ჯოზეფ ბორელი - დიპლომატიური გზა ერთადერთ გრძელვადიან გადაწყვეტას სთავაზობს უკრაინელ და ევროპელ ხალხს, მოვუწოდებ რუსეთს, მიიღოს ის

საგარეო და უსაფრთხოების პოლიტიკის საკითხებში ევროკავშირის უმაღლესი კომისარი ჟოზეფ ბორელი სოციალურ ქსელში აშშ-ის მიერ რუსეთისთვის წერილობითი პასუხის გაცემას ეხმაურება და რუსეთს მოუწოდებს, დაეთანხმოს აღნიშნულ წინადადებებს.

„მივესალმები სახელმწიფო მდივან ბლინკენის წერილობით პასუხს რუსეთის უსაფრთხოების წინადადებებზე. დიპლომატიური გზა ერთადერთ გრძელვადიან გადაწყვეტას სთავაზობს უკრაინელ და ევროპელ ხალხს. მოვუწოდებ რუსეთს, მიიღოს ის. ევროკავშირი და აშშ ერთიანი არიან მიდგომებში“, – წერს ბორელი.

შეგახსენებთ, რომ აშშ-მა რუსეთს უსაფრთხოების სფეროში წინადადებებზე წერილობითი პასუხი გასცა. რუსულ მხარეს დოკუმენტი რუსეთში აშშ-ის ელჩმა, ჯონ სალივანმა გადასცა. როგორც საკითხზე კომენტირებისას აშშ-ის სახელმწიფო მდივანმა, ენტონი ბლინკენმა განაცხადა, აშშ NATO-ს ღია კარის პოლიტიკაზე უარს არ იტყვის.

I welcome @secblinken’s written response to Russia’s security proposals.

The diplomatic path offers the only lasting solution to the people of Ukraine and the people of Europe.

I urge Russia to take it. The EU and the U.S. are united in our approach.

— Josep Borrell Fontelles (@JosepBorrellF) January 26, 2022