უკრაინაში სულ მცირე 3000 ადამიანი გარდაიცვალა, რადგან მათ ქრონიკული დაავადებების სამკურნალო საშუალებებზე წვდომა არ ჰქონდათ - ჯანმო

ჯანდაცვის მსოფლიო ორგანიზაციის ინფორმაციით, უკრაინაში სულ მცირე 3000 ადამიანი გარდაიცვალა, რადგან მათ ქრონიკული დაავადებების სამკურნალო საშუალებებზე წვდომა არ ჰქონდათ. ინფორმაციას Reuters-ი ავრცელებს.

გამოცემის ცნობით,  გაეროს ჯანდაცვის სააგენტომ უკრაინაში ჯანდაცვის დაწესებულებებზე 200 თავდასხმა დააფიქსირა და ამჟამად, მხოლოდ რამდენიმე საავადმყოფო ფუნქციონირებს.

როგორც Reuters-ი იუწყება, რუსეთის შეჭრამ და სამედიცინო დაწესებულებების განადგურებამ მშვიდობიანი მოქალაქეები საჭირო რეგულარულ მკურნალობაზე წვდომის გარეშე დატოვა.