რომელი SMS-ები და ფოტოები არ უნდა შეინახოთ ტელეფონში - თაღლითები სწორედ ამ მონაცემებზე ნადირობენ

ბევრს ჰგონია, რომ იცის, როგორ დაიცვას ტელეფონი გატეხვისა და მონაცემების ქურდობისგან, თუმცა დაუდევრობამ შესაძლოა სერიოზულ ფინანსურ დანაკარგებამდე მიგიყვანოთ. სწორედ ამიტომ, УНИАН-მა გაარკვია, რომელი შეტყობინებები არ უნდა ინახებოდეს ტელეფონში და რომელ ფოტოებს ჯობს დაუყოვნებლივ დაემშვიდობოთ გაგზავნის შემდეგ.

რომელი SMS-ები არ უნდა შეინახოთ ტელეფონში
აუცილებელია წაშალოთ შეტყობინებები, რომლებშიც მითითებულია თქვენი პერსონალური მონაცემები - გვარი, სახელი, მამის სახელი, პასპორტის ნომერი ან პირადი ნომერი, საცხოვრებელი მისამართი.
ასევე საშიშია შეტყობინებები, სადაც ფიგურირებს საბანკო ბარათის ნომერი;
მისი PIN-კოდი ან CVC (სამნიშნა კოდი ბარათის უკანა მხარეს).
გაითვალისწინეთ, რომ საფრთხეს წარმოადგენს ის შეტყობინებებიც, რომლებიდანაც ბოროტმოქმედებს შეუძლიათ საიდუმლო კითხვაზე პასუხის ამოცნობა. იმ კითხვაზე, რომელიც გამოიყენება ბანკის ან სხვა ანგარიშების აღსადგენად.

უვნებლად არ უნდა ჩათვალოთ ბანკების მიერ გამოგზავნილი ერთჯერადი SMS-კოდებიც. უმჯობესია ისინი წაშალოთ, რათა თაღლითებს თქვენი ფინანსებისკენ მიმავალი დამატებითი „კვალიც“ არ დაუტოვოთ.

რომელი ფოტოები არ უნდა შეინახოთ ტელეფონში
პირველ რიგში, უნდა წაშალოთ დოკუმენტების ფოტოები, რომლებზეც მკაფიოდ ჩანს მათი ნომრები და სხვა მნიშვნელოვანი ინფორმაცია. ნებისმიერი დოკუმენტის ფოტო შეიძლება ბოროტმოქმედებმა გამოიყენონ საკუთარი სარგებლისთვის, მაგალითად, თქვენი ანგარიშის გატეხვისთვის ან თქვენი სახელით ყალბი ანგარიშის შესაქმნელად და მის გასაყიდად „დარკნეტში“.

ასევე არ არის რეკომენდებული ტელეფონში შეინახოთ შეტყობინებები და სკრინშოტები, რომლებშიც პირად მონაცემებს „თქვენთვის“ ინახავთ. საფრთხის შემცველია ბანკებთან მიმოწერის სკრინშოტები, დადასტურების კოდები, ელექტრონული ბილეთები, ქვითრები და ჩეკები.

არ დაგავიწყდეთ ის ფოტოები და შეტყობინებები, რომლებიც საკუთარ თავს უგზავნით და მესენჯერის „შენახულებში“ ინახავთ. ასევე აუცილებელია გადაამოწმოთ და „გაასუფთავოთ“ აპლიკაცია „შენიშვნები“.

როცა ტელეფონში წესრიგს დაამყარებთ, აუცილებლად გაასუფთავეთ კალათაც — წაშლილი ფაილები იქ შესაძლოა კვირების განმავლობაში ინახებოდეს.

გარდა ამისა, მნიშვნელოვანია შეამოწმოთ სარეზერვო ასლებიც — Google Drive-ში, iCloud-ში ან სხვა სერვისებზე, სადაც ინფორმაცია ავტომატურად შეიძლება ინახებოდეს.