თორნიკე ყაჯრიშვილი
1713797981
საბერძნეთში მოღვაწე ქართველი მომღერალი, თამთა გოდუაძე ყოველთვის მედიის ყურადღების ცენტრშია. მან არც ამჯერად გაუცრუა იმედები ტაბლოიდებს და საოცნებო მოგზაურობიდან ფოტოებს აზიარებს. მომღერალი ბოლო რამდენიმე დღეა საოცნებო ქვეყანაში, იაპონიაში იმყოფება. როგორც თამთა ამბობს, ამ ქვეყანაში მოგზაურობა მისი დიდი ოცნება იყო. მომღერალი ამჯერად ქალიშვილთან, ანისთან ერთად იმყოფება ტოკიოში.როგორც უცხოური მედია წერს, თამთას სტილი ყოველდღიურობაშიც კი, ეგზოტიკურია, ისეთივე ეგზოტიკური, როგორიც იაპონია.
1713694754
საბერძნეთში სანაპიროზე 2,5 მილიონი დოლარით სავსე ჩანთა იპოვეს
საბერძნეთში, კუნძულ სიმის მცხოვრებმა, 19 აპრილს სანაპიროზე ჩანთა იპოვა, რომელშიც 2,5 მილიონი დოლარი იყო მოთავსებული.ბერძნული მედიის ცნობით, ადგილობრივი, რომელიც იქვე სეირნობდა, შემთხვევით წააწყდა ჩანთას, რომელიც ფულით იყო სავსე.ადგილობრივმა აღნიშნულის შესახებ სანაპირო დაცვას შეატყობინა. ერთი ვერსიით ბანკნოტები შესაძლოა ყალბი აღმოჩნდეს. მიმდინარეობს გამოძიება.
1711658382
გაიცანით სპორტსმენი, რომელმაც ეგვიპტის მსოფლიო თასზე ოქროს მედალი მოიპოვა
რამდენიმე დღის წინ, ქართველმა სპორტსმენმა იაგო გორგოძემ, ეგვიპტის ქალაქ შარმ-ელ-შეიხში მიმდინარე მსოფლიო თასზე, გამარჯვება მოიპოვა. პარაძალოსანმა სამივე ცდა წარმატებით დაძლია და საქართველოს ნაკრებს ტურნირზე პირველი ოქროს მედალი მოუტანა.ვინ არის იაგო გორგაძე, რა გზა გაიარა წარმატებამდე და როგორ იხსენებს საბედისწერო დღეს, რომელმაც ეტლს მიაჯაჭვა, სწორედ ამ სტატიიდან შეიტყობთ.მასთან ინტერვიუ წლების წინათ, გაზეთ „პრაიმტაიმში“ ჩაწერე. მაშინ უკვე არაერთი გამარჯვება ჰქონდა მოპოვებული და ლონდონის პარაოლიმპიადისთვის ემზადებოდა. წინ კიდევ დიდი მიზნები ჰქონდა...მისი სახელი და გვარი ქართული პარაოლიმპიური სპორტის ისტორიაში ოქროს ასოებით ჩაიწერა. ის პირველი ქართველი სპორტსმენია, ვინც 2008 წლის პეკინის პარაოლიმპიადაზე გამოვიდა. წოლჭიმის სახეობაში მოასპარეზე იაგო გორგაძე 1999 წელს მომხდარმა ავარიამ ინვალიდის ეტლს მიაჯაჭვა... მაშინ 22 წლის სტუდენტს მეგონა, რომ სიარულს ისევ შეძლებდა...აი რას უყვებოდა 2011 წელს „პრაიმტაიმს“ პირველი ქართველი პარაოლიმპიელი. „1999...“ სპორტით ბავშვობაში დაინტერესდა. როცა მეხუთეკლასელს მამამ ჰანტელები უყიდა, პატარა იაგო კულტურისტობაზე ოცნებობდა... სკოლის დამთავრების შემდეგ, სწავლა აგრარულ უნივერსიტეტში განაგრძო, პარალელურად პოლიციის აკადემიაში ჩაირიცხა...