაემონტაჟებინათ, შემდეგ კი შენობაში შეჭრილიყვნენ და იქ მყოფი პირებისთვის იარაღით დაზიანებები მიეყენებინათ.პროკურატურის ცნობით, მათ დანაშაულის ჩასადენად საჭირო ნივთებიც შეიძინეს, თუმცა განზრახვის სისრულეში მოყვანა სამართალდამცველებმა აღკვეთეს.რაც შეეხება დაკავებული ერთ-ერთი მოსწავლის მამის პოზიციას, მამა ამბობს, რომ ამ ეტაპზე არაფერი დამატებითი ინფორმაცია არ აქვს მომხდარზე.„სანამ გამოძიება მიმდინარეობს, მხოლოდ ადვოკატის ჩვენებას ვეთანხმებით. ვერაფერს ვიტყვი, სანამ გამოძიება არ დასრულდება. არ ვიცი არაფერი. ჩვენც გარკვევის ეტაპზე ვართ“, - ამბობს მამა.პროკურატურის პოზიცია არის ის, რომ აუცილებელი იყო პატიმრობის შეფარდება. რადგან იყო გამეორებითი დანაშაულის ჩატარების საფრთხე.„არსებობდა ახალი დანაშაულის ჩადენისა და მტკიცებულებების განადგურების ძალიან მაღალი საფრთხე. საქმეზე გამოძიების მიერ მოპოვებულია არაერთი მტკიცებულება, მათ შორის არასრულწლოვანთა მიმოწერა, სადაც ისინი კონკრეტულ სკოლაში შეჭრასა და პირთა მიმართ დაზიანებების მიყენებაზე საუბრობენ. დანიშნულია ბალისტიკური ექსპერტიზა და უნდა დადგინდეს, რომელ იარაღს ეკუთვნოდა ამოღებული ნივთმტკიცება“,- აცხადებს პროკურორი.

სამართალი • 1793003003

საქართველოს პროკურატურამ რეკომენდაციით მიმართა იუსტიციის სამინისტროს უფლებამოსილება შეუჩერდეს სპეციალური პენიტენციური სამსახურის გენერალურ დირექტორს გიორგი პატარიძეს

საქართველოს პროკურატურა იუსტიციის სამინისტროს სპეციალური პენიტენციური სამსახურის გენერალური დირექტორის, გიორგი პატარიძისთვის უფლებამოსილების შეჩერების რეკომენდაციით მიმართავს.საქმე ეხება, დავით ფეიქრიშვილთან დაკავშირებულ გამოძიებას."აღნიშნული სისხლის სამართლის საქმე საქართველოს იუსტიციის სამინისტროს გენერალური ინსპექციიდან გამოსაძიებლად გადაეცა საქართველოს გენერალური პროკურატურის საგამოძიებო ნაწილს. სისხლის სამართლის საქმეზე ინტესიურ რეჟიმში მიმდინარეობს ყველა აუცილებელი საგამოძიებო და საპორიცესო ღონისძიებები.ამავდროულად საქართველოს პროკურატურამ რეკომენდაციით მიმართა საქართველოს იუსტიციის სამინისტროს, შეუჩერდეს უფლებამოსილება საქართველოს იუსტიციის სამინისტროს სპეციალური პენიტენციური სამსახურის გენერალურ დირექტორს, გიორგი პატარიძეს.       , - აღნიშნეს უწყებაში.

სამართალი • 1792914061

ბრალდებულებმა განიზრახეს სკოლაზე თავდასხმის, რბევისა და ძალადობის ორგანიზება - პროკურატურამ 2 არასრულწლოვანს ბრალდება წარუდგინა

