პოლონეთი უკრაინას Twardy-ის ტიპის 60 ტანკს გაუგზავნის

პოლონეთი უკრაინას დამატებით საბრძოლო ტანკებს მიაწვდის, - ამის შესახებ უკრაინის პრეზიდენტის ოფისის ხელმძღვანელმა ანდრეი ერმაკმა განაცხადა.

„მანამდე გამოცხადებულ 14 Leopard 2-ის ტიპის ტანკთან ერთად, პოლონეთი უკრაინაში PT-91 Twardy-ის ტიპის 60 ტანკს გააგზავნის“, - განაცხადა ერმაკმა.

PT-91 Twardy არის პოლონეთის შეიარაღებული ძალების მთავარი ტანკი. ის შექმნილია ლიცენზირებული საბჭოთა T-72M1-ის ბაზაზე.