1725743393
წარმოიდგინეთ, ომი რომ დასრულდეს და ზელენსკიმ მოაწეროს ხელი, რომ უკრაინის არტილერიამ გახსნა ცეცხლი, ეს ხომ პირდაპირ ღალატად შეფასდება? რაც იქ შეფასდება ღალატად, აქ რატომ არ არის ღალატი? - კობახიძე
![ირაკლი კობახიძე ირაკლი კობახიძე](https://primetime.ge/uploads/files/2022/05/17/13406/irakli-kobakhidze_w_h.jpeg)
წარმოიდგინეთ, ომი რომ დასრულდეს და ზელენსკიმ მოაწეროს ხელი, რომ უკრაინის არტილერიამ გახსნა ცეცხლი, ეს ხომ პირდაპირ ღალატად შეფასდება? რაც იქ შეფასდება ღალატად, აქ რატომ არ არის ღალატი? საკუთარი ხელმოწერით პირდაპირ დაადანაშაულეს ქართული ჯარი ამ ომის დაწყებაში, ამას სად გაექცევიან, - ამის შესახებ "ქართული ოცნების" თავმჯდომარემ 2008 წლის აგვისტოს ომიდან ორ თვეში მიღებულ რეზოლუციაზე საუბრისას განაცხადა, სადაც საქართველოს მხრიდან ომის დანაშაულის შესაძლო ჩადენაზეა საუბარი და რომელსაც ევროსაბჭოში „ნაციონალურმა მოძრაობამ“ მხარი დაუჭირა.
როგორც ირაკლი კობახიძემ აღნიშნა, როცა ამას წერ წაგებული ომის შემდეგ, რომ შენ გახსენი პირველმა ცეცხლი და ამაზე მოუწია საპასუხო იერიშის დაწყება რუსეთის ფედერაციას, ხარ მოღალატე.
"წარმოიდგინეთ, ომი რომ დასრულდეს ერთ წელიწადში, ან ექვს თვეში და ზელენსკიმ მოაწეროს ხელი, რომ უკრაინის არტილერიამ გახსნა ცეცხლი რუსების მიმართულებით, ყირიმში, ან სადღაც და ამას მოყვა რუსების საპასუხო იერიში. ეს ხომ პირდაპირ ღალატად შეფასდება? რაც იქ შეფასდება ღალატად, აქ რატომ არ არის ღალატი? სად არის აქ ლოგიკა? როგორ შეიძლება, ეს ღალატად არ შეფასდეს? ორი თეორიული ვერსიაა, ან მართლა შენ დაიწყე ეს ყველაფერი და ამიტომ მოგიწია ხელის მოწერა და მეორე თეორიული ვერსიაა, რომ შენ ხარ მოღალატე.
უნდა აირჩიონ, ამ ორიდან რომელიც ურჩევნიათ. მაგრამ, ვერცერთ შემთხვევაში, ვერ გაექცევიან იმას, რომ მათ ამ ხელმოწერით ჩაიდინეს უმძიმესი დანაშაული. როცა ამას წერ წაგებული ომის შემდეგ, რომ შენ გახსენი პირველმა ცეცხლი და ამაზე მოუწია საპასუხო იერიშის დაწყება რუსეთის ფედერაციას, შენ ხარ ან მოღალატე, ან სხვა დანაშაული გაქვს ჩადენილი. ამას ხომ ვერ გაექცევიან. რით გადაფარავენ ამ ყველაფერს? ამაზე მძიმე რა შეიძლება გააკეთო საკუთარი ხალხის და საკუთარი ქვეყნის წინაშე? ერთი წამით, წარმოიდგინეთ, რომ ზელენსკიმ მოაწერა ამას ხელი, ერთ წელიწადში. ეს ხომ არის, ან ღალატი, ან სხვა დანაშაული,"- განაცხადა კობახიძემ.