იაგო გორგოძე: „1999 წლის 19 სექტემბერს ავარიაში მოვყევი... კახეთში მეგობართან რთველში ვიყავი დაპატიჟებული, უკან რომ ვბრუნდებოდით, მძღოლის დაუდევრობის გამო ბადიაურის ხიდიდან გადავვარდით... მანქანაში სულ ექვსნი ვიყავით. მე უკან ვიჯექი... ჩემ გვერდით 3 ადამიანი იჯდა, ქალბატონი, ახალგაზრდა გოგონა და 12 წლის ბავშვი. სამივე დაიღუპა... როცა მანქანა ხრამში გადავარდა, მეძინა, არაფერი გამიგია... მძიმედ დავშავდი. ხერხემალზე ორი ოპერაცია გამიკეთეს, რამდენიმე მალა მქონდა დაზიანებული... მოტეხილი მქონდა ფეხი, ლავიწის ძვალი... რამდენიმე დღის შემდეგ, ღმერთის დახმარებით, კომიდან გამოვედი... რეანიმაციაში გავახილე თვალი. როდესაც მითხრეს, რომ ავარიაში მოვყევი, მაშინვე მანქანაში მჯდომი სხვა ადამიანები მოვიკითხე. მითხრეს, რომ ყველა მძიმედ იყო...1999 წლის 19-მა სექტემბერმა რადიკალურად შეცვალა ჩემი ცხოვრება, უფრო სწორად ახალი ცხოვრება დავიწყე. 22 წლის სტუდენტი ბიჭი, რომელიც აქტიური ცხოვრების რეჟიმიდან უცებ სავარძელში აღმოვჩნდები... ვერ გადმოვცემ, რას გრძნობ, რა გემართება და რა მდგომარეობაში ვარდები... თავიდან საერთოდ არ ვფიქრობდი იმაზე, რომ სიარულს ვეღარ შევძლებდი. ოქტომბერში დაბადების დღე მაქვს და ექიმს ვეკითხებოდი, ჩემი დაბადების დღისთვის ხომ გავივლი-მეთქი... მაშინ ყველა მაიმედებდა, რომ გავივლიდი... სამი თვის შემდეგ გამომწერეს საავადმყოფოდან მაშინ მივხდი, რომ ყველაფერი ისე არ იყო, როგორც ვფიქრობდი... ეს დროის ფაქტორია, მაგრამ იმედი ახლაც მაქვს, რომ რაღაც შეიცვლება და მედიცინაში მიღწეული შედეგებით, დამოუკიდებლად სიარულს ისევ შევძლებ...“„გზა პარაოლიმპიადამდე“ საავადმყოფოდან გამოწერის შემდეგ, რეაბილიტაციას ყირიმში გადიოდა. ამბობს, ფიზიკურად იქ მომაძლიერესო. საქართველოში დაბრუნებულმა აქტიურად დაიწყო ვარჯიში.„თბილისში დაბრუნების შემდეგ, მეგობრის მოცემული გირებით დავიწყე ვარჯიში. მაშინ ჩემი ძმა ოლიმპიურ სკოლაში სწავლობდა და პარალელურად მასთან დარბაზში დავიწყე ტრენაჟორებზე სიარული. ასეთ მდგომარეობაში დავამთავრე ორივე უნივერსიტეტი...როცა 2004 წელს ათენის ოლიმპიადა ჩატარდა, პირველად მაშინ გამიჩნდა სურვილი, რომ მეც მიმეღო მონაწილეობა... მაშინ უკვე აქტიურად ვვარჯიშობდი წოლჭიმში.მივმართე თბილისის პარაოლიმპიურ კომიტეტს, სამხრეთ კორეაში მსოფლიო ჩემპიონატი იმართება, მონაწილეობის მიღება მინდა და იქნებ დამეხმაროთ-მეთქი. მითხრეს, რომ უსახსრობის გამო ისინი ვერ დააფინანსებდნენ ჩემი გამგზავრების ხარჯებს. იმედი არ დამიკარგავს, ვარჯიში გავაგრძელე, მერიისა და სპორტისა და ახალგაზრდობის სამინისტროს დახმარებით, 2006 წელს სრულიად მარტო, ტრენერის გარეშე, გავემგზავრე სამხრეთ კორეაში. 82 კილოგრამ წონით კატეგორიაში 122 კილო ავწიე, ეს იყო ჩემი პირველი ნაბიჯები წარმატებისკენ გადადგმული.