ამზადებენ ჩემს გადაცემას რუსეთისთვის, მაგრამ ჩემი თავი ჯანდაბას, სიცოცხლეს რა აზრი აქვს, თუ სამშობლო ვერ გადავარჩინეთ - მიხეილ სააკაშვილი

საქართველოს მესამე პრეზიდენტის, მიხეილ სააკაშვილის განცხადებით,  ხელისუფლება აპირებს, რომ  ის რუსეთს გადასცეს. 

„იმ პერიოდში, როდესაც უკრაინა, მათ შორის, საქართველოსთვის იბრძვის, ესენი ამზადებენ საქართველოს გადაცემას რუსეთისათვის. სხვათა შორის, ესენი ამზადებენ ჩემს გადაცემას რუსეთისთვის, მაგრამ ჩემი თავი ჯანდაბას, სიცოცხლეს რა აზრი აქვს, თუ სამშობლო ვერ გადავარჩინეთ.

ისინი ამზადებენ საქართველოს გადაცემას რუსეთისთვის, პროვოკაცია მზადდება ტერიტორიების შიგნიდან, ოკუპირებული ტერიტორიების გასწვრივ, რის შედეგადაც, რუსეთი ნეიტრალიტეტს მოგვთხოვს, ესენი გამოაცხადებენ ნეიტრალიტეტს და ნეიტრალიტეტის შემდეგ, რამდენიმე თვეში ან ერთ ორ წელიწადში საქართველო რუსეთის ოფიციალური ნაწილი გახდება, ეს არის ამათი გეგმა. უკვე ყველაფერზე შეთანხმებული და გარიგებული არიან“, - აცხადებს სააკაშვილი.