პარლამენტთან ლაზარე გრიგორიადისის მხარდასაჭერი აქცია-კონცერტი მიმდინარეობს

რუსთაველის გამზირზე, პარლამენტთან, 21 წლის ლაზარე გრიგორიადისის მხარდამჭერი აქცია-კონცერტი მიმდინარეობს.

ლაზარე გრიგორიადისი 7-8 მარტს, ე.წ. აგენტების შესახებ კანონის საწინააღმდეგო აქციაზე პოლიციელების ჯანმრთელობის ხელყოფისა და სახელმწიფო ქონების განადგურების ფაქტებზე დააკავეს.

აქციის მონაწილეები ლაზარე გრიგორიადისის გათავისუფლებას ითხოვენ.

31 მარტს თბილისის საქალაქო სასამართლომ მარტის აქციებზე დაკავებულ ლაზარე გრიგორიადისს აღკვეთის ღონისძიების სახით პატიმრობა შეუფარდა.