სალომე ნეფარიძე
1715985532
უკრაინული დელეგაცია რუსეთთან მოლაპარაკებებზე რეფერენდუმის ჩატარებას არ განიხილავს - კულება
უკრაინის საგარეო საქმეთა მინისტრის თქმით, უკრაინული დელეგაცია რუსეთთან მოლაპარაკებებზე რეფერენდუმის ჩატარებას არ განიხილავს.
"უკრაინის პრეზიდენტმა ჩვენს დელეგაციას ძალიან მკაფიო მითითებები მისცა. ჩვენ არ ვვაჭრობთ ადამიანებით, მიწებითა და სუვერენიტეტით. ჩვენი პოზიცია რკინა-ბეტონისაა. ის გამყარებულია საერთაშორისო სამართლით, უკრაინის შეიარაღებული ძალებით, რუსეთის წინაღმდეგ დაწესებული საერთაშორისო სანქციებით, აგრესორისგან თავის დასაცავად უკრაინისთვის გადაცემული იარაღით,"- განაცხადა დმიტრო კულებამ.
უკრაინელი დიპლომატის თქმით, მოლაპარაკებებზე უკრაინული მხარისთვის პროგრამა მინიმუმი ჰუმანიტარული პრობლემების მოგვარებაა, ხოლო მაქსიმუმი - ცეცხლის შეწყვეტა.
კულებამ აღნიშნა, რომ მოლაპარაკებების არც ერთ პრინციპულ პუნქტთან დაკავშირებით შეთანხმება ჯერ მიღწეული არ არის.
სხვა სიახლეები
