რუსეთის აგრესიის წინააღმდეგ ამ ბრძოლაში თქვენ გვერდით ვართ - სალომე ზურაბიშვილი უკრაინელებს

თქვენ იბრძვით თქვენი თავისუფლებისთვის, თქვენი დამოუკიდებლობისთვის, მაგრამ ასევე ჩვენი თავისუფლების, დამოუკიდებლობისა და საერთო ევროპული გზისთვის, - ამ სიტყვებით მიმართა საქართველოს პრეზიდენტმა უკრაინელ ერს, მათ შორის იმ უკრაინელ ლტოლვილებს, რომელთაც სამშობლოდან სხვა ქვეყნებში, მათ შორის საქართველოში ჩამოსვლა მოუხდათ.

სალომე ზურაბიშვილმა უკრაინელებს, ქართველი ხალხისა და სახელმწიფოს სახელით, მხარდაჭერა გამოუცხადა.

„რუსეთის აგრესიის წინააღმდეგ ამ ბრძოლაში თქვენ გვერდით ვართ“, - ნათქვამია უკრაინელი ხალხისადმი, პრეზიდენტის სპეციალურ მიმართვაში.