ჩვენ მზად ვართ ყველასთან სათანამშრომლოდ, პარტნიორობისათვის, მაგრამ არა ჩვენი ქვეყნის ეროვნული ინტერესების ხარჯზე - ვატო შაქარიშვილი

ზაზა შათირიშვილის წერილს "ნეიტრალური საქართველო" გამოეხმაურა. ვატო შაქარიშვილის განცხადებით, საქართველო მზად არის ყველასთან თანამშრომლობისთვის და შემხვედრ ნაბიჯებს ელოდება, თუმცა საზოგადოებას არ უნდა ჰქონდეს განსაკუთრებული მოლოდინები "დიფ სთეითის" დამარცხებასთან დაკავშირებით, რადგან მისი თქმით, ჯერჯერობით შინაარსობრივი ცვლილებები არ ჩანს.

"ჯერჯერობით არ ჩანს რამე შინაარსობრივი ცვლილება და ჩვენ ვუყურებთ, რომ უფრო ტაქტიკური ხასიათის არის ცვლილებები, რომელიც ხორციელდება და რეალურად ამ ცვლილებების უკან კვლავ "დიფ სთეითი" დგას, რომელიც ამჯერად ბაიდენის დრო მოჭმული და აბსოლუტურად გაცვეთილი უუნარო ადმინისტრაციის ნაცვლად, უკვე მოქმედებებს ტრამპის ახალი ადმინისტრაციის ხელით, რომელსაც ჯერჯერობით აქვს ქვეყნის შიგნით მაღალი მხარდაჭერა. რეალურად სტრატეგიული მიზნები უცვლელად რჩება, ამიტომ ჩვენ არ უნდა გვქონდეს რამე განსაკუთრებული მოლოდინები და ილუზიები იმასთან დაკავშირებით, რომ დიფ სთეითი მარცხდება და იცვლება ამერიკის შეერთებული შტატების სტრატეგიული მიზნები, გეოპოლიტიკური ამოცანები, ამიტომ ჩვენ კვლავ უნდა დავრჩეთ ჩვენი ქვეყნის სუვერენიტეტის დაცვის გზაზე. ჩვენ მზად ვართ ყველასთან სათანამშრომლოდ, პარტნიორობისათვის, მაგრამ არა ჩვენი ქვეყნის ეროვნული ინტერესების ხარჯზე", - აცხადებს საზოგადოებრივი მოძრაობის "ერთიანი ნეიტრალური საქართველო" დამფუძნებელი ვატო შაქარიშვილი.