პოლიტიკა • 1793888100

ჭეიშვილი: „ვეტინგის“ მექანიზმი ქართულ მართლმსაჯულებაში პირდაპირი და უხეში ჩარევის მცდელობაა

გარემოს დაცვისა და ბუნებრივი რესურსების საპარლამენტო კომიტეტის თავმჯდომარე თორნიკე ჭეიშვილის განცხადებით, გარე ძალები ცდილობენ, ქართული მართლმსაჯულება საკუთარი გავლენის ქვეშ მოაქციონ, რისთვისაც სხვადასხვა მექანიზმს, მათ შორის, მოსამართლეთა შემოწმების ე.წ. „ვეტინგის“ სისტემას ითხოვენ.როგორც ჭეიშვილმა გადაცემაში „დღის ქრონიკა“ განაცხადა, საკონსტიტუციო სასამართლოში მიმდინარე პროცესების მიმართ გარე აქტორების ინტერესი და სასამართლოსთვის შესაძლო სანქციებზე მინიშნებები მართლმსაჯულებაში ჩარევის სახიფათო ტენდენციაა.„უკვე რამდენი ხანია ცდილობენ, რომ როგორმე საკუთარი გავლენის ქვეშ მოაქციონ ქართული მართლმსაჯულება, სასამართლო ხელისუფლება. ამას ფაქტობრივად არც მალავენ. გნებავთ, იგივე „ვეტინგის“ ანუ მოსამართლეთა შემოწმების მექანიზმი, სხვა არაფერია, თუ არა პირდაპირი, უხეში და მიზანმიმართული ჩარევა იმ პროცესში, რასაც საქართველოში მართლმსაჯულების აღსრულება ჰქვია.სხვათა შორის, ეს მათი აბსოლუტურად მანკიერი მიდრეკილება სხვადასხვა კონტექსტშიც ვლინდება, როდესაც ისინი უკვე კონკრეტულ საქმეებზე მიუთითებენ. მაგალითად, ახსენებენ თვითნებურად დაკავებულ პირებს მაშინ, როდესაც გამამტყუნებელი განაჩენებია გამოტანილი, ან როდესაც ამა თუ იმ ეპიზოდში მსჯავრდებული პირები თავადვე აფორმებენ საპროცესო შეთანხმებას და აღიარებენ იმ ბრალდებას, რომელიც მათ პროკურატურამ წარუდგინა“, — აღნიშნა ჭეიშვილმა.მისივე თქმით, გარე ძალები, რომლებსაც არაჯანსაღი სურვილი აქვთ, ქართულ მართლმსაჯულებაში პირდაპირი ინტერვენცია განახორციელონ, ამით პირდაპირ უპირისპირდებიან საქართველოს კონსტიტუციით განმტკიცებულ მნიშვნელოვან კონსტიტუციურ-სამართლებრივ პრინციპებს.„რაც შეეხება მათ დაინტერესებას საკონსტიტუციო სასამართლოში მიმდინარე პროცესების მიმართ, პირდაპირ შეიძლება ტოლობის ნიშანი დავსვათ იმასთან, რასაც საკონსტიტუციო მართლმსაჯულების განხორციელებაში ნეგატიური ჩარევა ჰქვია.ის პოლიტიკური პარტიები, რომლებიც შემჩნეულნი არიან სხვადასხვა გარე ძალის დავალებების შესრულებაში და სასამართლო დარბაზში მოპასუხის სავარძელში იმყოფებიან, ამ გარემოებითაც სარგებლობენ. მათ შორის, სასამართლო დარბაზშიც არ ერიდებიან საკონსტიტუციო სასამართლოს პლენუმის ფაქტობრივ შანტაჟს და აკეთებენ ისეთ ირიბ მინიშნებებს, რომ თუკი მათთვის არახელსაყრელი გადაწყვეტილება იქნება მიღებული, ამის გამო შესაძლოა სანქციები დაწესდეს.ეს არის ძალიან სახიფათო ტენდენცია, რომელიც ევრობიუროკრატიის მხრიდან შეინიშნება. მათთან ერთად სინქრონულად მოქმედებენ შესაბამისი ადგილობრივი აგენტურული ძალებიც. მეორე მხრივ, ეს საკონსტიტუციო სამართალწარმოებაში პირდაპირი ჩარევის მცდელობაა, რაც აბსოლუტურად მიუღებელია“, — განაცხადა ჭეიშვილმა.