“ „შეუძლებელი არაფერი, მთავარია მიზანი“ 2008 წელს, როცა გორში ჯერ კიდევ რუსი ჯარისკაცები მარადიორობდნენ, იაგო გორგოძე საქართველოს ღირსებას პეკინის პარაოლიმპიადაზე იცავდა... „მიდი იაგომ შენ ამას შეძლებ!“- ამ სიტყვებით ამხნევებდა პეკინში მწვრთნელი 31 წლის წოლჭიმის სახეობაში მოასპარეზე ქართველ პარაოლიმპიელს.„2008 წელს პეკინის პარაოლიმპიადაზე მერვე ადგილზე გავედი, 145 კილო ავწიე. მიხარია, რომ ყველაზე ძლიერი ქართველი ვარ ასეთ მდგომარეობაში. თავიდან 100 კილოგრამით დავიწყე, მაგრამ ახლა ბევრად ბევრს ვეწევი. კვირაში ოთხ დღეს, სამ-ოთხ საათს ვვარჯიშობ.“ „სიზმარში ხშირად ვხედავ, რომ დავდივარ...“ „დიდი სურვილი მაქვს, შეიქმნას ცენტრი სადაც ჩემს მდგომარეობაში მყოფი ადამიანები შევიკრიბებით, ერთმანეთს გავიცნობთ და ვისაუბრებთ... ბევრი მეგობარი მყავს, რომლებიც ჩემსავით სავარძელში სხედან და არ აქვთ საშუალება, საკუთარი თავის რეალიზება მოახდინონ...ადრე მშობლებს ეტლში მჯდომი შვილების რცხვენოდათ და ცდილობდნენ, არსად გამოეჩინათ. ჩემი ოჯახის შემთხვევაში პირიქით იყო, მშობლები ყოველთვის ცდილობდნენ, რომ სადმე გავსულიყავი, მაგრამ მე არ მინდოდა, ჩემი მდგომარეობით ვინმე შემეწუხებინა. ახლა სხვანაირად ვფიქრობ, ყველაფერს ვაკეთებ იმისათვის, რომ რეალიზებული ვიყო.“უბედური შემთხვევიდან თითქმის სამი წლის განმავლობაში, ყოველდღე ერთსა და იმავე სიზმარს ხედავდა... ახლაც ხშირად ესიზმრება, რომ დადის... „მაგრამ რეალობა სხვა არის და ამას ვერსად გავექცევი. მე მომავალს იმედით ვუყურებ. ჩვენ მედიცინამ უნდა გვიშველოს. კარგი სამეგობრო წრე მყავს და მათი დახმარებით კვირაში ერთი დღე სანადიროდ ან სათევზაოდ დავდივარ. ცხოვრებას ვიმრავალფეროვნებ, ვცდილობ, აქტიური ვიყო...“- ამბობდა „პრაიმტაიმთან ინტერვიუში იაგო გორგაძე.
1683381191
რა უცნაურობებით გამოირჩევა მეფე ჩარლზი
სანამ ახალი სამეფო ბიოგრაფია „მეფე ჩარლზ III-ის ცხოვრება“ გამოიცემა, მეფის უცნაურობებზე მოგიყვებით.მეფე ჩარლზის პირადი ბიოგრაფის კრისტოფერ ანდერსენის მტკიცებით, მეფე ჩარლზი ბავშვობიდან მიჯაჭვულია თავის სათამაშოზე, ფუმფულა დათუნიაზე, რომელიც მას ყველა ვიზიტისას თან დააქვს. ანდერსენი ამბობს, რომ ეს სათამაშო ჯერ კიდევ პატარა ჩარლზს იმდენად უყვარდა, რომ მასთან შეხების უფლება მხოლოდ ძიძას ჰქონდა, სათამაშო რამდენჯერმე დაზიანდა და შეაკეთეს.ამავე წიგნში ბევრ საინტერესო ამბავს გავიგებთ მეფესა და სამეფო ოჯახზე. მაგალითად ცნობილია, რომ მეფეს მუდამ თან დაჰყვება პირადი შეფ მზარეული, რომელიც მსოფლიოს ნებისმიერ წერტილში, მეფეს თავის საყვარელ კერძებს უმზადებს.
