თორნიკე რიჟვაძე: ჩვენი მხარდაჭერა არის 60%-ზე მეტი. ეს არის იმის წინაპირობა, რომ გავიმარჯვოთ, გაიმარჯვოს ჩვენმა ქვეყანამ. გაიმარჯვებს ქართველი ხალხი ამ არჩევნებში!

არჩევანი უნდა გააკეთოს ჩვენმა მოსახლეობამ მშვიდობას და ომს შორის. უნდა გააკეთოს არჩევანი ჩვენს ეროვნულ ტრადიციულ ფასეულობებს შორის და იმ ე.წ. ფასეულობებს შორის, რომელსაც ცდილობენ, რომ თავს მოახვიონ მომავალ თაობას, - განაცხადა აჭარის ავტონომიური რესპუბლიკის მთავრობის თავმჯდომარე თორნიკე რიჟვაძემ გადაცემაში „იმედი Live“.

მისი თქმით, „ქართულ ოცნებას“ აქვს საზოგადოების დიდი ნაწილის მხარდაჭერა, რაც გამარჯვების საწინდარია.

„ობიექტური რეალობა, რომელიც შექმნილია ნათლად გვაძლევს სურათს, რომლის საფუძველზეც ჩვენ შეგვიძლია ძალიან დიდ გამარჯვებას მივაღწიოთ ხალხთან ერთად. რეალურად, ჩვენი მხარდაჭერა არის 60%-ზე მეტი. ეს არის იმის წინაპირობა, რომ გავიმარჯვოთ, გაიმარჯვოს ჩვენმა ქვეყანამ, გაიმარჯვოს იმ მშვიდობიანმა, სამართლიანმა ხაზმა, რომელიც ბოლო 12 წლის განმავლობაში „ქართული ოცნების“ ხელისუფლების პირობებში ტარდება, როგორც ეროვნულ დონეზე, რა თქმა უნდა ასევე რეგიონში. გაიმარჯვებს ქართველი ხალხი ამ არჩევნებში!“, - განაცხადა თორნიკე რიჟვაძემ.