სამართალი • 1793877590

საქართველოში 13 400 დოლარის ყალბი კუპიურების გასაღების ბრალდებით უცხო ქვეყნის მოქალაქე დააკავეს

საქართველოს პროკურატურამ წინასწარი შეთანხმებით ჯგუფის მიერ დიდი ოდენობით ყალბი ფულის შეძენის, შენახვის და გასაღების ფაქტზე უცხო ქვეყნის მოქალაქეს ბრალდება წარუდგინა.საქართველოს ფინანსთა სამინისტროს საგამოძიებო სამსახურის მიერ ჩატარებული გამოძიებით დადგინდა, რომ ბრალდებულმა თანამზრახველთან ერთად ჯგუფურად შეიძინა და გასაღების მიზნით ინახავდა დიდი ოდენობით - 13 400 აშშ დოლარის ნომინალური ღირებულების ყალბ კუპიურებს, რომლებიც მიმდინარე წლის 2 ნოემბერს 6000 აშშ დოლარის სანაცვლოდ გაასაღა.სამართალდამცველებმა ბრალდებული 2 ნოემბერს დააკავეს. გატარებული ღონისძიებების შედეგად ამოღებულია 13 400 აშშ დოლარის ყალბი კუპიურები.დაკავებულს ბრალდება საქართველოს სისხლის სამართლის კოდექსის 212-ე მუხლის მე-2 ნაწილის „ა“ და „გ“ ქვეპუნქტებით (წინასწარი შეთანხმებით ჯგუფის მიერ დიდი ოდენობით ყალბი ფულის შეძენა, შენახვა გასაღების მიზნით და გასაღება) წარედგინა, რაც სასჯელის სახედ და ზომად 10 წლამდე თავისუფლების აღკვეთას ითვალისწინებს.

სამართალი • 1793869376

ორსული ქალი, ციხეში, მეუღლესთან ხანგრძლივი პაემანზე შესვლისას, ნარკოტიკული ნივთიერების შეტანას ცდილობდა - პროკურატურამ ბრალდება ოთხ პირს წარუდგინა.

საქართველოს პროკურატურამ დიდი და განსაკუთრებით დიდი ოდენობით ნარკოტიკული საშუალების უკანონო შეძენის, შენახვის და სპეციალური პენიტენციური სამსახურის დაწესებულებაში შეტანის მცდელობის ფაქტებზე ოთხ პირს ბრალდება წარუდგინა.საქართველოს პროკურატურის ცნობით, იუსტიციის სამინისტროს გენერალური ინსპენქციის მიერ ჩატარებული გამოძიებით დადგინდა, რომ 2026 წლის სექტემბერში, მსჯავრდებული დაუკავშირდა ორსულ მეუღლეს და დააორგანიზა N17 პენიტენციურ დაწესებულებაში ნარკოტიკული საშუალებების შეტანა. დანაშაულებრივი გეგმის მიხედვით ქალს მისი საცხოვრებელი სახლის მიმდებარედ მისთვის უცნობი 3 მამაკაცი შეხვდა, რომლებმაც ნარკოტიკული საშუალებები ,,მეთადონი” და ,,ალფა-პვპ” გადასცეს, რომლის შეტანასაც ცდილობდა მსჯავრდებულ მეუღლესთან ხანგრძლივ პაემანზე შესვლისას, რაც აღკვეთილი იქნა პენიტენციურ დაწესებულების თანამშრომლების მიერ.„ნარკოტიკული საშუალებების გადამცემ 3 დაკავებულს ბრალდება სისხლის სამართლის კოდექსის 260-ე მუხლის მე-2 ნაწილის ,,ა“, მესამე ნაწილის ,,ა’’ ქვეპუნქტებით (დიდი და განსაკუთრებით დიდი ოდენობით ნარკოტიკული საშუალების უკანონო შეძენა, შენახვა), 260-ე სეკუნდა მუხლის მერვე ნაწილის ,,ა“ და მეცხრე ნაწილის ,,ა’’ ქვეპუნქტით (დიდი და განსაკუთრებით დიდი ოდენობით ნარკოტიკული საშუალების უკანონო გადაცემა) წარედგინათ, ხოლო პენიტენციურ დაწესებულებაში ნარკოტიკული საშუალებების შეტანის ორგანიზატორ პატიმარს ბრალდება სისხლის სამართლის კოდექსის 19-25-260-ე სეკუნდა მუხლის მეცხრე ნაწილის ,,ა’’ ქვეპუნქტით (განსაკუთრებით დიდი ოდენობით ნარკოტიკული საშუალების უკანონო გადაცემის მცდელობის ორგანიზება) წარედგინა, რაც სასჯელის სახედ და ზომად თოთხმეტიდან ოც წლამდე ან უვადო თავისუფლების აღკვეთას ითვალისწინებს.პროკურატურა ბრალდებულებისთვის აღკვეთის ღონისძიების სახით პატიმრობის შუამდგომლობით სასამართლოს კანონით დადგენილ ვადაში მიმართავს.გამოძიება გრძელდება დანაშაულში ჩართული ყველა პირის მხილების და სისხლისსამართლებრივ პასუხისგებაში მიცემის მიზნით“,- აღნიშნულია ინფორმაციაში.

