"სატვირთო გადაზიდვების მაჩვენებელი რეკორდულად იზრდება" - საქართველოს რკინიგზა

საქართველოს რკინიგზის სატვირთო გადაზიდვების მაჩვენებელი რეკორდულად იზრდება. 2025 წლის იანვარში კომპანიამ, წინა წლის ამავე პერიოდთან შედარებით, 14%-ით მეტი - მილიონ 123 000 ტონა ტვირთი გადაზიდა.

30%-ით გაიზარდა საქართველოს რკინიგზის შემოსავალი სატვირთო, ხოლო 37%-ით - საკონტეინერო გადაზიდვებიდან. აღსანიშნავია, რომ ნავთობპროდუქტების გადაზიდვების მაჩვენებლები გაიზარდა 21%-ით, ქიმიკატების 35%-ით, ხოლო მშრალი ტვირთის 70%-ით.

როგორც საქართველოს რკინიგზაში აღნიშნავენ, კომპანიის მიზანია, ზრდის ამგვარი ტენდენციის წლის მთლიან ჭრილში შენარჩუნება.