სენატორებისა და EU-ს ლიდერების მხრიდან 2012 წლიდან სასამართლო სისტემაზე იყო ზეწოლა - ირაკლი კობახიძე

„ქართული ოცნების" თავმჯდომარემ ირაკლი კობახიძემ განაცხადა, რომ 2012 წლიდან სენატორები და EU-ს ლიდერები სასამართლო სისტემაზე ზეწოლას ახორციელებდნენ.  

„იყო პირდაპირი ზეწოლა სასამართლო სისტემაზე. როდესაც აკეთებენ განცხადებებს  სენატორები, ევროკავშირის ლიდერები, პირველი პირები და ა.შ. ეს ხდებოდა 2012 წლიდან მოყოლებული. ევროპარლამენტარები, ევროპარლამენტის საგარეო კომიტეტების ხელმძღვანელები და ა.შ.

როდესაც ასეთი პოლიტიზებული ზეწოლა ხორციელდება, სასამართლოსი, გავლენის რისკი არის ძალიან მაღალი. ეს არ არის ჩარევა, როდესაც 2012 წლიდან მოყოლებული პირდაპირ ერევიან მართლმსაჯულებაში და ამბობენ, რომ არ შეეხოთ "ნაცმოძრაობის" კრიმინალ ლიდერებს", - ამბობს კობახიძე "პალიტრანიუსის" ეთერში.