უკრაინამ ჩერნობილთან ყოველგვარი კომუნიკაცია დაკარგა - ატომური ენერგიის საერთაშორისო სააგენტო

„უკრაინამ ჩერნობილის ატომურ ელექტროსადგურთან ყველანაირი კომუნიკაცია დაკარგა“, - ამის შესახებ ატომური ენერგიის საერთაშორისო სააგენტოს განცხადებაშია აღნიშნული.

ორგანიზაციის ხელმძღვანელის, რაფაელ მარიანო გროსის ინფორმაციით, მათ აცნობეს, რომ ადგილზე ელექტროენერგია აღდგენილია, თუმცა აღნიშნული ინფორმაცია გადამოწმებას საჭიროებს.

„კომუნიკაციის დაკარგვა ნიშნავს იმას, რომ უკრაინის მარეგულირებელი ორგანო ატომური ენერგიის საერთაშორისო სააგენტოსთვის განახლებული ინფორმაციის მიწოდებას ვეღარ შეძლებს“, - აცხადებენ ატომური ენერგიის საერთაშორისო სააგენტოში.