1675529783
ამერიკაში წარმატებული ქართველი ბლოგერი ქალი, რომელმაც ამერიკაში მოდის მიმდევრები აალაპარაკა
მოდის სამყარო, საინტერესო სამოსი თუ აქსესუარები, ფოტო სესიები, ათასობით მომლოდინე გამომწერები და თანამედროვე ტენდენციები და სიახლეები, ოჯახი და ქველმოქმედება - ეს ამერიკაში მყოფი ბლოგერის ყოველდღიურობის ნაწილია, რომელსაც „პრაიმტაიმი“ ამ სტატიაში გაგაცნობთ. ჩვენი დღევანდელი რესპონდენტი არც მოდის სამშობლოდან - საფრანგეთიდანაა და არც ამერიკელია... ქალბატონი, რომელიც შტატებსა და მის ფარგლებს მიღმა მიიღეს, შეიყვარეს და მის რჩევებს თვალყურს ადევნებენ ქართველი სოფია ცაავაა.თბილისში ერთ-ერთ სასტუმროში მუშაობდა. ბედი სცადა და ამერიკის საელჩოში მივიდა. ბედმა გაუღიმა, ვიზა მიიღო და მოგზაურობისთვის მოემზადა, თუმცა „ამერიკული არდადეგები“ იმაზე ხანგრძლივი აღმოჩნდა, ვიდრე - გეგმავდა.ოცნებების ასრულების ქვეყანამ ისიც ისევე გაიტაცა, როგორც ბევრი ჩვენი და სხვა თანამემამულე... მიუხედავად ძალიან საინტერესო და თავგადასავლებით სავსე ცხოვრებისა, სოფიასათავის საქართველო მაინც შეუცვლელია... არ უყვარს ამ თემაზე საუბარი, მაგრამ ნოსტალგიას ის სამშობლოში შეჭირვებული ადამიანების დახმარებაში იქარვებს.ყველაფერი სოციალურ ქსელში დაიწყო, როგორც რიგითმა ერთ-ერთმა მომხმარებელმა ფოტო განათავსა, ეს ალბათ მისი ბავშვობის ინტერესის დაკმაყოფილების მცდელობა იყო... უბრალო პოსტმა სრულიად უცხო ადამიანებისგან დიდი გამოხმაურება პოვა - ასე დაიწყო ამერიკაში ქართველი ბლოგის წარმატებული საქმიანობა. ამ ყველაფერზე დავითანხმეთ და თავად მოგიყვებათ... - საკმაოდ აქტიური ადამიანი ვარ, მით უმეტეს, რაც საცხოვრებლად საქართველოდან ამერიკაში გადმოვედი, სხვადასხვა სოციალურ ქსელში უფრო გავაქტიურდი. რაღაცნაირად თავისთავად მოხდა... ბლოგერი ისე გავხდი, თავადაც ვერ მივხვდი... როგორც სოციალური ქსელების მომხმარებელმა, რამდენიმე ფოტო დავდე და იმდენად თბილი გამოხმაურებები მივიღე, თავად ვერ წარმოვიდგენდი... ასე დაიწყო ჩემი ბლოგერობის ამერიკული ისტორია და ახლა ყველაფერი ისაა, რასაც ჩემი ცხოვრების დიდი ნაწილი უჭირავს. ჩემი ყოველდღიური ცხოვრებაა, ისაა რასაც ადამიანები ჩემს ბლოგში ნახულობენ.- რატომ მიიღეთ საქართველოდან ამერიკაში საცხოვრებლად გადასვლის გადაწყვეტილება?