„რუსული რაკეტები არ დაფრინავს ევროპის საბავშვო მოედნებზე, ვაშინგტონში მოსწავლეებმა არ იციან, რა არის განგაშის სიგნალის ხმა“ - პოდოლიაკი

უკრაინის პრეზიდენტის აპარატის უფროსის მრჩეველი მიხაილო პოდოლიაკი ტვიტერზე წერს, რომ დემოკრატია უფრო მეტად უნდა იყოს შეიარაღებული, ვიდრე ტერორისტები.

„რუსული რაკეტები არ დაფრინავს ევროპის საბავშვო მოედნებზე. ვაშინგტონში სკოლის მოსწავლეებმა არ იციან, რა არის განგაშის სიგნალის ხმა. ჩვენ მოკავშირეებს ცის ჩაკეტვას უკვე აღარ ვთხოვთ.

ყველაზე მეტად რაც გვჭირდება, საჰაერო თავდაცვის და ანტისარაკეტო სისტემებია, საკმარისი იმისთვის, რომ ჩვენი შვილების უსაფრთხო ძილი უზრუნველყოთ. დემოკრატია უფრო კარგად უნდა იყოს შეიარაღებული, ვიდრე ტერორისტები“, – წერს პოდოლიაკი.

ყველა მნიშვნელოვანი ინფორმაცია ნახეთ აქ: ოკუპანტების მასიური შეტევა და აფეთქებები უკრაინაში - განახლებადი