მსოფლიო • 1793867915

უკრაინის უმაღლესმა ანტიკორუფციულმა სასამართლომ გენერალურ პროკურატურას დავით არახამიას წინააღმდეგ საქმის აღძვრა დაავალა

უკრაინის უმაღლესმა ანტიკორუფციულმა სასამართლომ გენერალური პროკურორის მოვალეობის შემსრულებელს, ანტონ კოვალსკის, დაავალა, წინასასამართლო გამოძიებათა ერთიან რეესტრში შეიტანოს ინფორმაცია „ხალხის მსახურის“ ფრაქციის ხელმძღვანელის, დავით არახამიას შესაძლო დანაშაულის შესახებ.საუბარია დეპუტატებისთვის ხმის მიცემის სანაცვლოდ კონვერტებით ფულის გადაცემის ეჭვზე.კორუფციის წინააღმდეგ ბრძოლის ცენტრის ცნობით, უკრაინის უმაღლესი ანტიკორუფციული სასამართლოს მოსამართლემ მარკიან გალაბალამ ორგანიზაციის საჩივარი დააკმაყოფილა. საჩივარი გენერალური პროკურორის მოვალეობის შემსრულებლის უმოქმედობას ეხებოდა. ახლა კოვალსკი ვალდებულია, არახამიას შესაძლო დანაშაულთან დაკავშირებული ინფორმაცია რეესტრში დაარეგისტრიროს.კორუფციის წინააღმდეგ ბრძოლის ცენტრმა განცხადება 19 ოქტომბერს შეიტანა. ვარაუდობდნენ, რომ „ხალხის მსახურის“ ფრაქციის ხელმძღვანელი დეპუტატებს ხმის მიცემისთვის კონვერტებით ფულს აძლევდა. კოვალსკიმ სისხლის სამართლის საქმე არ აღძრა და განცხადება ეროვნულ ანტიკორუფციულ ბიუროს გადაუგზავნა. გადაწყვეტილება იმით ახსნა, რომ აღნიშნულ გარემოებებს ეროვნულ ანტიკორუფციულ ბიურო უკვე იძიებს.ცენტრი აღნიშნავს, რომ დეპუტატის მიმართ სისხლის სამართლის საქმის რეგისტრაცია მხოლოდ გენერალურ პროკურორს ან ამ თანამდებობის მოვალეობის შემსრულებელს შეუძლია. ეროვნულ ანტიკორუფციულ ბიუროში კი დაადასტურეს, რომ რეესტრში შესაბამისი ინფორმაციის შეტანის გარეშე ბიურო არახამიას შესაძლო ქმედებებს ვერ გამოიძიებს.ცნობისთვის, 2025 წლის დეკემბრის ბოლოს ეროვნულ ანტიკორუფციულ ბიურომ და სპეციალიზებულმა ანტიკორუფციულმა პროკურატურამ განაცხადეს, რომ გამოააშკარავეს ორგანიზებული დანაშაულებრივი დაჯგუფება, რომლის წევრებიც მოქმედი დეპუტატები იყვნენ. გამოძიების მონაცემებით, დაჯგუფების წევრები სისტემატურად იღებდნენ უკანონო სარგებელს უმაღლეს რადაში საჭირო გადაწყვეტილებებისთვის ხმის მიცემის სანაცვლოდ.პროკურორებმა ბრალი ხუთ დეპუტატს წარუდგინეს, რომლებიც, გამოძიების ვერსიით, ხმის მიცემების სანაცვლოდ ქრთამის იღებდნენ. უკანონო სარგებლის ოდენობა 2 000-დან 20 000 დოლარამდე მერყეობდა.გარდა ამისა, 2025 წლის ბოლოს დეპუტატებისთვის კონვერტებით ფულის გაცემის საქმეზე დავით არახამიას თანაშემწე გაჩხრიკეს.

