უკრაინაში ომს გლობალური ზეგავლენა ექნება და მსოფლიო სასურსათო უსაფრთხოებას დააზარალებს - გაერო

უკრაინაში ომს გლობალური ზეგავლენა ექნება და მსოფლიო სასურსათო უსაფრთხოებას დააზარალებს, რადგან ბევრი უკრაინელი ფერმერი, რომელიც მსოფლიოს ხორბლის მნიშვნელოვან რაოდენობას აწარმოებს, ახლა რუსებს ებრძვის, - ამის შესახებ გაეროს მსოფლიო სასურსათო პროგრამის აღმასრულებელმა დირექტორმა, დევიდ ბიზლიმ განაცხადა.

„უკრაინის ომი იქ მცხოვრები მილიონობით ადამიანისთვის „მსოფლიოს პურის კალათას“ პურის რიგებად აქცევს , ხოლო დამანგრეველია ისეთი ქვეყნებისთვის, როგორიცაა ეგვიპტე და ლიბანი, რომლებიც მარცვლეულის დაახლოებით 85% და 81%-ს უკრაინიდან იღებენ,“- აღნიშნა მსოფლიო სასურსათო პროგრამის ხელმძღვანელმა.