არუნ ხათრი ფენუგრიკის თესლის სასარგებლო თვისებებზე საუბრობს და მიღების წესს გვიზიარებს

ხალხური მედიცინის სპეციალისტი არუნ ხათრი ფენუგრიკის (შამბალას) თესლის სასარგებლო თვისებებზე ვიდეომიმართვაში საუბრობს და მოქალაქეებს მისი მიღების ერთ-ერთ მარტივ მეთოდს უზიარებს.

„ფენუგრიკის თესლი ძალიან სასარგებლოა დიაბეტიანი ადამიანისთვის, მათთვის, ვისაც წონის პრობლემა აქვს. ის დაგეხმარებათ დაიკლოთ წონაში, რადგან მთავარია ინსულინისა და გლუკოზის კონტროლი ისწავლოთ, რათა ბევრი პრობლემა მოვაგვაროთ, მათ შორის გაცხიმოვნებული ღვიძლისა და მაღალი ქოლესტერინის პრობლემა“, – ამბობს არუნ ხათრი.

სპეციალისტი ასევე გვიზიარებს ფენუგრიკის თესლის ნაყენის მომზადების წესს. მისი რეკომენდაციით, ერთი სუფრის კოვზი ფენუგრიკის თესლი უნდა მოათავსოთ ერთ ჭიქა წყალში და მთელი ღამით დატოვოთ. დილით კი, უზმოზე, მიღებული წყალი დალიოთ და შემდეგ თესლიც მიიღოთ.