სამართალი • 1793861370

საგამოძიებო სამსახურმა დიდი ოდენობით ყალბი ფულის გასაღების ფაქტზე უცხო ქვეყნის მოქალაქე დააკავა

საქართველოს ფინანსთა სამინისტროს საგამოძიებო სამსახურის თანამშრომლებმა, სამეგრელო-ზემო სვანეთის საოლქო პროკურატურასთან კოორდინაციით ჩატარებული საგამოძიებო მოქმედებების შედეგად, დიდი ოდენობით ყალბი ფულის გასაღების ფაქტზე უცხო ქვეყნის მოქალაქე დააკავეს.გამოძიებით დადგინდა, რომ ბრალდებული, უკანონო მატერიალური სარგებლის მიღების მიზნით, აჭარის რეგიონში ყალბ 50- და 100-დოლარიან კუპიურებს ასაღებდა. ჯამში, მის მიერ გასაღებულია 13 400 აშშ დოლარის ნომინალური ღირებულების 231 ყალბი ბანკნოტი, მათ შორის, 194 ცალი 50-დოლარიანი და 37 ცალი 100-დოლარიანი კუპიურა.საგამოძიებო მოქმედებების შედეგად ყალბი ბანკნოტები სრულად იქნა ამოღებული.გამოძიება სისხლის სამართლის კოდექსის 212-ე მუხლით მიმდინარეობს.

მსოფლიო • 1793824637

Reuters: უკრაინის ეროვნულმა ანტიკორუფციულმა ბიურომ ქვეყნის უსაფრთხოების ძალების მაღალჩინოსნები უკანონო ბიზნესქსელის მფარველობაში დაადანაშაულა - საქმე ეხება თაღლითურ ქოლ-ცენტრებს, ნარკოვაჭრობასა და სხვა დანაშაულებრივ საქმიანობებს, მაღალი რანგის ძალოვნები ქრთამის სანაცვლოდ მფარველობდნენ დანაშაულებრივ დაჯგუფებას და მონაწილეობას იღებდნენ თავდასხმებისა და ადამიანების გატაცების დაგეგმვაშიც კი

უკრაინის ეროვნულმა ანტიკორუფციულმა ბიურომ (NABU) ქვეყნის უსაფრთხოების ძალების მაღალჩინოსნები უკანონო ბიზნესქსელის მფარველობაში დაადანაშაულა. ინფორმაციას ამის შესახებ სააგენტო Reuters ავრცელებს.გამოძიების მონაცემებით, საქმე ეხება თაღლითურ ქოლ-ცენტრებს, ნარკოვაჭრობასა და სხვა დანაშაულებრივ საქმიანობებს, რამაც შესაძლოა უკრაინის ძირითად სამართალდამცავ უწყებებს შორის დაძაბულობა კიდევ უფრო გაამწვავოს.NABU-ს ცნობით, უკრაინის უსაფრთხოების სამსახურის (SBU), ეროვნული პოლიციისა და გენერალური პროკურატურის მაღალი რანგის თანამშრომლები ქრთამის სანაცვლოდ მფარველობდნენ დანაშაულებრივ დაჯგუფებას და მონაწილეობას იღებდნენ თავდასხმებისა და ადამიანების გატაცების დაგეგმვაშიც კი.უსაფრთხოების სამსახურის (SBU) ხელმძღვანელის მოვალეობის შემსრულებელმა, ოლექსანდრ პოკლადმა განაცხადა, რომ უწყებამ უკვე გაათავისუფლა ორი მაღალჩინოსანი და ანტიკორუფციულ ორგანოს სრულ მხარდაჭერას უცხადებს.„უსაფრთხოების სამსახური ელის გამჭვირვალე, ობიექტურ და მიუკერძოებელ გამოძიებას. SBU მხოლოდ უკრაინის ინტერესებისთვის მუშაობს და ასე გაგრძელდება მომავალშიც“, - აღნიშნულია პოკლადის განცხადებაში.თავის მხრივ, ეროვნულმა პოლიციამ განაცხადა, რომ გამოძიების ქვეშ მყოფ თანამშრომლებს უფლებამოსილება შეუჩერდათ, თუმცა საზოგადოებას „ნაადრევი დასკვნებისგან“ თავის შეკავებისკენ მოუწოდა. გენერალურ პროკურატურაში კი განაცხადეს, რომ მზად არიან თანამშრომლობისთვის, თუმცა NABU-ს მიერ გამოვლენილი უკანონო საქმიანობის შესახებ ინფორმაციას მანამდე არ ფლობდნენ.NABU-ს მონაცემებით, დანაშაულებრივი ჯგუფის საქმიანობა მოიცავდა ათეულობით თაღლითურ ქოლ-ცენტრს 2 700 თანამშრომლით, რომლებიც უკრაინისა და უცხოეთის მოქალაქეებს ატყუებდნენ. გარდა ამისა, სინდიკატი ჩართული იყო კანაფის შემცველი ნივთიერებების უკანონო რეალიზაციაში, ასევე ყალბი სიგარეტებისა და ფალსიფიცირებული ვალუტის წარმოებაში.გამოძიება ჯერ კიდევ სექტემბერში დაიწყო, რასაც ყოფილი გენერალური პროკურორის, რუსლან კრავჩენკოს გადადგომა მოჰყვა მას შემდეგ, რაც მის დაქვემდებარებულს ქოლ-ცენტრების მართვაში დახმარება დასდეს ბრალად. თავად კრავჩენკოსთვის ოფიციალური ბრალი არ წაუყენებიათ.ოთხშაბათს გასაჯაროებულმა ახალმა ბრალდებებმა აჩვენა დანაშაულებრივი ორგანიზაციის გაცილებით ფართო მასშტაბი, რომელშიც სულ მცირე 12 პირი ფიგურირებს.

