ნიუ იორკში, საცხოვრებელ კორპუსში ხანძრის დროს 19 ადამიანი, მათ შორის 9 ბავშვი დაიღუპა

ნიუ იორკში, საცხოვრებელ კორპუსში ხანძარს სულ მცირე 19 ადამიანი, მათ შორის ცხრა ბავშვი ემსხვერპლა.

ამის შესახებ უცხოური მედია წერს.

გამოცემის ცნობით, ბრონქსის უბანში მდებარე 19-სართულიან კორპუსში ხანძრის შედეგად, სულ მცირე 63 ადამიანი დაშავდა, რომელთაგან 32-ის ჯანმრთელობის მდგომარეობა მძიმეა.

ცეცხლის ჩასაქრობად შემთხვევის ადგილზე 200-ზე მეტი მეხანძრე მივიდა. ხანძრის ადგილზე იმყოფებოდა ნიუ იორკის მერი ერიკ ადამსიც.

„ეს იქნება ერთ-ერთი ყველაზე საშინელი ხანძარი, რაც ჩვენ ვნახეთ თანამედროვე დროში აქ, ქალაქ ნიუ იორკში“, – განაცხადა ადამსმა.