ნაადრევად დაბერდებით თუ ნორმალურად - რას უნდა მიაქციოთ ყურადღება

დერმატოლოგები გვიზიარებენ, როგორი უნდა იყოს კანი კონკრეტულ ასაკში, დაბერების რომელი ნიშნები ითვლება ნორმად და რომელი ნაადრევად.

„ბევრი ფაქტორია, რომელიც გავლენას ახდენს თქვენი კანის დაბერებაზე. გენეტიკა ასევე თამაშობს დიდ როლს, მაგრამ ცხოვრების წესის არჩევანიც მნიშვნელოვანია“,- ამბობს სერტიფიცირებული დერმატოლოგი, დეან მრაზ რობინსონი, მედიცინის დოქტორი.

ნაადრევი დაბერების ყველაზე გავრცელებული მიზეზებია: მზის დაუცველი ზემოქმედება, მოწევა, ჰაერის დაბინძურება, სტრესის ცუდი მართვა, არასწორი დიეტა, კვების ხარვეზები, ალკოჰოლის მოხმარება, გენეტიკური დარღვევები, გარკვეული ქიმიკატების ან რადიაციის ზემოქმედება, წამლები.

20 წლის ასაკში მოსალოდნელი დაბერების ნიშნები

ექსპერტების აზრით, მზის ლაქები და წვრილი ხაზები შეიძლება 20 წლიდან გამოჩნდეს. ღრმა ნაოჭები, სიმშრალე, სახის ცხიმის დაკარგვა და მოშვებული კანი ამ ასაკში არანორმალურად ითვლება.

დაბერების მოსალოდნელი ნიშნები 30 წლის შემდეგ

30-იან წლებში შეიძლება შეამჩნიოთ პიგმენტაციის პრობლემები, წვრილი ხაზები და მოზრდილებში აკნე. გარდა ამისა, ზოგიერთ ადამიანს აღენიშნება ღრუები თვალების ქვეშ და ლოყების მოცულობის შემცირება.

დაბერების მოსალოდნელი ნიშნები 40 წლის და მეტის შემდეგ

40 წლის ასაკში კანის ცვლილებები კიდევ უფრო დაჩქარდება. ის იწყებს კოლაგენისა და ელასტინის ფაქტობრივი დაკარგვის ეფექტების ჩვენებას ღრმა ნაოჭების გაჩენით და მისი ტექსტურის ცვლილებებით. ამ ასაკში ბევრი ქალი გადის მენოპაუზის დროს და ამ ჰორმონალურმა ცვლილებებმა ასევე შეიძლება გაზარდოს კანის დაბერების ნიშნები.

როგორ შევინარჩუნოთ კანი ახალგაზრდული - რჩევები

დაბერების ნიშნებთან საბრძოლველად, ექსპერტები ერთხმად გირჩევენ მზის სხივებისგან თავის დაცვას. მათი თქმით, კანის დაბერებისგან საუკეთესო დაცვა მზის დამცავია.

დერმატოლოგი დინ მრაზ რობინსონი იძლევა შემდეგ რეკომენდაციებს ამ საკითხთან დაკავშირებით:

ეძიეთ ჩრდილი და მოერიდეთ მზეში პიკის საათებს;

ატარეთ მზის სათვალეები, ქუდები და ტანსაცმელი ულტრაიისფერი დაცვით;

გამოიყენეთ ბრენდირებული მზისგან დამცავი SPF 30+ ყოველდღიურად.