სამართალი • 1793816038

არასრულწლოვანი გერის გაუპატიურების და იძულების ფაქტებზე ბრალდებულს 18 წლით თავისუფლების აღკვეთა მიესაჯა

პროკურატურის მიერ წარდგენილი მტკიცებულებების საფუძველზე, არასრულწლოვანი გერის გაუპატიურების და იძულების ფაქტებზე ბრალდებულს 18 წლით თავისუფლების აღკვეთა მიესაჯა, - ამის შესახებ განცხადებას პროკურატურა ავრცელებს.„ზესტაფონის რაიონულმა სასამართლომ სრულად გაიზიარა პროკურატურის მიერ წარდგენილი მტკიცებულებები და არასრულწლოვანი გერის გაუპატიურების და იძულების ფაქტებზე ბრალდებული დამნაშავედ ცნო.სასამართლო პროცესზე გამოკვლეული მტკიცებულებებით დადგინდა, რომ ბრალდებულმა სხვადასხვა დროს არასრულწლოვანი გერი გააუპატიურა. ასევე ბრალდებული დაზარალებულის მიმართ ფსიქიკურ იძულებას ახორციელებდა, რა დროსაც მოკვლით ემუქრებოდა, თუ გაუპატიურების ფაქტების შესახებ ვინმეს ეტყოდა.დაკავებულს ბრალდება საქართველოს სისხლის სამართლის კოდექსის 11 პრიმა 137-ე მუხლის მე-3 ნაწილის „ე“ ქვეპუნქტით, მე-4 ნაწილის „გ“ ქვეპუნქტით (გაუპატიურება, ჩადენილი არასრულწლოვანი ოჯახის წევრის მიმართ (ხუთი ეპიზოდი)) და 11 პრიმა 150-ე მუხლის მე-2 ნაწილის „ა“ ქვეპუნქტით (ოჯახის არასრულწლოვანი წევრის მიმართ ჩადენილი იძულება (სამი ეპიზოდი)) წარედგინა.ზესტაფონის რაიონულმა სასამართლომ ბრალდებული დამნაშავედ ცნო წარდგენილ ბრალდებაში და სასჯელის სახედ და ზომად 18 წლით თავისუფლების აღკვეთა განუსაზღვრა“, - ნათქვამია განცხადებაში.

სამართალი • 1793799968

პროკურატურამ განსაკუთრებით დიდი ოდენობით ნარკოტიკული საშუალების უკანონო შეძენის, შენახვის და სპეციალური პენიტენციური სამსახურის დაწესებულებაში შეტანის მცდელობის ფაქტებზე ოთხ პირს ბრალდება წარუდგინა

