დავით მათიკაშვილი საფრანგეთის ელჩისა და სერგი კაპანაძის ფარულ შეხვედრაზე: როდესაც ამ ყველაფერს მალულად აკეთებენ, ბუნებრივია, რომ კითხვის ნიშნები ჩნდება

 საპროცედურო საკითხთა და წესების საპარლამენტო კომიტეტის თავმჯდომარე დავით მათიკაშვილი „საქართველოს რეფორმების ასოციაციის“ ხელმძღვანელის, სერგი კაპანაძისა და საქართველოში საფრანგეთის ელჩის, ოლივიე კურტოს ფარულ შეხვედრას გამოეხმაურა. მისი თქმით, ამ საკითხზე არსებობს კითხვის ნიშნები, მით უფრო, იმ ფონზე, რომ საფრანგეთის საელჩო ბოლო წლებში შემჩნეული იყო რადიკალიზმის მხარდაჭერაში.

„როდესაც ამ ყველაფერს მალულად და ჩუმად აკეთებენ, ბუნებრივია, რომ აქ კითხვის ნიშნები საკმაოდ აქტიურად ჩნდება“, - განაცხადა მათიკაშვილმა.

ცნობისთვის, საკუთარ სახლში ოპოზიციის მასპინძლობის შემდეგ, საფრანგეთის ელჩმა ოლივიე კურტომ ამჯერად საელჩოში სერგი კაპანაძე მიიღო.