საქართველოს არ უნდა ჰქონდეს ჭარბი და ასე ვთქვათ, აბსურდული მოლოდინები იმასთან დაკავშირებით, რომ „დიფ სთეითი“ მარცხდება. ჩვენ კვლავ უნდა დავრჩეთ მყარად ჩვენი სუვერენიტეტის დაცვის გზაზე - ვატო შაქარიშვილი

ის ნაბიჯები, რომლებიც იდგმება ტრამპის ადმინისტრაციის მხრიდან, უფრო ჰგავს ტაქტიკურ ცვლილებებს, - განუცხადა „ქრონიკას“ „ერთიანი ნეიტრალური საქართველოს“ წევრმა ვატო შაქარიშვილმა.

მისივე თქმით, ჩვენ კვლავ უნდა დავრჩეთ მყარად ჩვენი სუვერენიტეტის დაცვის გზაზე.

„ჯერჯერობით არ ჩანს არანაირი შინაარსობრივი, სტრატეგიული ცვლილებები. არამედ, ის ნაბიჯები, რომლებიც იდგმება ტრამპის ადმინისტრაციის მხრიდან, უფრო ჰგავს ტაქტიკურ ცვლილებებს. საქართველოს არ უნდა ჰქონდეს ჭარბი და ასე ვთქვათ, აბსურდული მოლოდინები იმასთან დაკავშირებით, რომ „დიფ სთეითი“ მარცხდება და არ უნდა ვიყოთ ამის იმედზე. არამედ, ჩვენ კვლავ უნდა დავრჩეთ მყარად ჩვენი სუვერენიტეტის დაცვის გზაზე“, - აღნიშნა ვატო შაქარიშვილმა.

ოფიციალური თბილისი ამერიკის შეერთებული შტატების ახალ ადმინისტრაციასთან ურთიერთობის გადატვირთვისთვის მზად არის და კონკრეტულ ნაბიჯებს ახლა შტატებიდან ელოდება. მმართველ გუნდში აცხადებენ, რომ საქართველო იყო ერთ- ერთი პირველი ქვეყანა, რომელიც „დიფ სთეითის“ გავლენებსა და გეგმებზე ღიად საუბრობდა და ამ კუთხით ამერიკის ახალი ადმინისტრაციისგან კონკრეტული ნაბიჯების გადადგმას ელოდა, თუმცა ამ დრომდე მხოლოდ დაპირებები ისმის.