საქართველოს პროკურატურამ დიდი და განსაკუთრებით დიდი ოდენობით ნარკოტიკული საშუალების უკანონო შეძენის, შენახვის და სპეციალური პენიტენციური სამსახურის დაწესებულებაში შეტანის მცდელობის ფაქტებზე ოთხ პირს ბრალდება წარუდგინა.საქართველოს პროკურატურის ცნობით, იუსტიციის სამინისტროს გენერალური ინსპენქციის მიერ ჩატარებული გამოძიებით დადგინდა, რომ 2026 წლის სექტემბერში, მსჯავრდებული დაუკავშირდა ორსულ მეუღლეს და დააორგანიზა N17 პენიტენციურ დაწესებულებაში ნარკოტიკული საშუალებების შეტანა. დანაშაულებრივი გეგმის მიხედვით ქალს მისი საცხოვრებელი სახლის მიმდებარედ მისთვის უცნობი 3 მამაკაცი შეხვდა, რომლებმაც ნარკოტიკული საშუალებები ,,მეთადონი” და ,,ალფა-პვპ” გადასცეს, რომლის შეტანასაც ცდილობდა მსჯავრდებულ მეუღლესთან ხანგრძლივ პაემანზე შესვლისას, რაც აღკვეთილი იქნა პენიტენციურ დაწესებულების თანამშრომლების მიერ.„ნარკოტიკული საშუალებების გადამცემ 3 დაკავებულს ბრალდება სისხლის სამართლის კოდექსის 260-ე მუხლის მე-2 ნაწილის ,,ა“, მესამე ნაწილის ,,ა’’ ქვეპუნქტებით (დიდი და განსაკუთრებით დიდი ოდენობით ნარკოტიკული საშუალების უკანონო შეძენა, შენახვა), 260-ე სეკუნდა მუხლის მერვე ნაწილის ,,ა“ და მეცხრე ნაწილის ,,ა’’ ქვეპუნქტით (დიდი და განსაკუთრებით დიდი ოდენობით ნარკოტიკული საშუალების უკანონო გადაცემა) წარედგინათ, ხოლო პენიტენციურ დაწესებულებაში ნარკოტიკული საშუალებების შეტანის ორგანიზატორ პატიმარს ბრალდება სისხლის სამართლის კოდექსის 19-25-260-ე სეკუნდა მუხლის მეცხრე ნაწილის ,,ა’’ ქვეპუნქტით (განსაკუთრებით დიდი ოდენობით ნარკოტიკული საშუალების უკანონო გადაცემის მცდელობის ორგანიზება) წარედგინა, რაც სასჯელის სახედ და ზომად თოთხმეტიდან ოც წლამდე ან უვადო თავისუფლების აღკვეთას ითვალისწინებს.პროკურატურა ბრალდებულებისთვის აღკვეთის ღონისძიების სახით პატიმრობის შუამდგომლობით სასამართლოს კანონით დადგენილ ვადაში მიმართავს.გამოძიება გრძელდება დანაშაულში ჩართული ყველა პირის მხილების და სისხლისსამართლებრივ პასუხისგებაში მიცემის მიზნით“,- აღნიშნულია ინფორმაციაში.

სამართალი • 1793789268

პროკურატურა კახა კალაძის წინააღმდეგ შეტანილ საჩივარზე: დანაშაულის ნიშნების არ არსებობის გამო, გამოძიება არ დაიწყება

პროკურატურის ინფორმაციით, თბილისის მერის, კახა კალაძის წინააღმდეგ შესულ საჩივარზე "დანაშაულის ნიშნების არ არსებობის გამო, გამოძიება არ დაიწყება".საგამოძიებო უწყებამ შესაბამისი კომენტარი "ინტერპრესნიუსთან" გააკეთა, რითაც პროკურატურაში შესულ საჩივართან დაკავშირებულ კითხვას უპასუხა.ცნობისთვის, კახა კალაძის წინააღმდეგ პროკურატურაში საჩივარი “ლეიბორისტული პარტიის” წევრმა ლაშა ჩხარტიშვილმა შეიტანა. ცხოველთა უფლებადამცველი დედაქალაქის მერის განცხადებას სიცოცხლის მოსპობის მუქარად აფასებს და მის სამართლებრივ პასუხისმგებლობას ითხოვს. საქმე კალაძის 3 ნოემბრის განცხადებას ეხება, რომლითაც ის მიუსაფარი ძაღლების შესაძლო დახოცვის გამო გამართულ პროტესტს გამოეხმაურა.

სამართალი • 1793706296

11 წლის ბავშვის მიმართ ჯგუფურად ჩადენილი შრომითი ექსპლუატაციის ფაქტზე, ბრალდება არასრულწლოვნის დედასა და მის მეგობარს წარუდგინეს

