კვებეკის პროვინციის ხელისუფლება აუცრელი მოქალაქეებისთვის გადასახადის დაწესებას გეგმავს

კვებეკის (კანადა) პროვინციის ხელისუფლება იმ პირებისთვის, რომლებიც ვაქცინაციაზე უარს ამბობენ, გადასახადის დაწესებას გეგმავს.

ინფორმაციას ამის შესახებ Reuters-ი ავრცელებს.

გამოცემის ცნობით, საუბარია ე.წ. ჯანმრთელობის შენატანზე, რომელსაც ის ზრდასრულები გადაიხდიან, რომლებიც ვაქცინაციაზე უარს ამბობენ. გადასახადი არ გავრცელდება მათზე, ვინც ვაქცინაციას სამედიცინო მიზეზების გამო ვერ ახერხებს.

კვებეკის პროვინციის პრემიერის თქმით, თანხა 100 კანადურ დოლარზე (79.50 აშშ დოლარი) ნაკლები არ იქნება.