ისეთი ორგანიზაციების შეფასება, როგორიც არის ეუთო, ვენეციის კომისია, მნიშვნელოვანია, მაგრამ აუცილებელია, გამკაცრდეს სასანქციო პოლიტიკა - თინა ბოკუჩავა

ისეთი საერთაშორისო ორგანიზაციების შეფასება, როგორიც არის ეუთო, ვენეციის კომისია, მნიშვნელოვანია, მაგრამ აუცილებელია, გამკაცრდეს სასანქციო პოლიტიკა, – ამის შესახებ „ნაციონალური მოძრაობის“ თავმჯდომარემ, თინა ბოკუჩავამ განაცხადა.

ბოკუჩავას თქმით, „სასანქციო პოლიტიკის გამკაცრება ქვეყანას მოაბრუნებს იმ უფსკრულიდან, სადაც ივანიშვილის რეჟიმმა შეიყვანა“.

„ისეთი საერთაშორისო ორგანიზაციების შეფასება, როგორიც არის ეუთო, ვენეციის კომისია, ძალიან მნიშვნელოვანია, მაგრამ ივანიშვილის შეფასების ხარისხი უკვე გასცდა ყველანაირ შეფასებას, ამიტომ მნიშვნელოვანია, გამკაცრდეს სასანქციო პოლიტიკა, რადგან ეს არის ერთადერთი, რაც ივანიშვილს სტკივა და რაც ჩვენს ქვეყანას მოაბრუნებს იმ უფსკრულიდან, სადაც ივანიშვილის რეჟიმმა შეიყვანა“, – განაცხადა თინა ბოკუჩავამ.

ეუთო-ს დემოკრატიული ინსტიტუტებისა და ადამიანის უფლებების ოფისმა (ODIHR) გუშინ, 2 აპრილს გაავრცელა განცხადება, სადაც აღნიშნულია, რომ ODIHR-ი მოუწოდებს ხელისუფლებას, გადახედოს „უცხოური აგენტების რეგისტრაციის აქტის“ განხორციელებას და საკანონმდებლო ბაზის გაუმჯობესებაში დახმარებისთვის მზადყოფნას გამოთქვამს.