ირაკლი კობახიძე: კეზერაშვილი - კორუფციის სიმბოლო აფინანსებს ხაბეიშვილის ანტიკორუფციულ მოძრაობას

,,კეზერაშვილი, როდესაც იყო ხელისუფლებაში, მოქმედებდა ქართული სახელმწიფოს წინააღმდეგ და დღესაც მოქმედებს ქართული სახელმწიფოს წინააღმდეგ და როდესაც მას ხვდება კურტ უოლკერი, ეს, რა თქმა უნდა, შემაშფოთებელია,” - ასე უპასუხა ,,ქართული ოცნების” თავმჯდომარემ, ირაკლი კობახიძემ პალიტრას ეთერში დავით კეზერაშვილის და კურტ უოლკერის შეხვედრის შესახებ დასმულ შეკითხვას. როგორც კობახიძემ აღნიშნა, როდესაც ნატოში ამერიკის ყოფილი ელჩი კურტ უოლკერი ხვდება კორუფციის სიმბოლოს -კეზერაშვილს, ეს ფაქტი შემაშფოთებელია, თუმცა, მათ ამ საკითხზე დეტალურად არ უსაუბრიათ.

კობახიძის განმარტებით კეზერაშვილი, როდესაც იყო ხელისუფლებაში მოქმედებდა საქართველოს წინააღმდეგ და ახლაც, როდესაც კორუფციის სიმბოლო აფინანსებს ლევან ხაბეიშვილის ანტიკორუფციულ ბიუროს, თუ ხოშტარია-ჯაფარიძე-ვაშაძის ტრიოს, ესეც არის საქართველოს სახელმწიფოს წინააღმდეგ გადადგმული ნაბიჯი. ,,ჩვენ გუნდს ეს არ უთქვამს , რომ უოლკერი ამერიკის სახელით აძლევს დავალებებს კეზერაშვილს, მაგრამ, თავისთავად ის რომ უოლკერი ხვდება კეზერაშვილს, ცნობილ, კორუმპირებულ ყოფილ მაღალჩინოსანს, რომელმაც თანამდებობიდან გადადგომისთანავე შექმნა მილიარდიანი ბრუნვის კომპანია და ეს ფული იშოვა რის ხარჯზე? აყაჩაღებდა ბიზნეს და დააყაჩაღა ქართული ჯარი. ქართული ჯარი გაძარცვა, მას წაართვა ფული. ამას ოპოზიცია და პოზიცია ლამის ერთ ხმად ამბობს და ასეთი ადამიანი არის პიროვნება, რომელსაც ხვდება კურტ უოლკერი. ვიღაც კი არ იყო, თავდაპირველად? ელჩი იყო, მაკკეინის ინსტიტუტის აღმასრულებელი დირექტორი და ა.შ. ეს რომ შემაშფოთებელია, ამაზე ჩვენ ვისაუბრეთ, ამის იქით ჩვენ არაფერი არ გვითქვამს.

შემაშფოთებელი, რა თქმა უნდა, ეს არის. შეიძლება, სხვებმა სხვა რაღაცები თქვეს, მაგრამ ჩვენ არ გვითქვამს ამისი იქით არაფერი. უოლკერი, რომ ხვდება კეზერაშვილს, ეს არის, რა თქმა უნდა, ჩვენთვის შემაშფოთებელი. იმიტომ, რომ კეზერაშვილი კორუფციის სიმბოლოა. ეგეც შემაშფოთებელია. ეს ხომ ურთიერთობის შეფუთვაა, მაგრამ თავისთავად ესეც შემაშფოთებელია. უკრაინაში ვახშამზეც დაპატიჟა კეზერაშვილმა უოლკერი, ისიც ერთი ბიზნესმენის ნაძარცვი ფულით დაპატიჟა და ერთი ჯარისკაცის ნაძარცვი ფულით დაპატიჟა კეზერაშვილმა. როგორ შეიძლება, რომ უოლკერს ხვდებოდეს კეზერაშვილი, ეს ხომ შემაშფოთებელია. ეს ხომ სირცხვილია? ამაზე გვაქვს ჩვენ საუბარი და ამაზე მომავალშიც გავაკეთებთ კომენტარს. იყვნენ ექსპერტები, რომლებმაც გააკეთეს შეფასებები, მაგრამ ჩვენ საჯარო სივრცეში ვერაფერს ვერ ვსაუბრობთ, რომ თუ რაიმე გვაშფოთებს ამაზე ვსაუბრობთ კარს მიღმა. საჯაროდ არც გვისაუბრია და არც ვისაუბრებთ.

მაგრამ როდესაც რომელიმე ამერიკელი მაღალჩინოსანი ხვდება კეზერაშვილს, რომელიც არის კორუფციის სიმბოლო, ბიზნესის და ჯარის ძარცვის სიმბოლო, ამას როდესაც ხვდება კურტ უოლკერი, შემაშფოთებელია არა მარტო ჩვენთვის, ოპოზიციის წარმომადგენლებიც საუბრობდნენ ამაზე და საზოგადოების წარმომადგენლებიც. ამაზე აუცილებელია რეაქცია ჩვენი მხრიდან. კეზერაშვილი, რომ ქართული სახელმწიფოს წინააღმდეგ მოქმედებდა, მაგალითად, 2008 წელს და დღესაც, რომ ქართული სახელმწიფოს წინააღმდეგ მოქმედებს ამაზე შეგვიძლია ვისაუბროთ. მაგრამ ამას ვერ გავშლით ჩვენ. სწორედ სახელმწიფოს წინააღმდეგ მოქმედებაა, როდესაც კეზერაშვილი აფინანსებს ხაბეიშვილს. 10 ათას აძლევს ხელფასს ყოველთვიურად და 15 ათას დოლარი აძლევს ანტიკორუფციული მოძრაობისთვის, მისი ენჯეოსთვის. წარმოიდგინეთ, კეზერაშვილი აფინანსებს ხაბეიშვილის ანტიკორუფციულ მოძრაობას. კორუფციის სიმბოლო, აფინანსებს ანტიკორუფციულ მოძრაობას. ესეც ხომ სირცხვილია? აი, ყველაფერს თავი დავანებოთ, ესეც არის სახელმწიფოს წინააღმდეგ გადადგმული კიდევ ერთი ნაბიჯი. როდესაც, კეზერაშვილი აფინანსებს ცნობილ სამეულს ვაშაძე-ჯაფარიძე-ხოშტარიაც, ესეც ხომ სახელმწიფოს წინააღმდეგ გადადგმული ნაბიჯია? ეს ადამიანი, როდესაც იყო ხელისუფლებაში, მოქმედებდა ქართული სახელმწიფოს წინააღმდეგ და დღესაც მოქმედებს ქართული სახელმწიფოს წინააღმდეგ. და როდესაც მას ხვდება კურტ ვოკლერი ეს, რა თქმა უნდა, შემაშფოთებელია,” - განაცხადა კობახიძემ.