უკრაინული მედიის ცნობით, ქალაქ ბორდიანკაში ნანგრევებიდან 41 ადამიანის ცხედარია ამოყვანილი

მაშველები

კიევის სიახლოვეს მდებარე ქალაქ ბორდიანკაში ნანგრევებიდან 41 ცხედარია ამოყვანილი. ამის შესახებ ინფორმაციას უკრაინული მედია ქვეყნის საგანგებო სიტუაციების სამსახურზე დაყრდნობით ავრცელებს.

მათი ინფორმაციით, გარდაცვლილთა ცხედრები მრავალსართულიანი სახლის ნანგრევებში 16 აპრილს იპოვეს.

როგორც მაშველები ამბობენ, ბორდიანკაში ნანგრევებში ადამიანების სამძებრო სამუშაოები 6 აპრილს დაიწყო. ამ დრომდე მათ შეამოწმეს შვიდი დანგრეული სახლიდან ხუთი.