პროკურატურამ ჯგუფური მოქმედების ორგანიზებისა და მასში მონაწილეობის მომზადების ფაქტზე ორ არასრულწლოვანს ბრალდება წარუდგინა. ინფორმაციას არასრულწლოვნების მიერ დაგეგმილი დანაშაულის დეტალების შესახებ პროკურატურა ავრცელებს."შინაგან საქმეთა სამინისტროს მიერ ჩატარებული გამოძიებით დადგინდა, რომ ბრალდებულებმა 2026 წლის აპრილი-მაისის თვეში სოციალურ ქსელის მეშვეობით გაიცნეს ერთმანეთი და განიზრახეს სკოლაზე თავდასხმის, რბევისა და ძალადობის ორგანიზება და მასში მონაწილეობა. კერძოდ, მათ შეარჩიეს თბილისში მდებარე კონკრეტული სკოლა, შეისწავლეს მისი შიდა განლაგება, გადაწყვიტეს, რომ სკოლის წინ დაემონტაჟებინათ ყალბი ასაფეთქებელი მოწყობილობა, რაც საშუალებას მისცემდათ შეუმჩნევლად შეჭრილიყვნენ სკოლაში, დაერბიათ სკოლის შიდა ტერიტორია და იარაღის გამოყენებით სკოლაში მყოფი პირებისთვუს მიეყენებინათ ჯანმრთელობის დაზიანებები. ამ მიზნით მათ შეიძინეს სხვადასხვა ნივთები და შექმნეს ყველა პირობა დანაშაულის ჩასადენად, თუმცა განზრახვის სისრულეში მოყვანა ვერ მოახერხეს, რადგან მათი ქმედება გამოვლენილ იქნა სამართალდამცავი ორგანოს თანამშრომლების მიერ.დაკავებულებს ბრალდება საქართველოს სისხლის სამართლის კოდექსის 18,225-ე მუხლის პირველი და მეორე ნაწილებით (ჯგუფური მოქმედების ორგანიზებისა და მასში მონაწილეობის მომზადება, რასაც თან უნდა მოჰყოლოდა ძალადობა და რბევა, სხვისი ნივთის დაზიანება და განადგურება, იარაღის გამოყენება) წარედგინათ, რაც სასჯელის სახედ ექვსიდან ცხრა წლამდე თავისუფლების აღკვეთას ითვალისწინებს.ერთ-ერთ არასრულწლოვან ბრალდებულს აღკვეთის ღონისძების სახით პატიმრობა შეეფარდა, ხოლო მეორე ბრალდებულის მიმართ პროკურატურა შუამდგომლობით სასამართლოს აღკვეთის ღონისძიების გამოყენებაზე კანონით დადგენლ ვადაში მიმართავს.საქმეზე გამოძიება გრძელდება", - აღნიშნულია პროკურატურის განცხადებაში.

მსოფლიო • 1792864536

რუსეთში მატარებლისა და ავტობუსის შეჯახების შედეგად ექვსი ადამიანი დაიღუპა

რუსეთში მატარებლისა და ავტობუსის შეჯახების შედეგად ექვსი ადამიანი დაიღუპა, ხოლო ერთი დაშავდა. ინფორმაციას გამოცემა „როიტერი“ ავრცელებს.ადგილობრივი რკინიგზის ცნობით, მიკროავტობუსმა გამაფრთხილებელი სიგნალის მიუხედავად ლიანდაგების გადაკვეთა სცადა, რა დროსაც მას მატარებელი დაეჯახა.მედია რეგიონულ პროკურატურაზე დაყრდნობით წერს, რომ მიკროავტობუსში მყოფი ყველა მგზავრი სხვა ქვეყნის მოქალაქე იყო, თუმცა ეროვნებებთან დაკავშირებით კონკრეტულ ინფორმაციას არ ავრცელებს.გავრცელებული ინფორმაციით, მატარებელში მყოფი მგზავრები და ეკიპაჟის წევრები არ დაშავებულან.

