პარლამენტთან ირანის მოქალაქეების სოლიდარობის აქცია მიმდინარეობს

პარლამენტის შენობის წინ საქართველოში მცხოვრები ირანელები შეიკრიბნენ და ირანის მმართველი რეჟიმი დაგმეს.

„დღეს ჩვენ შევიკრიბეთ ჩვენი თანამოქალაქეების მიმართ მხარდაჭერის გამოსახატავად. როდესაც ირანში პროტესტი დაიწყო, ჩვენ გადავწყვიტეთ აქ შევკრებილიყავით, რათა საქართველოს მოქალაქეებისთვის გვეთქვა, თუ რა ხდება ირანში. ახლა პოლიცია და ჯარი კლავს ირანელებს, რომლებიც აქციებს მართავენ. მე დიდი იმედი მაქვს და დარწმუნებული ვარ, რომ ამ ომში ხალხი გაიმარჯვებს. გვინდა, რომ ეს ისლამური რეჟიმი შევცვალოთ, ხალხი ამ რეჟიმისგან დაიღალა“, - განაცხადა აქციის ერთ-ერთმა მონაწილემ.