ბრიტანეთის თავდაცვის სამინისტრომ უკრაინაში კრემლის მთავარი სამხედრო მიზანი დაასახელა

ბრიტანეთის თავდაცვის სამინისტრო მიიჩნევს, რომ კიევის აღება კვლავ უმთავრესი პრიორიტეტია რუსეთის უკრაინის წინააღმდეგ ომში. ამის შესახებ ბრიტანეთის თავდაცვის სამინისტრო Twitter-ზე დაზვერვის მონაცემებზე დაყრდნობით წერს.

კერძოდ, აღნიშნულია, რომ მძიმე ბრძოლები გრძელდება კიევის ჩრდილოეთით.

„რუსული ჯარების წინსვლა უკრაინის დედაქალაქისკენ ჩრდილო-აღმოსავლეთიდან შეფერხდა. გოსტომელის მიმართულებიდან ჩრდილო-დასავლეთისკენ მიმავალი ძალები უკრაინის წინააღმდეგობამ უკუაგდო. რუსული ძალების ძირითადი ნაწილი რჩება 25 კმ-ზე მეტ მანძილზე ქალაქის ცენტრიდან“, - ნათქვამია ანგარიშში.

„კიევი რჩება რუსეთის მთავარ სამხედრო სამიზნედ და ისინი, სავარაუდოდ, პრიორიტეტად ფაიხდიან ქალაქის ალყაში მოქცევას უახლოეს კვირებში“, - დასძინა ბრიტანეთის დეპარტამენტმა.

მანამდე ბრიტანეთის თავდაცვის სამინისტრომ, სადაზვერვო მონაცემებზე დაყრდნობით, განაცხადა, რომ რუსული ჯარები კვლავ ცდილობდნენ ნიკოლაევის გვერდის ავლით გადაადგილებას დასავლეთისკენ.