ტრამპი ამბობს, რომ თუ პროკურორები მასთან მიმართებაში უკანონობას ჩაიდენენ, უპრეცედენტოდ მასშტაბური საპროტესტო აქციები გაიმართება

აშშ-ის ყოფილმა პრეზიდენტმა, დონალდ ტრამპმა განაცხადა, რომ ქვეყანაში უპრეცედენტოდ მასშტაბური საპროტესტო აქციები გაიმართება, თუ პროკურორები მასთან დაკავშირებულ გამოძიებებში რაიმე უკანონობას ჩაიდენენ. 

ამის შესახებ უცხოური მედია წერს. 

დონალდ ტრამპმა შტატებისა და ფედერალურ დონეზე მიმდინარე გამოძიებებზე ისაუბრა, რომელთა სამიზნე დონალდ ტრამპის ბიზნესი და პოლიტიკური საქმიანობაა.

„თუ ეს რადიკალი და ბოროტი პროკურორები რაიმე უკანონობას ჩაიდენენ, ვიმედოვნებ, რომ ამ ქვეყანაში ყველაზე დიდი პროტესტი გვექნება, რაც კი ოდესმე ჰყოფილა. ვაშინგტონში, ნიუ-იორკში, ატლანტაში და სხვაგან, რადგან ჩვენი ქვეყანა და ჩვენი არჩევნები კორუმპირებულია“, - აღნიშნა აშშ-ის 45-ე პრეზიდენტმა.