„ ვინ გახდება სუს-ის თავმჯდომარე, ამას ჩვენი ხალხის კეთილდღეობისთვის საერთოდ არ აქვს მნიშვნელობა“ - გიორგი კაპანაძე

სუს-ის ახალი ხელმძღვანელის პოსტზე, ანრი ოხანაშვილის კანდიდატურას ოპოზიციაში აფასებენ. ხელისუფლების ოპონენტები საკადრო ცვლილებებს მექანიკურ გადათამაშებად მიიჩნევენ და ფორმალურ ცვლილებად აღიქვამენ.

"ეს საკადრო ცვლილებები არ მიემართება ჩვენი ხალხისა და ჩვენი ქვეყნის ინტერესებს. ეს ე.წ. საკადრო ცვლილებები არალეგიტიმურ ხელისუფლებაში გამოწვეულია ერთმანეთთან დაპირისპირებით. ეს ხალხის ინტერესებისთვის არ არის, ეს არის მათი პირადი და მერკანტილური ინტერესებისთვის. შესაბამისად, ვინ გახდება პოლიტიკური ინსტრუმენტის, ანუ სუს-ის თავმჯდომარე, ამას ჩვენი ხალხის კეთილდღეობისთვის საერთოდ არ აქვს მნიშვნელობა," - აღნიშნა პარტიის "ერთიანობა - ნაციონალური მოძრაობის" პოლიტიკური საბჭოს წევრმა, გიორგი კაპანაძემ.

დღეს, პლენარულ სხდომაზე, სუს-ის უფროსის პოსტზე ანრი ოხანაშვილის კანდიდატურას უყრიან კენჭს.