მაკა ბოჭორიშვილი: საქართველო ყოველთვის იქნება ის ადგილი, სადაც სომხეთს და აზერბაიჯანს შეუძლიათ, ჩამოვიდნენ და დიალოგის ადგილად გამოიყენონ, რომ რეგიონში მდგრად მშვიდობას მივაღწიოთ

საქართველო ყოველთვის იქნება ის ადგილი, სადაც სომხეთს და აზერბაიჯანს შეუძლიათ, ჩამოვიდნენ და დიალოგის ადგილად გამოიყენონ, რომ რეგიონში მდგრად მშვიდობას მივაღწიოთ, - განაცხადა საქართველოს საგარეო საქმეთა მინისტრმა, მაკა ბოჭორიშვილმა „დელფოსის ეკონომიკურ ფორუმზე“ გამართულ პანელურ დისკუსიაზე.

„საქართველოს არაერთხელ განუცხადებია, რომ მზად ვართ, შევიტანოთ წვლილი აზერბაიჯანსა და სომხეთს შორის კონფლიქტის საბოლოოდ დარეგულირებაში, სამშვიდობო ხელშეკრულების ხელმოწერაში, რათა რეგიონში იყოს მდგრადი მშვიდობა. მზად ვართ, ხელი შევუწყოთ ორივე პარტნიორთან, ორივე მეზობელთან ურთიერთობებს. საქართველო და თბილისი ყოველთვის არის და იქნება ის ადგილი, სადაც ორივე მხარეს, სომხეთსაც და აზერბაიჯანსაც შეუძლიათ, ჩამოვიდნენ, შეუძლიათ, საქართველო გამოიყენონ დიალოგის ადგილად და ქართული მხარე ყოველთვის იქნება ხელშემწყობი ამ პროცესის, რათა საბოლოოდ მივაღწიოთ რეგიონში მდგრად მშვიდობას“, - აღნიშნა მაკა ბოჭორიშვილმა.