ირანის საგარეო საქმეთა მინისტრის განცხადებით, მის ქვეყანასა და აშშ-ს შორის კონფლიქტის სამხედრო გზით მოგვარება შეუძლებელია​

ირანის საგარეო საქმეთა მინისტრის, აბას არაღჩის განცხადებით, მის ქვეყანასა და შეერთებულ შტატებს შორის კონფლიქტის სამხედრო გზით მოგვარება შეუძლებელია, ომის დასრულების შესახებ მოლაპარაკებები კი, როგორც ჩანს, ჩიხში შევიდა.

მისი განმარტებით, პრობლემის მოგვარება შეუძლებელია, როგორც ომის, ასევე ახალი სანქციების დაწესების გზით.

"თუ ჩვენი მტრები კვლავ სამხედრო დაპირისპირების გზას აირჩევენ, ჩვენი პასუხი წინაზე უფრო ძლიერი იქნება და თავს კიდევ უფრო დიდი ძალის გამოყენებით დავიცავთ. ამ პრობლემის სამხედრო გზით გადაწყვეტა შეუძლებელია, ისევე როგორც მისი მოგვარება ახალი სანქციების დაწესებით არ გამოვა", - განაცხადა არაღჩიმ უცხოელი ელჩების შეკრებაზე.