პენტაგონი ახალი სარდლობის შექმნას გეგმავს, რომელიც კოორდინაციას გაუწევს უკრაინელი სამხედროების აღჭურვას და წვრთნას - „ნიუ იორკ თაიმსი“

პენტაგონი ახალი სარდლობის შექმნას გეგმავს, რომელიც კოორდინაციას გაუწევს უკრაინელი სამხედროების აღჭურვას და წვრთნას. ამის შესახებ ინფორმაციას „ნიუ იორკ თაიმსი“ ავრცელებს.

საუბარია სწავლებისა და დახმარების სისტემის გამარტივებაზე, რომელიც თებერვალში რუსეთის შემოჭრის შემდეგ შეიქმნა. სისტემა იქნება ახალი სარდლობის ქვეშ, რომელიც დაფუძნებული იქნება გერმანიაში და უხელმძღვანელებს აშშ-ის არმიის გენერალი.

გამოცემის თანახმად, ახალი ბრძანება მიანიშნებს აშშ-ის მოლოდინებზე, რომ რუსეთის საფრთხე უკრაინასა და მის მეზობლებზე მრავალი წლის განმავლობაში კვლავ იქნება. ახალი სარდლობა გენერალ კრისტოფერ კავოლის დაექვემდებარება და განახორციელებს უკრაინის თავდაცვის საკონტაქტო ჯგუფის გადაწყვეტილებებს. 40 ქვეყნისგან შემდგარი კოალიცია აშშ-ს თავდაცვის დეპარტამენტმა შექმნა რუსეთის შეჭრის შემდეგ უკრაინის საჭიროებებისა და მოთხოვნების დასაკმაყოფილებლად.