კულებამ განმარტა, თუ რა საკითხებზე აწარმოებს უკრაინა მოლაპარაკებებს დიდ ბრიტანეთთან, გერმანიასთან, საფრანგეთთან და თურქეთთან

კიევი უსაფრთხოების გარანტიებთან დაკავშირებით მოლაპარაკებებს აწარმოებს შეერთებულ შტატებთან, დიდ ბრიტანეთთან, გერმანიასთან, საფრანგეთთან და თურქეთთან,- ამის შესახებ უკრაინის საგარეო საქმეთა მინისტრმა დმიტრო კულებამ განაცხადა. ინფორმაციას უკრაინული მედია ავრცელებს.

„დიახ, ჩვენ ვაწარმოებთ მოლაპარაკებებს დიდ ბრიტანეთთან, ამერიკის შეერთებულ შტატებთან, გერმანიასთან, საფრანგეთთან და თურქეთთან ამ მოდელში მათ შესაძლო მონაწილეობასთან დაკავშირებით. ისინი დადებითად არიან განწყობილი ამ იდეის მიმართ. მიუხედავად იმისა, რომ ეს ჯერ კიდევ განიხილება, კმაყოფილი ვარ მათი თავდაპირველი რეაქციით. ეს ერთადერთი საკითხია, რასაც მათთან განვიხილავთ. დანარჩენი კი უკრაინა-რუსეთის მოლაპარაკების ნაწილია“, – განაცხადა კულებამ.