- ამერიკაში წამოსვლა სპონტანურად მოხდა. საქართველოში ერთ-ერთ სასტუმროში მენეჯერად ვმუშაობდი. იმ დროს უბრალოდ ვიფიქრე, აშშ-ში მემოგზაურა. გამიმართლა და ვიზა მომცეს, თუმცა ჩემი „მოგზაურობა“ ისეთივე ხანგრძლივი აღმოჩნდა, როგორც აქ სხვა ბევრი ჩამოსულის... თუმცა, მინდა გითხრათ, რომ ამერიკა ყოველთვის ჩემი საყვარელი ქვეყანა იყო. შორიდან მომწონდა აქაური ცხოვრება, ახლა კი, ეს შეგრძნება გამიათმაგდა. სინანულით ვიტყვი, რომ ამერიკაში, თუნდაც ჩემ სფეროსა და საქმიანობაში წარმატების უფრო მეტი შესაძლებლობაა, ვიდრე - საქართველოში. და მაინც - საქართველოზე მეტად მაინც არაფერი მიყვარს მთელ დედამიწაზე, მიუხედავად იმისა, რომ ამერიკაში ცხოვრება ჩემთვის ძალიან კომფორტულია, მაინც.- მოგვიყევით საქართველოში თქვენი ცხოვრების შესახებ...- დავიბადე და გავიზარდე საქართველოს ერთ-ერთ ულამაზეს მხარეში - მარტვილში. არაჩვეულებრივი, ლაღი და საინტერესო ბავშვობა მქონდა. ვიზრდებოდი ბებოსთან, რომელმაც დიდი სიყვარულით და სითბოთი გამზარდა.- როგორია თქვენი ერთი ამერიკული დღე?- ჩემი დღე დილის ექვს საათზე იწყება: დილის რუტინის შემდეგ, მივდივარ სავარჯიშო დარბაზში, შემდეგ იწყება საქმე - ვიკრიბებით ჩემი გუნდის წევრები და ვგეგმავთ გადაღებებს. ეს ერთი შეხედვით თითქოს მარტივი პროცესია, თუმცა საკმაოდ დიდ ძალისხმევასა და შრომას მოითხოვს. გადასაღები ადგილების შერჩევა, ვიზუალი, სამოსი, გარემო, უამრავი ნიუანსია გასათვალისწინებელი. დროს ისე ვანაწილებ, რომ არც საქმეს ვაკლდები და არც ოჯახს. ჩემი პირადი ცხოვრების მთავარი მოქმედი პირები არიან: მეუღლე, შვილი და ორი ძაღლი. ოჯახი ჩემი საქმიანობის მთავარი მხარდამჭერი და მოტივატორია.- ამბობთ, ბლოგერობა ბუნებრივად დავიწყეო, მაგრამ ალბათ, იყო ინსპირაცია, რამაც პოპულარულ ბლოგერად გაქციათ...- ჩემი ბლოგი ერთგვარი გამოძახილია იმისა, რასაც მე რეალურად ვსაქმიანობ, იცით, ყოველთვის ეს იყო ჩემი ინტერესის სფერო. ბავშვობიდან მოდის სამყარო მაინტერესებდა - დიზაინერები, კოლექციები, მოდელები, სამოსი და ყველა ის საკითხი, რაც მგონი ნებისმიერ ქალს აინტერესებს და მეტიც - აბედნიერებს. ამ თემებით იმდენად ვარ გატაცებული, რომ ჩემი ძირითადი საქმიანობაც ეს გახდა. ამერიკაში გავიცანი სხვადასხვა კომპანიების,მაღაზიებისა და ქსელების წარმომადგენლები, რომლებთანაც ვთანამშრომლობ. გვაქვს სარეკლამო გადაღებები და ა.შ.