საქართველოს გენერალურმა პროკურატურამ 11 წლის არასრულწლოვანის მიმართ ჯგუფურად ჩადენილი შრომითი ექსპლუატაციის ფაქტზე, არასრულწლოვანის დედას და მის მეგობარს ბრალდება წარუდგინა.პროკურატურის ინფორმაციით, შინაგან საქმეთა სამინისტროში ჩატარებული გამოძიებით დადგინდა, რომ დედამ მეგობართან ერთად, მასზე მატერიალურად და სხვაგვარად დამოკიდებული შვილი სარგებლის მიღების მიზნით გადაიბირა და 2024 წლის აპრილიდან შრომით ექსპლუატაციას უწევდა. "ბრალდებულები ფსიქოლოგიური და ფიზიკური ძალადობით არასრულწლოვანს აიძულებდნენ თბილისის ქუჩებში მოწყალების თხოვნას. ყოველდღიურად უწესებდნენ შესაგროვებელი თანხის ოდენობას. თანხის შეგროვებამდე, როგორც ზაფხულის სიცხეში, ასევე ზამთრის ცივ და წვიმიან ამინდში, მოწყალების თხოვნის შეწყვეტის და სახლში დაბრუნების უფლებას არ აძლევდნენ. ბრალდებულები არასრულწლოვანს არ აძლევდნენ სკოლაში სიარულის და განათლების მიღების შესაძლებლობას, ღამის საათებში დაჰყავდათ მისთვის შეუსაბამო ადგილებში, ხოლო საცხოვრებლად სხვადასხვა მისამართზე, არასათანადო პირობებში გადაჰყავდათ. არასრულწლოვანი არ იყო უზრუნველყოფილი საკვებით და სეზონის შესაბამისი ტანსაცმლით.დაკავებულებს ბრალდება საქართველოს სისხლის სამართლის კოდექსის 143 სეკუნდა მუხლის მე-2 ნაწილის ,,ბ“ და მე-3 ნაწილის ,,ე“ და ,,ვ“ ქვეპუნქტებით წარედგინათ, რაც სასჯელის სახით 17 წლამდე თავისუფლების აღკვეთას ითვალისწინებს.პროკურატურამ ბრალდებულებისთვის აღკვეთის ღონისძიების სახით პატიმრობის გამოყენების შუამდგომლობით სასამართლოს უკვე მიმართა", - აღნიშნულია პროკურატურის განცხადებაში.

პოლიტიკა • 1793705090

შალვა პაპუაშვილი: მინდა, ვუთხრა ყველას, ვინც სასჯელაღსრულების დაწესებულებაშია ქვეყნის წინააღმდეგ ძალადობის გამო, ნუ ენდობით უცხოელ პოლიტიკოსებს, ყველა მოგატყუებთ, თქვენს მხარეს დადგება მხოლოდ სახელმწიფო

ვინც აღიარებს დანაშაულს ქვეყნის წინაშე და აიღებს პასუხისმგებლობას, რომ უცხო ქვეყნის წარმომადგენლების წაქეზებით საკუთარ ქვეყანას ასეთ ზიანს აღარასდროს მიაყენებს, რა თქმა უნდა, სახელმწიფო მის მიმართ იქნება ლმობიერი და ჰუმანური, – ამის შესახებ საქართველოს პარლამენტის თავმჯდომარე შალვა პაპუაშვილმა ჟურნალისტებს განუცხადა.პაპუაშვილის თქმით, 4 ოქტომბრის ორგანიზატორები ლაჩრულად გამოდიან ციხიდან, ციხეში კი მიატოვეს ის ადამიანები, რომლებიც ძალადობაზე დაიყოლიეს და დღეს ისინი იხდიან სასჯელს.„ერთი რამ მინდა, ყველას ვუთხრა, ნუ ენდობიან უცხო ძალებს, უცხოელ პოლიტიკოსებს, უცხოელ დიპლომატებსა და უცხოური ორგანიზაციების წარმომადგენლებს. რატომ? ხომ ნახეს, როგორ წააქეზეს ძალადობისკენ? 4 ოქტომბერს დაანონსებულ ძალადობას ევროკომისიის პრესსპიკერი მიესალმა. დღემდე ევროკომისიიდან ბოდიში არცერთ წარმომადგენელს არ მოუხდია. დანაშაულისკენ უბიძგეს, შემდეგ კი ციხეში მიატოვეს მრავალწლიანი სასჯელის მოსახდელად.საბოლოო ჯამში, ერთადერთი, ვინც მათ მხარეს იქნება, საქართველოს სახელმწიფო იქნება. მათ საპროცესო შეთანხმების მოთხოვნებზე პროკურატურა თანხმდება. ეს არის სწორედ საქართველოს სახელმწიფოს დამოკიდებულება. ჩვენ მათ არ ვექცევით ისე, როგორც უცხოელი წამქეზებლები მოექცნენ – ბარიკადებზე აიყვანეს და შემდეგ ციხეში ჩატოვეს. ჩვენ მათ ვექცევით, როგორც ჩვენი ქვეყნის შვილებს, რადგან ჩვენი სადარდებელია, როდესაც ადამიანს ციხეში უწევს სასჯელის მოხდა. ამიტომ, ვინც აღიარებს დანაშაულს ქვეყნის წინაშე და აიღებს პასუხისმგებლობას, რომ უცხო ქვეყნის წარმომადგენლების წაქეზებით საკუთარ ქვეყანას ასეთ ზიანს აღარასდროს მიაყენებს, რა თქმა უნდა, სახელმწიფო მის მიმართ იქნება ლმობიერი და ჰუმანური.კიდევ ერთხელ მივმართავ მათ, ვინც სასჯელაღსრულების დაწესებულებაშია ქვეყნის წინააღმდეგ ძალადობის გამო, ნუ ენდობით ნურცერთი ქვეყნის ელჩს, უცხოელ პოლიტიკოსებს – ყველა მოგატყუებთ. ერთადერთი, ვინც თქვენს მხარეს დადგება, ეს არის საქართველოს სახელმწიფო. ეს დღემდე არაერთხელ დადასტურდა. უცხოელები ლაჩრულად მიგატოვებენ ციხეში, ხოლო საქართველო და საქართველოს ხელისუფლება თქვენ გვერდით იქნება და ჰუმანური იქნება ყველას მიმართ, ვინც საკუთარ თავზე აიღებს პასუხისმგებლობას“, – განაცხადა შალვა პაპუაშვილმა.

