პუტინის მიერ უკრაინის დიდი ნაწილის დამოუკიდებლად გამოცხადება გენიალური სვლა იყო - დონალდ ტრამპი

პუტინის მიერ უკრაინის დიდი ნაწილის დამოუკიდებლად გამოცხადება გენიალური სვლა იყო. - ამის შესახებ ამერიკის შეერთებული შტატების ყოფილმა პრეზიდენტმა დონალდ ტრამპმა ერთ - ერთ პოდკასტში საუბრის დროს განაცხადა.

მისი თქმით, ამ გზის გამოყენება სამხრეთ საზღვარზე მათაც შეუძლიათ.

„გუშინ სახლში შევედი, ჩავრთე ტელევიზორი და ჩემს თავს ვუთხარი – ეს გენიალურია! პუტინმა უკრაინის დიდი ნაწილი დამოუკიდებლად გამოაცხადა, ეს შესანიშნავია. ძალიან ჭკვიანური ნაბიჯია, შევა და მშვიდობისმყოფელი იქნება. ამ გზის გამოყენება სამხრეთ საზღვარზე ჩვენც შეგვიძლია“. - განაცხადა ტრამპმა.

ამავე პოდკასტში საუბრისას, დონალდ ტრამპმა განაცხადა, რომ ბაიდენს თეთრ სახლში არაფერი ესაქმება და მის დროს პუტინი ასეთ ესკალაციას ვერ გაბედავდა.

მისივე თქმით, ის და პუტინი ერთმანეთს "მშვენივრად" უგებდნენ და პუტინს კერკეტი კაკალია, რომელსაც საკუთარი ქვეყანა უყვარს.

"ის კერკეტი კაკალია, მას აქვს ქარიზმა და სიამაყე. მას ძალიან უყვარს თავისი ქვეყანა". - განაცხადა დონალდ  ტრამპმა.