- პირველი წარმატებული ბლოგი, რომელმაც ფოლოუერების დიდი ინტერესი გამოიწვია...- ყველაფერი ძალიან სპონტანურად მოხდა, სოციალურ ქსელში ჩემი ფოტოები განვათავსე, მინდოდა ჩემი სტილი, გემოვნება და ინტერესები სხვებისთვისაც გამეზიარებინა. პირველივე აქტივობას მოყვა თბილი კომენტარები და გამოხმაურება. ქალბატონები რჩევებს მეკითხებოდნენ და მეც ამ ყველაფერს შევყევი... ამან მიბიძგა, ჩემი ბლოგი უფრო დამეხვეწა და გამემრავალფეროვნებინა.- რას ურჩევს ცნობილი ბლოგერი მოდის ტენდენციით დაინტერესებულებს მიმდინარე წელს?- სწორედ ეს არის ჩემი ბლოგის მიზანიც. მიუხედავად იმისა, რომ ბავშვობიდან ეს სფერო მაინტერესებს, ჩემი სტილის პოვნისთვის რაღაც დრო თავადაც დამჭირდა. მიუხედავად იმისა, რომ საკმაოდ გადატვირთული გრაფიკი მაქვს, უპასუხოდ არასდროს არავის ვტოვებ. აბსოლუტურად ყველა ქალბატონს ვცდილობ დავეხმარო, მივცე რჩევები. ჩემს ბლოგს იცით რა უპირატესობა აქვს? ჩემი ფოლოვერები, რომელთა უმრავლესობასაც პირადად არ ვიცნობ, ჩემი მეგობრები არიან. ვიღაცას მოვეწონე, თბილი სიტყვები არ დაიშურა და თავისი ძვირფასი დრო დამითმო, ამას უყურადღებოდ როგორ დავტოვებ?! არასდროს.- როგორ მიგიღოთ ამერიკელმა კოლეგებმა, ცნობილმა ბლოგერებმა და ამერიკულმა მოდის სამყარომ?- ამერიკაში, კონკრეტულად ნიუ-იორკში სამოდელო საქმიანობაში ჩართული ბევრი წამყვანი სპეციალისტი ჩემი გამომწერი გახდა, ბევრიც სხვადასხვა სფეროებში წარმატებული ადამიანები არიან, ასე კონკრეტულად პიროვნებების დასახელება ალბათ, უხერხული იქნება...- ვიცით, რომ ქველმოქმედებით ხართ დაკავებული...- ქველმოქმედება ხმამაღალი ნათქვამია, თანაც ხომ გაგიგიათ, "შენმა მარჯვენამ არ იცოდეს, მარცხენა რას აკეთებსო". ამიტომაც კონკრეტულად არაფერს ვიტყვი, გარდა იმისა, რომ ადამიანების მორალური თუ ფინანსური მხარდაჭერა ზუსტად ისეთივე სიამოვნებას მანიჭებს, როგორსაც - ჩემი საქმიანობა.- გაგვიმხილეთ თქვენი სამომავლო გეგმები...- ძალიან ბევრი გეგმა მაქვს. უახლოეს მომავალში სასიამოვნო სიახლეებს ველოდები. ეს ნიუ-იორკში, მანჰეტენზე არსებულ ერთ-ერთ სარეკლამო სააგენტოს უკავშირდება, თუმცა ჯერჯერობით დეტალებს ვერ გავამხელ.- რას ურჩევდით დამწყებ ბლოგერებსა თუ ინფლუენსერბს?- დამწყებ ინფლუენსერებს იმავეს ვურჩევ, რასაც საკუთარ თავს - იშრომონ, იშრომონ და არასდროს გაჩერდნენ, შრომა ყოველთვის ფასდება.
