ვლადიმერ პუტინი აცხადებს, რომ უკრაინულ მხარესთან მოლაპარაკებების პროცესში პოზიტივი შეინიშნება

"უკრაინასთან მოლაპარაკებებზე არის გარკვეული პოზიტიური ძვრები, როგორც მე მომახსენეს, ჩვენი მხრიდან წარგზავნილმა მომლაპარაკებლებმა", - ამის შესახებ რუსეთის ფედერაციის პრეზიდენტმა ვლადიმერ პუტინმა ბელარუსის პრეზიდენტთან ალექსანდრ ლუკაშენკოსთან შეხვედრისას განაცხადა.

„აუცილებლად მოგაწვდით ინფორმაციას უკრაინაში მიმდინარე პროცესებზე, პირველ რიგში, კი იმაზე, როგორ მიმდინარეობს მოლაპარაკებები, რომლებიც ახლა, ფაქტობრივად, ყოველდღიურ რეჟიმში მიმდინარეობს. იქ არის გარკვეული პოზიტიური ძვრები, როგორც მე მომახსენეს ჩვენმა მომლაპარაკებლებმა. ამის შესახებ დეტალურად მოგიყვებით",- განაცხადა პუტინმა.