ჯანმო: ომიკრონთან საბრძოლველად, შესაძლოა, არსებული ვაქცინების შემადგენლობის განახლება საჭირო გახდეს

ჯანდაცვის მსოფლიო ორგანიზაციის განცხადებით, არსებულ ვაქცინებს განახლება შეიძლება დასჭირდეს, რათა „ომიკრონისა“ და კორონავირუსის მომავალი ვარიანტების წინააღმდეგ ეფექტურობა უზრუნველყოფილი იყოს.

ინფორმაციას Reuters-ი ავრცელებს.

„კორონავირუსის არსებული ვაქცინების შემადგენლობის განახლება საჭირო შეიძლება გახდეს, რათა დავრწმუნდეთ, რომ ვაქცინები კვლავ უზრუნველყოფენ ჯანმოს მიერ რეკომენდებული დონის დაცვას შემაშფოთებელი ვარიანტებით გამოწვეული ინფექციისა და დაავადებისგან“, - ნათქვამია ჯანმოს ტექნიკური ჯგუფის განცხადებაში.