1674178248
საგარეჯოში შს მინისტრი ვახტანგ გომელაური ჩავიდა. ჟურნალისტებთან საუბრისას მინისტრმა აღნიშნა, რომ ჯერჯერობით დანაშაულის მოტივი უცნობია.„ძალიან მძიმე შემთხვევაა - 5 ადამიანია გარდაცვლილი, აქედან ერთი ჩვენი თანამშრომელია. მინდა ოჯახებს მივუსამძიმრო. 5 ადამიანია ასევე დაჭრილი, ერთ-ერთს ოპერაცია უტარდება და ექიმები ვერ გვეუბნებიან გადარჩება თუ არა. ვერავინ ვერ ვხსნით რა მოხდა. მოქალაქემ ცეცხლსასროლი იარაღიდან დაიწყო სროლა ჯერ ერთი მხრიდან, მერე აივნის მეორე მხრიდან, სახლში იყო იმ პირის შვილიც, რომელიც სახლიდან გაიქცა.ეს პირი სამხედრო პირი იყო, როგორც უკვე ვიცით 2021 წელს არის წამოსული სამსახურიდან. მანამდე მუშაობდა ჯარში და ავღანეთშიც ნამყოფია. სპეცდანიშნულების რაზმი ჩამოვიდა და მოუწოდეს, მაგრამ ვერაფერი... გასროლა გააკეთა ამ პირმა მაშინ, როდესაც სპეცრაზმი შევიდა. სპეცრაზმმა ნახა, რომ თავიდან სისხლი მოსდიოდა და გვერდით იარაღი ედო.სახელს და გვარს ამ ეტაპზე ვერ ვიტყვი, შვილი ვერაფერს გვეუბნება ამბობს, რომ გამოვედი და გვამები ძირს ეყარა, მე კი გამოვიქეციო,“- განაცხადა ვახტანგ გომელაურმა.
1674177181
დამატებითი დეტალები პირზე, რომელმაც საგარეჯოში ცეცხლი გახსნა
საგარეჯოში მომხდართან დაკავშირებით ახალი დეტალები ხდება ცნობილი.ადგილობრივების ინფორმაციით, პირი, რომელმაც რამდენიმე ადამიანი მოკლა და დაჭრა, 49 წლის ნ.ა. არის.არსებული ინფორმაციით ის თვითლიკვიდირებულია. გავრცელებული ინფორმაციით, ყოფილი სამხედრო, აღნიშნულ კორპუსში, ქირით ცხოვრობდა.
1674176348
პირი, რომელმაც საგარეჯოში ცეცხლი გახსნა სავარაუდოდ, თვითლიკვიდირებულია
შსს საგარეჯოში მომხდართან დაკავშირებით ახალი ინფორმაციას ავრცელებს, რომელსაც „პრაიმტაიმი“ უცვლელად გთავაზობთ:„შინაგან საქმეთა სამინისტროს შესაბამისი დანაყოფების თანამშრომლები მობილიზებული არიან საგარეჯოს რაიონში და საგამოძიებო მოქმედებებს ატარებენ.გამოძიების ინფორმაციით, საცხოვრებელი კორპუსის ერთ-ერთი ბინის აივნიდან, 1974 წელს დაბადებულმა ნ.ა.-მ რამდენიმე გასროლა განახორციელა, რის შედეგადაც გარდაიცვალა 4 და დაიჭრა კორპუსის ეზოში მყოფი 5 ადამიანი.ბრალდებულმა პირმა ასევე, ცეცხლი გაუხსნა ადგილზე გამოძახებულ შინაგან საქმეთა სამინისტროს თანამშრომლებს, რომელთაგანაც ერთ-ერთი გარდაიცვალა.შემთხვევის ადგილზე მოხდა პოლიციის დამატებითი ჯგუფების მობილიზება, ასევე ადგილზე გამოძახებულ იქნა შინაგან საქმეთა სამინისტროს სპეცდანიშნულების რაზმი, რომელთა მისვლისთანავე, ბრალდებულმა ცეცხლსასროლი იარაღიდან გასროლით სავარაუდოდ თვითლიკვიდაცია განახორციელა.ადგილზე მუშაობას იწყებენ გამნაღმველები და დამატებითი ინფორმაცია მოგვიანებით გავრცელდება.გამოძიება სისხლის სამართლის კოდექსის 109-ე მუხლის „ლ“ ქვეპუნქტით და 236-ე მუხლის მესამე ნაწილით მიმდინარეობს, რაც დამამძიმებელ გარემოებაში ჩადენილ განზრახ მკვლელობას და ცეცხლსასროლი იარაღისა და საბრძოლო მასალის უკანონო შეძენა-შენახვისა და ტარებას გულისხმობს.“- ნათქვამია გაცხადებაში.