სამართალი • 1792862114

საქართველოს პროკურატურამ ჯგუფური მოქმედების ორგანიზებისა და მასში მონაწილეობის მომზადების ფაქტზე ორ არასრულწლოვანს ბრალდება წარუდგინა

 საქართველოს პროკურატურამ ჯგუფური მოქმედების ორგანიზებისა და მასში მონაწილეობის მომზადების ფაქტზე ორ არასრულწლოვანს ბრალდება წარუდგინა.უწყების ცნობით, საქმეზე გამოძიება გრძელდება."შინაგან საქმეთა სამინისტროს მიერ ჩატარებული გამოძიებით დადგინდა, რომ ბრალდებულებმა 2026 წლის აპრილი-მაისის თვეში სოციალურ ქსელის მეშვეობით გაიცნეს ერთმანეთი და განიზრახეს სკოლაზე თავდასხმის, რბევისადა ძალადობის ორგანიზება და მასში მონაწილეობა. კერძოდ, მათ შეარჩიეს თბილისში მდებარე კონკრეტული სკოლა, შეისწავლეს მისი შიდა განლაგება, გადაწყვიტეს რომ სკოლის წინ დაემონტაჟებინათ ყალბი ასაფეთქებელი მოწყობილობა, რაც საშუალებას მისცემდათ შეუმჩნევლად შეჭრილიყვნენ სკოლაში, დაერბიათ სკოლის შიდა ტერიტორია და იარაღის გამოყენებით სკოლაში მყოფი პირებისთვუს მიეყენებინათ ჯანმრთელობის დაზიანებები. ამ მიზნით მათ შეიძინეს სხვადასხვა ნივთები და შექმნეს ყველა პირობა დანაშაულის ჩასადენად, თუმცა განზრახვის სისრულეში მოყვანა ვერ მოახერხეს, რადგან მათი ქმედება გამოვლენილ იქნა სამართალდამცავი ორგანოს თანამშრომლების მიერ.დაკავებულებს ბრალდება საქართველოს სისხლის სამართლის კოდექსის 18,225-ე მუხლის პირველი და მეორე ნაწილებით (ჯგუფური მოქმედების ორგანიზებისა და მასში მონაწილეობის მომზადება, რასაც თან უნდა მოჰყოლოდა ძალადობა და რბევა, სხვისი ნივთის დაზიანება და განადგურება, იარაღის გამოყენება) წარედგინათ, რაც სასჯელის სახედ ექვსიდან ცხრა წლამდე თავისუფლების აღკვეთას ითვალისწინებს.ერთ-ერთ არასრულწლოვან ბრალდებულს აღკვეთის ღონისძიების სახით პატიმრობა შეეფარდა, ხოლო მეორე ბრალდებულის მიმართ პროკურატურა შუამდგომლობით სასამართლოს აღკვეთის ღონისძიების გამოყენებაზე კანონით დადგენლ ვადაში მიმართავს,"- აღნიშნულია განცხადებაში.

სამართალი • 1792842515

პროკურატურამ დიდი ოდენობით თანხის თაღლითურად დაუფლების, ყალბი ოფიციალური დოკუმენტის დამზადებისა და გამოყენების ფაქტებზე ერთ პირს ბრალდება წარუდგინა

საქართველოს პროკურატურამ დიდი ოდენობით თანხის თაღლითურად დაუფლების, ყალბი ოფიციალური დოკუმენტის დამზადებისა და გამოყენების ფაქტებზე ერთ პირს ბრალდება წარუდგინა.პროკურატურა ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით სასამართლოს კანონით დადგენილ ვადაში მიმართავს:"შინაგან საქმეთა სამინისტროს მიერ ჩატარებული გამოძიებით დადგინდა, რომ ბრალდებული, თავისი როგორც ადვოკატის პროფესიული საქმიანობიდან გამომდინარე, დაზარალებულებს სამოქალაქო დავის წარმოებაში დახმარებასა და შესაბამისი სამართლებრივი მომსახურების გაწევას დაპირდა. წარსულში სხვისი ქონების თაღლითურად დაუფლებისთვის ნასამართლევმა ბრალდებულმა, თითქოსდა სასამართლოში სარჩელების შეტანის, სახელმწიფო ბაჟის გადახდისა და მათთვის სასურველი სამართლებრივი შედეგის მისაღებად, მოქალაქეებს 21 000 ლარი გამოართვა. თუმცა, მოატყუა დაზარალებულები სასამართლოში მიმდინარე საქმისწარმოების შესახებ. მას, არც სარჩელით მიუმართავს სასამართლოსთვის და დაარწმუნა დაზარალებულები, რომ განხილვა მათ სასარგებლოდ დასრულდა, რის დასადასტურებლადაც გადაუგზავნა სასამართლოს ყალბი გადაწყვეტილებები.ბრალდებული მოსამართლის განჩინების საფუძველზე დააკავეს. მას ბრალდება საქართველოს სისხლის სამართლის კოდექსის 180-ე მუხლის მე-3 ნაწილის ,,ბ“ და ,,გ“ ქვეპუნქტებით (თაღლითობა ჩადენილი დიდი ოდენობით, არაერთგზის) და საქართველოს სისხლის სამართლის კოდექსის 362-ე მუხლის მე-2 ნაწილის ,,ბ“ ქვეპუნქტით (ყალბი ოფიციალური დოკუმენტის დამზადება და გამოყენება) წარედგინა, რაც სასჯელის სახედ და ზომად 9 წლამდე თავისუფლების აღკვეთას ითვალისწინებს.პროკურატურა ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით სასამართლოს კანონით დადგენილ ვადაში მიმართავს,"- აღნიშნულია განცხადებაში. 