მსოფლიო • 1793701573

საფრანგეთში საპროტესტო აქციების მიმდინარეობისას 2 290 ადამიანის წინააღმდეგ პროკურატურამ სისხლისსამართლებრივი დევნა დაიწყო, პატიმრობაშია 329 პირი

საფრანგეთის იუსტიციის მინისტრმა, ჟერალდ დარმანენმა 17 ოქტომბრიდან მიმდინარე საპროტესტო გამოსვლების დროს დაკავებულთა და სასამართლოში გადაცემული საქმეების შესახებ ახალი მონაცემები გამოაქვეყნა.დარმანენის განცხადებით, ამ პერიოდში პოლიციის განყოფილებებში 4 914 ადამიანი გადაიყვანეს, რომელთა 70 პროცენტი სრულწლოვანია. პროკურატურამ სისხლისსამართლებრივი დევნა 2 290 პირის მიმართ დაიწყო, ხოლო სასამართლოს წინაშე 1 820 ადამიანი წარდგა. თავისუფლების აღკვეთის სასჯელი 404 პირს შეეფარდა, მათგან 329 კი საპატიმროში მოათავსეს.იუსტიციის მინისტრის ინფორმაციით, მხოლოდ 31 ოქტომბრის საპროტესტო აქციების შემდეგ პოლიციის განყოფილებებში 240 ადამიანი გადაიყვანეს. ეს წინა საპროტესტო დღეების მაჩვენებელზე ნაკლებია, თუმცა, დარმანენის მტკიცებით, დაკავებულთა შორის გაიზარდა იმ პირთა წილი, რომლებსაც წარსულში სამართალდარღვევები ჰქონდათ ჩადენილი.მინისტრის განმარტებით, თუ 17 ოქტომბერს დაკავებულთა 60-70 პროცენტს კრიმინალური წარსული არ ჰქონდა, 31 ოქტომბერს დაკავებულთა შორის მსგავსი წარსულის მქონე პირები უფრო მეტად იყვნენ წარმოდგენილი. დარმანენი მიიჩნევს, რომ ძალადობრივ ქმედებებს ახლა ძირითადად ყველაზე აგრესიული მონაწილეები აგრძელებენ. იუსტიციის მინისტრმა ხაზგასმით აღნიშნა, რომ საპროტესტო მოძრაობა მხოლოდ მოსწავლეთა გამოსვლების გაგრძელება არ არის, რადგან დაკავებულთა უმრავლესობა სრულწლოვანია.ჟერალდ დარმანენმა მკაცრად გააკრიტიკა მემარცხენე პოლიტიკური გაერთიანების, „დაუმორჩილებელი საფრანგეთის“ ლიდერი ჟან-ლუკ მელანშონიც. BFMTV-RMC-ის ეთერში მინისტრმა განაცხადა, რომ შეშფოთებულია ქვეყანაში სამართლის უზენაესობის მდგომარეობითა და ძალადობის ზრდით. მისი შეფასებით, ზოგიერთი პოლიტიკური ლიდერი ვითარების განმუხტვას არ ცდილობს.დარმანენმა მელანშონი „უკიდურესად შემაშფოთებელ ავტორიტარულ გადახრაში“ დაადანაშაულა და განაცხადა, რომ პოლიტიკოსს საკუთარი ქმედებების შედეგები კარგად აქვს გაცნობიერებული.იუსტიციის მინისტრის თქმით, საპროტესტო გამოსვლების მონაწილეთა წინააღმდეგ სახელმწიფოს სისხლისსამართლებრივი რეაგირება განსაკუთრებით მკაცრია.