ევროპაში მოგზაურობის წესები იცვლება ! - ნახეთ, დეტალები
1737021978
პარლამენტის თავმჯდომარე შალვა პაპუაშვილი საქართველოში სომხეთის რესპუბლიკის საგანგებო და სრულუფლებიან ელჩ აშოტ სმბატიანს შეხვდა, - ინფორმაციას საქართველოს პარლამენტი ავრცელებს.
„მხარეებმა ისაუბრეს საქართველოსა და სომხეთს შორის ისტორიულად მტკიცე მეგობრობასა და ნაყოფიერ თანამშრომლობაზე. ყურადღება გამახვილდა საპარლამენტო თანამშრომლობის შემდგომი გაღრმავების მნიშვნელობაზე.
მხარეებმა მიმოიხილეს ორივე ქვეყანაში მიმდინარე პოლიტიკური მოვლენები. საუბარი შეეხო სომხეთის მზარდ ინტერესს, გააძლიეროს კავშირები დასავლეთთან, მათ შორის, განსაკუთრებით აღინიშნა სომხეთსა და ამერიკის შეერთებულ შტატებს შორის სტრატეგიული პარტნიორობის ქარტიის ხელმოწერა.
ასევე, აღინიშნა, რომ აშშ-ის ახალ პრეზიდენტ დონალდ ტრამპზე მნიშვნელოვნად იქნება დამოკიდებული საქართველო-აშშ-ისა და სომხეთი-აშშ-ის ურთიერთობების შემდგომი განვითარება.
შეხვედრაზე მხარეებმა განიხილეს სამხრეთ კავკასიაში არსებული ვითარება და რეგიონული მშვიდობისა და სტაბილურობის მნიშვნელობას გაუსვეს ხაზი.
პარლამენტის თავმჯდომარემ და სომხეთის ელჩმა, აგრეთვე, მომღერალ შარლ აზნავურის დაბადების 100 წლისთავის საქართველოში სათანადოდ აღნიშვნას გაუსვეს ხაზი“, - აღნიშნულია გავრცელებულ ინფორმაციაში.