მსოფლიო • 1792831173

მაკრონმა პარიზთან ახლოს მომხდარ სროლას ტერორისტული და რასისტული თავდასხმა უწოდა

საფრანგეთის პრეზიდენტმა ემანუელ მაკრონმა პარიზთან ახლოს მდებარე ქალაქ ტრაპში მომხდარ სროლას „ტერორისტული და რასისტული“ თავდასხმა უწოდა. ინფორმაციას Reuters-ი ავრცელებს.„დღეს მომხდარი, როგორც გეუბნებით, გარდამტეხი მოვლენაა, რადგან ეს პირველი შემთხვევაა, როდესაც ტერორისტული აქტი დაიგეგმა ჩვენი თანამოქალაქეების, ჩვენი შვილების მოსაკლავად მათი კანის ფერისა თუ რელიგიის გამო“, - განაცხადა მაკრონმა ჟურნალისტებთან საუბრისას.სროლა პარასკევს მოხდა. შეიარაღებულმა პირმა ავტომატური ცეცხლსასროლი იარაღიდან ცეცხლი გახსნა ბენზინგასამართ სადგურზე, სამედიცინო ცენტრსა და საბავშვო მოედანზე.ხელისუფლების წარმომადგენლების ინფორმაციით, ეჭვმიტანილი 39 წლის კევინ ტ., დაკავებულია.როგორც Reuters-ი იუწყება, ინციდენტი საფრანგეთში განსაკუთრებით დაძაბულ ვითარებაში მოხდა. გასულ შაბათს ქვეყნის მასშტაბით გამართული საპროტესტო აქციები ძალადობაში გადაიზარდა, მომდევნო შაბათ-კვირას კი ახალი დემონსტრაციებია დაგეგმილი. 17 ოქტომბერს საფრანგეთის რამდენიმე ქალაქში მაღაზიების ძარცვისა და ვანდალიზმის ფაქტების გამო ულტრამემარჯვენე პოლიტიკოსების ნაწილმა პასუხისმგებლობა იმიგრაციას დააკისრა.მაკრონის განცხადებით, თავდამსხმელი ზოგიერთ ადამიანს განზრახ არ ესროდა მათი კანის ფერისა და გარეგნობის გამო.სროლის ფაქტზე გამოძიება ოფიციალურად საფრანგეთის ანტიტერორისტულმა პროკურატურამ დაიწყო.ფრანგული მედიის ცნობით, სროლის შედეგად ერთ-ერთ დაშავებულს, 12 წლის გოგონას რვა ტყვია მოხვდა და მისი მდგომარეობა მძიმეა.ტრაპის მერმა ალი რაბეჰმა, რომლის მშობლებიც მაროკოდან არიან, თავდასხმას „რასისტული“ და „ისლამოფობიური“ უწოდა.მან საზოგადოებას მოუწოდა, ერთობლივად დაგმონ ისეთი რიტორიკა, რომელიც, მისი თქმით, მსგავსი ქმედებების ჩამდენ ადამიანებს იდეოლოგიურად ამზადებს და ძალადობისკენ უბიძგებს.