წარმოუდგენელია, რომ სანქცია შეიძლება მოიხსნას, მხოლოდ ცეცხლის შეწყვეტის გამო - ბორის ჯონსონი

ბრიტანეთის პრემიერს მიაჩნია, რომ მხოლოდ ცეცხლის შეწყვეტა არ უნდა იყოს სანქციების მოხსნის საფუძველი. როგორც ბორის ჯონსონმა, საკანონმდებლო ორგანოში სიტყვით გამოსვლისას განაცხადა, საჭიროა პუტინის წინააღმდეგ ეკონომიკური ზეწოლა გაიზარდოს.

"ჩვენ უნდა გავაორმაგოთ სამხედრო თავდაცვითი მხარდაჭერა, მაგრამ ამავე დროს იმედი მაქვს ამ მიმართულებით გვექნება ოპოზიციის მხარდაჭერაც. უნდა დავრწმუნდეთ, რომ ჩვენი მეგობრებისა და პარტნიორების მხრიდან არ მოხდება სანქციებიდან უკან დახევა. ფაქტობრივად, ჩვენ გვჭირდება გავზარდოთ ეკონომიკური ზეწოლა ვლადიმირ პუტინზე. წარმოუდგენელია, რომ ნებისმიერი სანქცია შეიძლება მოიხსნას, მხოლოდ ცეცხლის შეწყვეტის გამო,"- განაცხადა ბორის ჯონსონმა.