1674175927
საგარეჯოდან ერთ-ერთი დაშავებული თბილისში გადმოჰყავთ
ამ წუთებში საგარეჯოდან ერთ-ერთი დაჭრილი სასწრაფო სამედიცინო დახმარების ჯგუფს თბილისში გადმოჰყავს.ადგილობრივების ინფორმაციით, დაშავებულ ქალს თვალი აქვს დაზიანებული.შეგახსენებთ, ცოტა ხნის წინ, საგარეჯოში შეიარაღებულმა პირმა ერთ-ერთი კორპუსის მაღალი სართულიდან ცეცხლი მოქალაქეების მისამართით გახსნა. არიან დაჭრილები და გარდაცვლილები.პირდაპირი ეთერი შემთხვევის ადგილიდან
1674175240
ფოტოები შემთხვევის ადგილიდან - რა ხდება საგარეჯოში
ცოტა ხნის წინ, საგარეჯოში შეიარაღებულმა პირმა ერთ-ერთი კორპუსის მაღალი სართულიდან ცეცხლი მოქალაქეების მისამართით გახსნა. არიან დაჭრილები და გარდაცვლილები.გავრცელებული ინფორმაციით პირი, რომელმაც მოქალაქეების მისამართით ცეცხლი გახსნა, ყოფილი სამხედრო მოსამსახურეა.ვრცელდება ფოტოები შემთხვევის ადგილიდან.მომხდარს შინაგან საქმეთა სამინისტრო ეხმაურება.
1674173861
LIVE - რა ხდება ამ წუთებში საგარეჯოში
ცოტა ხნის წინ, საგარეჯოში შეიარაღებულმა პირმა ერთ-ერთი კორპუსის მაღალი სართულიდან ცეცხლი მოქალაქეების მისამართით გახსნა.გავრცელებული ინფორმაციით, არიან დაჭრილები და გარდაცვლილები.ვრცელდება ინფორმაცია იმ პირის შესახებ, რომელმაც მოქალაქეების მისამართით ცეცხლი გახსნა. ერთი ვერსიით ის ყოფილი პოლიციელია, მეორე ვერსიით კი ყოფილი სამხედრო მოსამსახურე.ადგილობრივები შემთხვევის ადგილიდან ფოტოებს ავრცელებენ. მომხდარს შინაგან საქმეთა სამინისტრო ეხმაურება:
1674171423
შსს საგარეჯოში მომხდარზე განცხადებას ავრცელებს - არიან დაჭრილები და გარდაცვლილები
რამდენიმე წუთის წინ, საგარეჯოში შეიარაღებულმა პირმა ერთ-ერთი კორპუსის მაღალი სართულიდან ცეცხლი მოქალაქეების მისამართით გახსნა.როგორც ადგილობრივები წერენ, არიან დაჭრილები და გარდაცვლილები.მომხდარს შინაგან საქმეთა სამინისტრო ეხმაურება:"შინაგან საქმეთა სამინისტროს შესაბამისი დანაყოფების თანამშრომლები მობილიზებული არიან საგარეჯოს რაიონში და სპეციალურ ოპერატიულ-საგამოძიებო ღონისძიებებს ახორციელებენ.პირველადი ინფორმაციით, საცხოვრებელი კორპუსის ერთ-ერთი ბინის აივნიდან მოქალაქის მხრიდან განხორციელდა რამდენიმე გასროლა, რის შედეგადაც გარდაიცვალა და დაიჭრა კორპუსის ეზოში მყოფი რამდენიმე ადამიანი.ბრალდებულმა პირმა ასევე, ცეცხლი გაუხსნა ადგილზე გამოძახებულ შინაგან საქმეთა სამინისტროს თანამშრომლებს, რომელთაგანაც ერთ-ერთი გარდაიცვალა.ამ წუთებში, შემთხვევის ადგილზე პოლიციის დამატებითი ჯგუფები არიან მობილიზებული და ბრალდებულის დაკავების მიზნით ოპერატიულ-საგამოძიებო ღონოსძიებებს ატარებენ. სპეციალური ოპერაციის დეტალების შესახებ და ასევე დაჭრილების და გარდაცვლილების შესახებ, დამატებითი ინფორმაციას მოგვიანებით გავავრცელებთ." - განმარტავენ უწყებაში.
