უკრაინაში ჩინეთის ელჩი - ჩინეთი არასდროს დაესხმება თავს უკრაინას, პირიქით, დაეხმარება ეკონომიკური კუთხით

ჩინეთი არასდროს დაესხმება თავს უკრაინას, პირიქით, დაეხმარება ეკონომიკური კუთხით, – ამის შესახებ უკრაინაში ჩინეთის ელჩმა ფანს სიანჟუნიმ განაცხადა. ინფორმაციას უკრაინული მედია ავრცელებს.

„ჩვენ მზად ვართ, დაგეხმაროთ განვითარებაში. სიტუაციაში, რომელიც ახლა გაქვთ, პასუხისმგებლობით მოვიქცევით. ვნახეთ, რამდენად დიდია თქვენი ერის ერთიანობა, რაც თქვენი სიძლიერეა“, – განაცხადა ელჩმა.

ელჩის თქმით, ჩინეთი მუდმივად იქნება უკრაინისთვის კარგი ძალა ეკონომიკური, პოლიტიკური კუთხით და პატივს სცემს იმ გზას, რასაც უკრაინა აირჩევს.