ქარ-ცეცხლი, რომელიც საქართველოში ტრიალებდა, საბოლოო ჯამში, მიუბრუნდათ უკან, დღეს ჩვენ ვხედავთ, რა მძიმე ვითარებაშია ევროპა - დავით მათიკაშვილი

საფრანგეთში მიმდინარე მასშტაბური არეულობებისა და ანტისამთავრობო აქციების ფონზე, მმართველი გუნდი კიდევ ერთხელ საუბრობს დასავლეთის მხრიდან ორმაგ სტანდარტებზე.

როგორც "ქართულ ოცნებაში" ამბობენ, როცა მსგავსი მოვლენები თბილისის ცენტრში ვითარდებოდა, საქართველოს ხელისუფლების ნაბიჯები ევრობიუროკრატიამ ანტიდემოკრატიულად შეაფასა, თუმცა ახლა საკუთარ თავზე გამოსცადა ყველაფერი და ანტიდემოკრატიულ ქმედებას აღარავინ ახსენებს.

"აი, ეს ქარ-ცეცხლი, რომელიც საქართველოში ტრიალებდა, საბოლოო ჯამში, მიუბრუნდათ უკან. დღეს ჩვენ ვხედავთ, რა მძიმე ვითარებაშია ევროპა, ისტორიული ქალაქები, ისტორიული შენობები იწვევს. პოლიციელთა მხრიდან ძალადობას კი არავინ გმობს", - განაცხადა პარლამენტის საპროცედურო საკითხთა კომიტეტის თავმჯდომარემ დავით მათიკაშვილმა.