შალვა პაპუაშვილი საქართველოში ისრაელის სახელმწიფოს ახალდანიშნულ ელჩს შეხვდა

საქართველოს პარლამენტის თავმჯდომარე შალვა პაპუაშვილი საქართველოში ისრაელის სახელმწიფოს ახალდანიშნულ ელჩს ჰადას ესტერ მეიცადს შეხვდა.

შალვა პაპუაშვილმა ჰადას მეიცადს ელჩად დანიშვნა მიულოცა და წარმატება უსურვა საქართველო-ისრაელის ურთიერთობების გაღრმავების საქმეში.

მხარეებმა ისაუბრეს ორ ქვეყანაში მიმდინარე პროცესებზე. შალვა პაპუაშვილმა მიმოიხილა საქართველოს გეგმები და პროგრესი ევროკავშირის 12 რეკომენდაციის განხორციელებასთან დაკავშირებით. ელჩმა ისაუბრა 2022 წლის ნოემბერში ისრაელში დაგეგმილ არჩევნებზე.

შეხვედრაზე მხარეებმა გამოხატეს თანამშრომლობის გააქტიურების მზაობა ისრაელის სახელმწიფოში ახალი მთავრობისა და პარლამენტის ჩამოყალიბების შემდეგ.