რა ვითარებაა ახლა უკრაინაში - ყველაფერი, რაც ამ დროისთვის უნდა იცოდეთ

უკრაინაში ომის დაწყებიდან დღეს მე-12 დღე გავიდა. ნგრევისა და დაღუპულთა რიცხვი იზრდება. ომის შესახებ განახლებული ინფორმაციის შესახებ CNN წერს.

ევაკუაცია და დაღუპულები: ქალაქის მერის თქმით, რუსეთის სამხედრო დარტყმამ კვირას კიევის გარეუბანში ევაკუაციის გადაკვეთის პუნქტს დაარტყა, რის შედეგადაც დაიღუპა ოჯახის ორი წევრი, და რამდენიმე სხვა მშვიდობიანი მოქალაქე, რომელიც ცდილობდა გაქცეულიყო.

რუსმა სამხედროებმა ცეცხლი გაუხსნეს მშვიდობიანი მოსახლეობას ქალაქ ირპენში (კიევის მახლობლად მდებარე) ევაკუაციის მცდელობისას. მტერმა ცეცხლი გაუხსნა ირპენის გარეუბანში მცხოვრებ მოქალაქეებს.​ ირპენის მერმა თქვა, რომ რვა მშვიდობიანი მოქალაქე დაიღუპა მთელს რაიონში.

ცეცხლოვანი ზელენსკი: უკრაინის პრეზიდენტმა ვოლოდიმირ ზელენსკიმ დაადანაშაულა რუსეთი "განზრახ მკვლელობის" დაგეგმვაში უკრაინის ტერიტორიის დაბომბვისას. კვირას ვიდეომიმართვაში საუბრისას, ზელენსკიმ დაამატა, რომ მას „ღმერთი არ აპატიებს“

პრეზიდენტმა მოკავშირეების მცირე თანადგომის გამო უკმაყოფილებაც გამოთქვა.

„მე არ მსმენია დღეს არცერთი მსოფლიო ლიდერის რეაქცია, არც ერთი დასავლელი პოლიტიკოსისგან“,- თქვა ზელენსკიმ.

ბირთვული შიშები: საფრანგეთის პრეზიდენტმა ემანუელ მაკრონმა და რუსეთის პრეზიდენტმა ვლადიმერ პუტინმა განიხილეს უკრაინაში ატომური ელექტროსადგურების უსაფრთხოება, ნათქვამია კრემლის განცხადებაში.​ მაკრონმა ასევე ისაუბრა ზელენსკისთან და გაიმეორა "აბსოლუტური აუცილებლობა, რათა თავიდან იქნას აცილებული უკრაინის სამოქალაქო ბირთვული ობიექტების მთლიანობაზე თავდასხმა".

რუსეთი აძლიერებს თავდასხმას: რუსეთმა სულ 600 რაკეტა გაუშვა უკრაინაში შეჭრის დაწყების შემდეგ, განაცხადა აშშ-ის თავდაცვის მაღალჩინოსანმა. რუსეთმა უკრაინის შიგნით დაგროვილი საბრძოლო ძალის დაახლოებით 95% ჩადო.

ანტი-ომის საპროტესტო აქციები: მინიმუმ 4,640 ადამიანი დააკავეს რუსეთში კვირას, ომის საწინააღმდეგო აქციებში მონაწილეობის გამო მთელი ქვეყნის მასშტაბით.

ბიზნესი უკან იხევს: Netflix-მა კვირას განაცხადა, რომ ამ დროისთვის შეწყვეტს რუსეთში სტრიმინგ ვიდეო სერვისის გაყიდვას და მიწოდებას. ჰოლივუდის დიდმა სტუდიებმა ასევე გადადო ახალი ფილმების გამოშვება ქვეყანაში. კვირას TikTok-მა და American Express-მაც შეაჩერეს მომსახურება რუსეთის შიგნით.