თეონა ყაჭიური
1726689256
ირანმა კვლავ უარყო ბრალდებები, რომ რუსეთს აწვდის იარაღს უკრაინასთან ომისთვის. ამის შესახებ CNN წერს.
„ირანს არაერთხელ განუცხადებია, რომ ის არ არის მხარე რუსეთსა და უკრაინას შორის ომში და არცერთ მხარეს არ გაუგზავნია იარაღი. ქვეყნდება ახალი ამბები, რომელიც ეფუძნება პოლიტიკურ საკითხებს. მწარე ირონიაა, რომ ქვეყნებმა, რომლებიც მილიონობით დოლარის იარაღს ახორციელებენ ომის ერთ მხარეს, დაიწყეს პროპაგანდისტული ომი ირანის წინააღმდეგ“,- განაცხადა ირანის საგარეო საქმეთა სამინისტროს წარმომადგენელმა.
ამასთან, შაბათს პორტუგალიის საგარეო საქმეთა მინისტრთან სატელეფონო საუბრისას, ირანის საგარეო საქმეთა მინისტრმა ხაზგასმით აღნიშნა, რომ ირანს „არ აქვს და არც აპირებს“ უზრუნველყოს რაიმე იარაღი უკრაინაში გამოსაყენებლად.
შეგახსენებთ, ვრცელდება ინფორმაცია, რომ კრემლი უკრაინის წინააღმდეგ ირანულ „კამიკაძე“ დრონებს იყენებს.
სხვა სიახლეები
