თეთრი სახლი ყურადღებით ადევნებს თვალს ბელარუსს და მზად არის მეტი სანქციის დასაწესებლად - CNN

CNN-ს ინფორმაციით, თეთრი სახლი ყურადღებით ადევნებს თვალს ბელარუსის მიერ განხორციელებულ ქმედებებს და მზად არის დაუწესოს მეტი სანქცია ქვეყანას იმ ფონზე, რომ ბელარუსის ძალები შეიძლება შეუერთდნენ რუსეთს უკრაინის ტერიტორიაზე შეჭრაში.

„ჩვენ ვთქვით, რამდენადაც ბელარუსი აგრძელებს დახმარებას და ხელს უწყობს რუსეთის აგრესიას უკრაინაში, ამას მოჰყვება შედეგები. ჩვენ უკვე გამოვიყენეთ ამ ზომების ნაწილი.“ - განაცხადა თეთრი სახლის ოფიციალურმა წარმომადგენელმა.